Solicitar o recoñecemento da cualificación de deportista galego de alto nivel e os beneficios e axudas que para estes estableza a Administración autonómica de Galicia.

Deportistas de alto nivel, entendendo como tales os que desenvolven unha práctica deportiva de interese para a Comunidade Autónoma ou pola súa función representativa de Galicia nas actividades deportivas de proxección nacional e internacional.

a) Ter veciñanza administrativa en Galicia no momento da solicitude de recoñecemento e durante o desfrute dos beneficios derivados desta.

b) Ter máis de 16 anos na data na que se adopte a resolución de recoñecemento.

c) Estar en posesión dunha licencia deportiva vixente expedida por unha federación deportiva galega dunha modalidade olímpica, paralímpica ou de proxección internacional notoria, desde, alomenos, o un de xaneiro do ano anterior ao do recoñecemento.

d) Non estar cumprindo sanción disciplinaria deportiva firme de carácter moi grave, ou sanción administrativa firme en materia deportiva de carácter grave ou moi grave, no momento da solicitude de recoñecemento nin durante o desfrute dos beneficios derivados.

e) Acreditar o nivel deportivo esixido na modalidade practicada.

• Solicitude normalizada.

• Copia do DNI.

• Certificación da federación deportiva correspondente na que acredite o cumprimento dos requisitos c), d), e e).

• Calquera outro aspecto que poida resultar relevante en atención ao fin perseguido.

Prazo de resolución: Seis meses

Sentido do silencio: Non especificado