Esta disposición regula a actividade de aloxamento na modalidade de campamentos de turismo no ámbito territorial da Comunidade Autónoma de Galicia.

As disposicións desta norma non serán de aplicación aos campamentos xuvenís, albergues, centros e colonias de vacacións escolares, así como a toda clase de acampadas que estean reguladas polas súas normas específicas, e as actividades e empresas de aloxamento excluídas no artigo 53, apartados 2 e 3 da Lei 7/2011, do 27 de outubro, do turismo de Galicia.

Empresarios. Persoas físicas ou xurídicas

Son cambios ou reformas substanciais os que afecten á categoría e á capacidade; así como, os cambios ou reformas que afecten ás instalacións estables destinadas ao aloxamento temporal, ao terreo destinado a campamento ou a redistribución das edificacións ou instalacións estables destinadas ao aloxamento temporal sempre que afecten á clasificación turística.

Tales cambios ou reformas substanciais requirirán a previa autorización expedida pola Dirección da Axencia Turismo de Galicia, logo da tramitación do oportuno expediente.

• Solicitude normalizada segundo o Anexo IV desde Decreto, acompañada da seguinte documentación:

  • Documentación xustificativa dos devanditos cambios.

  • Proxecto tecnico, asinado por facultativo competente, con planos de edificación e instalacións a escala 1:100.

  • Documento de inscrición no Rexistro da Propiedade do predio destinado a campamento, en caso de que o cambio afecte á superficie do campamento autorizado.

  • Documento acreditativo do pagamento das taxas correspondentes.

• No caso de que o cambio afecte á superficie do campamento autorizado, acompañarase, ademais, a documentación prevista no artigo 57.2 c) deste Decreto:

  • Documento de inscrición no Rexistro da Propiedade do predio destinado a campamento.

Prazo de resolución: Tres meses

Sentido do silencio: Positivo