Regular a actividade turística de aloxamento na modalidade de campamentos de turismo no ámbito territorial da Comunidade Autónoma de Galicia.

As disposicións desta norma non serán de aplicación aos campamentos xuvenís, albergues, centros e colonias de vacacións escolares, así como a toda clase de acampadas que estean reguladas polas súas normas específicas, e as actividades e empresas de aloxamento excluídas no artigo 53, apartados 2 e 3 da Lei 7/2011, do 27 de outubro, do turismo de Galicia.

Empresarios. Persoas físicas ou xurídicas

Prazo de presentación: PECHADO

Este decreto entrará en vigor aos vinte días naturais da súa publicación no Diario Oficial de Galicia.

• A solicitude de autorización de apertura e clasificación turística seguirá o modelo oficial que figura no anexo III, desta norma, debendo indicar o período de funcionamento do establecemento para o que se solicita a autorización.

• A solicitude deberá ir acompañada, ademais do documento acreditativo do pagamento das taxas correspondentes, da seguinte documentación:

  • a) Se a titularidade do establecemento correspondese a unha persoa xurídica, escritura de constitución da sociedade e poderes do/da solicitante para o caso de que non se deduza claramente da escritura social.

  • b) Título de propiedade do terreo ou calquera outro documento que acredite a súa dispoñibilidade para a súa utilización como campamento de turismo. No caso de que o establecemento dispoña de instalacións estables, título de propiedade ou documento acreditativo da súa dispoñibilidade por parte do/da titular do campamento. Si se tratase de terreos municipais, certificación do concello no que se acorde a instalación do campamento e rexime de explotación.

  • c) Documento de inscrición no Rexistro da Propiedade da finca ou predio destinado a campamento.

  • d) Certificado expedido por un laboratorio público ou privado, que estea acreditado ou certificado, de que a auga no punto de entrega ao consumidor ou consumidora e apta para o seu consumo. Se o campamento utiliza exclusivamente a rede municipal de abastecemento, chegará con facer constar tal circunstancia.

  • e) Autorización e/ou concesións requiridas, no seu caso, pola normativa vixente en materia de augas.

  • f) Documento que acredite a subscrición dun seguro de responsabilidade civil segundo o disposto neste decreto.

  • g) Proxecto tecnico asinado por facultativo/a competente, con planos e memoria á que fai referencia os apartados a), b), c) e d) do artigo 54 no que se identificarán expresamente as zonas e parcelas previstas para as instalacións estables. Non será necesario achegar este proxecto no caso que se achegase coa solicitude de informe potestativo previo.

  • h) Certificado de final de obra expedido por tecnico/a competente.

  • i) Licenza de actividade clasificada ou de apertura e da licenza urbanística do campamento ou permisos que as substitúan.

  • l) Relación de parcelas numeradas con indicación das súas características e superficies respectivas.

Prazo de resolución: Tres meses

Sentido do silencio: Positivo