Orientámolo/a, paso a paso, para presentar unha solicitude no rexistro electrónico
TR841A - Autorización a persoas físicas ou entidades especializadas para a realización de auditorías do sistema de prevención das empresas.
Aberto todo o ano Obxecto
Regular as autorizacións da Consellería de Traballo e Benestar ás persoas ou entidades especializadas que pretendan ser autorizadas para desenvolver a actividade de auditoría do sistema de prevención das empresas
A quen vai dirixido?
Persoas ou entidades especializadas.
Requisitos
As persoas ou entidades especializadas que pretendan desenvolver a actividade de auditoría do sistema de prevención das empresas deberán ter capacidade para poder realizar as actividades que constitúan os obxectivos da auditoría establecidos no artigo 30 do Regulamento dos servizos de prevención e relativos a:
- Determinación da idoneidade das avaliacións dos riscos iniciais ou periódicas realizadas, análise dos seus resultados e verificación destes.
- Comprobación dos diferentes tipos de actividades preventivas que se deben realizar como consecuencia da avaliación dos riscos para eliminar, controlar ou reducir os devanditos riscos, así como da planificación destas actividades preventivas.
- Determinación da adecuación entre os procedementos e medios materiais e humanos requiridos para realizar a actividade preventiva necesaria e os recursos propios ou concertados de que dispoña o empresario.
- Valoración da integración da prevención no sistema xeral de xestión da empresa.
Recursos materiais e humanos
Para os efectos de determinar os medios humanos mínimos para poder desenvolver as actividades que constitúan as auditorías sinaladas no apartado anterior, no caso dunha persoa física, esta deberá ser un técnico de nivel superior en calquera das catro especialidades ou disciplinas preventivas consideradas no artigo 34 do Regulamento dos servizos de prevención que dispoña, ademais, dunha formación ou experiencia probada en xestión e realización de auditorías e en técnicas auditoras e, no caso das entidades especializadas, deberán contar con, polo menos, un técnico que cumpra estas condicións.
En ambos os dous casos, ademais, deberá contar con técnicos de nivel superior, propios ou, no seu caso, concertados segundo o previsto no apartado 4, en todas as demais especialidades ou disciplinas sinaladas no artigo 34 do Regulamento dos servizos de prevención, co fin de poder efectuar as verificacións da avaliación de riscos que puidesen ser necesarias.
Os locais, instalacións, aparatos e equipos mínimos esixidos serán os suficientes e adecuados para desenvolver as actividades previstas no apartado 1. Para estes efectos a entidade especializada deberá dispoñer dos recursos materiais necesarios para realizar a verificación dos resultados da avaliación dos riscos.
Non obstante o disposto nos apartados 2 e 3, e segundo determina o artigo 32.3 do Regulamento dos servizos de prevención, a verificación dos resultados da avaliación de riscos, que presente especial complexidade, poderá ser concertada con profesionais que conten con coñecementos, medios e instalacións necesarios para a súa realización, non sendo obrigatorio neste caso que as persoas ou entidades especializadas dispoñan de persoal ou de recursos materiais para efectuar a devandita verificación.
A especial complexidade das verificacións virá determinada pola necesidade de realizar medicións, análise, probas, ensaios ou recoñecementos da saúde co fin de contrastar os resultados.
De acordo co previsto no artigo 32.2 do Regulamento dos servizos de prevención, a concertación da verificación dos resultados da avaliación non poderá realizarse con profesionais que manteñan vinculacións comerciais, financeiras ou de calquera outro tipo coa empresa obxecto da auditoría, que poidan afectar á súa independencia e inflúan no resultado das súas actividades.
A autorización para realizar actividades de auditoría é incompatible co exercicio de actividades de coordinación de actividades preventivas e coa acreditación como servizo de prevención alleo.
A onde acudir
Xunta de Galicia
Consellería de Promoción do Emprego e Igualdade
Instituto de Seguridade e Saúde Laboral de Galicia (ISSGA)
Edificios Admvos. San Lázaro, s/n
15781 Santiago de Compostela (Coruña, A)
Teléfono: 981544771
Fax: 981544659
Órgano responsable
Dirección Xeral de Relacións Laborais
Normativa
Ámbito Autonómico
Orde do 6 de novembro de 2013 pola que se aproban e se dá publicidade aos modelos oficiais de solicitude de autorización de persoas e entidades para desenvolver actividades de auditoría dos sistemas de prevención e de notificación sobre a concorrencia das condicións que non fan necesario recorrer á auditoría do sistema de prevención, que se presentarán na Comunidade Autónoma de Galicia (DOG nº 217 do 13 de novembro de 2013).
Ámbito Estatal
Real Decreto 39/1997, do 17 de xaneiro, polo que se aproba o Regulamento dos Servizos de Prevención (BOE nº 27 do 31 de xaneiro de 1997).
Orde TIN/2504/2010, do 20 de setembro, pola que se desenvolve o Real Decreto 39/1997, do 17 de xaneiro, polo que se aproba o Regulamento dos Servizos de Prevención, no referido á acreditación de entidades especializadas como servizos de prevención, memoria de actividades preventivas e autorización para realizar a actividade de auditoría do sistema de prevención das empresas (BOE nº 235 do 28 de setembro de 2010).
Corrección de erros da Orde TIN/2504/2010, do 20 de setembro, pola que se desenvolve o Real Decreto 39/1997, do 17 de xaneiro, polo que se aproba o Regulamento dos Servizos de Prevención, no referido á acreditación de entidades especializadas como servizos de prevención, memoria de actividades preventivas e autorización para realizar a actividade de auditoría do sistema de prevención das empresas (BOE nº 256 do 22 de outubro de 2010).
Corrección de erros da Orde TIN/2504/2010, do 20 de setembro, pola que se desenvolve o Real Decreto 39/1997, do 17 de xaneiro, polo que se aproba o Regulamento dos Servizos de Prevención, no referido á acreditación de entidades especializadas como servizos de prevención, memoria de actividades preventivas e autorización para realizar a actividade de auditoría do sistema de prevención das empresas (BOE nº 279 do 18 de novembro de 2010).
Prazo
Prazo de presentación: Aberto todo o ano
Esta orde entrará en vigor o día seguinte ao da súa publicación no Diario Oficial de Galicia.
Documentación para a presentación
- As persoas ou entidades especializadas deberán formular solicitude ante a autoridade laboral competente do lugar onde radiquen as súas instalacións principais. En caso de dúbida, entenderase como principal aquela que conte con maior número de traballadores dedicados a actividades de auditoría non considerando entre estes os que se dediquen a tarefas administrativas.
- A solicitude de autorización deberá incluír:
- Nome ou denominación social, número de identificación fiscal e código de conta de cotización á Seguridade Social.
- Ámbito territorial e de actividade profesional nos que pretende actuar, así como previsión do número de empresas e volume de traballadores nos que ten capacidade para estender a súa actividade preventiva, en función dos recursos humanos e materiais previstos.
- Previsión de dotación de persoal para o desempeño da actividade preventiva, debidamente xustificada, que deberá ser efectiva no momento en que a entidade comece a prestar servizos e con indicación da súa cualificación profesional e dedicación, especificando o seu ámbito territorial de prestación de servizos.
- Identificación das instalacións, dos medios instrumentais e da súa respectiva situación.
- Os contratos ou acordos a establecer, no seu caso, con outras entidades para a realización de actividades que requiran coñecementos especiais o instalacións de grande complexidade.
- Para estes efectos e en relación coas devanditas previsións consignarase o seguinte:
- Indicarase o ámbito territorial no que pretende desenvolver a súa actividade. Se o devandito ámbito excedese do territorio da comunidade autónoma á que se dirixe a solicitude de autorización, especificaranse as demais comunidades autónomas ou provincias afectadas.
- En relación coas previsións de dotación de persoal especificarase de forma diferenciada o número de persoas con capacidade para desenvolver as funcións de nivel superior nas súas distintas especialidades, o persoal, se e o caso, coa capacidade para desenvolver as funcións dos niveis básico e intermedio, así como do persoal, coincidentes ou non, cos anteriormente sinalados, con formación ou experiencia en xestión e realización de auditorías e en tecnicas auditoras. Deberase achegar un currículo profesional e as horas de dedicación de cada un.
- En relación coas instalacións e os medios instrumentais incluirase unha descrición dos locais e instalacións, especificando situación, medios instrumentais, aparatos e equipos.
- No caso de que pretenda concertar con profesionais as verificacións complexas da avaliación dos riscos, total ou parcialmente, especificarase que verificacións se van concertar, así como os datos relativos á identificación dos profesionais co detalle da súa capacidade, medios e instalacións para efectuar as verificacións.
- Compromiso de non concertar a súa actividade con empresas coas que tivesen vinculacións comerciais, financeiras ou de calquera outro tipo distintas da propia como auditoría, que poidan afectar á súa independencia ou influír no resultado das súas actividades.
- Compromiso de non manter vinculacións comerciais, financeiras ou de calquera outro tipo con ningunha entidade especializada para actuar como servizo de prevención, salvo nos casos excepcionais que sinala o artigo 32.2 do Regulamento dos servizos de prevención.
- A autoridade laboral, de acordo co disposto no artigo 33 do Regulamento dos servizos de prevención, ditará resolución na que concederá a autorización nos termos formulados na solicitude ou denegará esta.
- O modelo de solicitude deberá presentarse preferiblemente por vía electrónica a traves do formulario de comunicación normalizado dispoñible na sede electrónica da Xunta de Galicia, https://sede.xunta.es, de acordo co establecido nos artigos 27 da Lei 11/2007, do 22 de xuño, de acceso electrónico dos cidadáns aos servizos públicos, e 24 do Decreto 198/2010, do 2 de decembro, polo que se regula o desenvolvemento da Administración electrónica na Xunta de Galicia e nas entidades dela dependentes. Para a presentación dos formularios será necesario o documento nacional de identidade electrónico ou calquera dos certificados electrónicos recoñecidos pola sede da Xunta de Galicia.
A documentación que a persoa solicitante desexe achegar poderá presentarse electronicamente, utilizando calquera procedemento de copia dixitalizada do documento orixinal. Neste caso, as copias dixitalizadas presentadas garantirán a fidelidade co orixinal baixo a responsabilidade da persoa solicitante. A Administración poderá requirir a exhibición do documento orixinal para o cotexo da copia electrónica presentada segundo o disposto no artigo 35.2º da Lei 11/2007, do 22 de xuño, de acceso electrónico dos cidadáns aos servizos públicos, e 22.3º do Decreto 198/2010, do 2 de decembro, polo que se regula o desenvolvemento da Administración electrónica na Xunta de Galicia e nas entidades dela dependentes.
No caso de non presentarse de forma telemática, poderase optar por presentar a solicitude e demais documentación que consideren axeitada en soporte papel, por calquera dos medios establecidos no artigo 38.4º da Lei 30/1992, de rexime xurídico das administracións públicas e do procedemento administrativo común, utilizando o formulario normalizado dispoñible na sede electrónica da Xunta de Galicia.
Anexos asociados
- Fase de solicitude
- Solicitude (Anexo)
- Comprobación de datos das persoas traballadoras (Anexo Bis)
Resolución
Prazo de resolución: Tres meses no ámbito da Comunidade Autónoma de Galicia / Seis meses nas de ámbito estatal.
Sentido do silencio: Negativo
Procedementos e servizos relacionados
28/08/2018 00:00 - 17/09/2018 23:59 21/04/2022 00:00 - 30/09/2022 23:59 
Aberto todo o ano Aberto todo o ano Aberto todo o ano