Empresarios.

Para a levar a cabo un procedemento de regulación de emprego deben estar afectadas, segundo a medida solicitada, as seguintes persoas traballadoras:

• Extinción das relacións laborais (despedimento colectivo): Considérase despedimento colectivo cando nun período de 90 días, se extinguen os contratos de, alomenos:

- 10 traballadores, en empresas que ocupen menos de 100 traballadores

- 10% dos traballadores, en empresas que ocupen entre 100 e 300 traballadores

- 30 traballadores nas empresas que ocupen a mais de 300 traballadores

- Tamén se entende como despedimento colectivo a extinción dos contratos de traballo que afecten á totalidade do cadro de persoal da empresa, sempre que o número de persoas traballadoras afectadas sexa superior a 5, cando aquel se produza como consecuencia da cesación total da súa.

- No suposto de expedientes por causa de forza maior, non existirá número mínimo de traballadores afectados.

• Suspensión das relacións laborais: Calquera que sexa o número de persoas traballadoras da empresa e o número de afectadas.

• Redución temporal da xornada laboral: Calquera que sexa o número de persoas traballadoras da empresa e o número de afectadas.

• Comunicación segundo o Anexo I.

• Común para todos os procedementos:

  • No caso dos centros de traballo afectados sen representación unitaria das persoas traballadoras, as actas relativas á atribución da representación á comisión negociadora do procedemento en representación dos traballadores.

  • Escrito de comunicación dirixido ás persoas traballadoras ou aos seus representantes pola dirección da empresa da súa intención de iniciar o procedemento.Escrito dirixido aos representantes legais das persoas traballadoras da apertura do período de consultas.

  • Escrito dirixido aos representantes legais das persoas traballadoras da apertura do período de consultas.

  • No caso de empresas con representación dos traballadores, escrito de solicitude aos representantes legais das persoas traballadoras de emisión do informe ao que se refire o artigo 64.5 a) e b) do Estatuto dos Traballadores.

  • Relación nominal das persoas traballadoras afectadas (segundo modelo anexo II).

  • Número e clasificación profesional das persoas traballadoras empregadas habitualmente durante o último ano. Cando o procedemento afecte a máis dun centro de traballo, esta información deberá estar desagregada por centro de traballo e, no seu caso, provincia e comunidade autónoma.

  • Documentación que acredite a lexitimación da persoa que presenta a comunicación (copia das escrituras).

• Específica para todos os procedementos por causas económicas:

  • Memoria explicativa que acredite os resultados da empresa dos que se desprenda unha situación económica negativa.

  • No caso de tratarse de empresas non suxeitas a obrigación de auditoría de contas, deberase achegar declaración da representación da empresa sobre a exención da auditoría.

  • Cando a situación económica negativa alegada consista nunha previsión de perdas, deberá informar dos criterios empregados para a súa estimación. Así mesmo, deberá presentar un informe tecnico sobre o volume e carácter permanente ou transitorio desa previsión de perdas baseado en datos obtidos a traves das contas anuais, dos datos do sector ao que pertence a empresa, da evolución do mercado e da posición da empresa neste ou de calquera outros que poidan acreditar esta previsión.

  • Cando a situación económica negativa alegada consista na diminución persistente do nivel de ingresos ou vendas, a documentación fiscal ou contable acreditativa da diminución persistente do nivel de ingresos ordinarios ou vendas durante, polo menos, os 2 trimestres consecutivos  inmediatamente anteriores á data de comunicación do inicio do procedemento, así como, a documentación fiscal ou contable acreditativa dos ingresos comúns ou ventas rexistradas nos mesmos trimestres do ano inmediatamente anterior.

  • Contas anuais do último exercicio económico (dos dous últimos exercicios, no caso de despedimentos colectivos) completo integradas por balance de situación, conta de perdas e ganancias, estado de cambios no patrimonio neto, estado de fluxos de efectivos, memoria do exercicio e informe de xestión ou, no seu caso, conta de perdas e ganancias abreviada e balance e estado de cambios no patrimonio neto abreviados, debidamente auditadas, no caso de empresas obrigadas a realizar auditorías.

  • Contas provisionais (balance e conta de perdas e ganancias) ao inicio do procedemento, asinadas polos administradores ou representantes da empresa.

• Cando a empresa que inicia o procedemento forme parte dun grupo de empresas:

  • a) Con obrigación de formular contas consolidadas cando a sociedade dominante teña o seu domicilio en España: deberán acompañarse as contas anuais e informe de xestión consolidados da sociedade dominante do grupo debidamente auditadas, no caso de empresas obrigadas a realizar auditorías, dos 2 últimos exercicios económicos, sempre que existan saldos debedores ou acredores coa empresa que inicia o procedemento.

  • b) Se non existira obrigación de formular contas consolidadas: ademais da documentación económica da empresa que inicia o procedemento, deberán achegarse as das demais empresas do grupo debidamente auditadas, no caso de empresas obrigadas a realizar auditorías, sempre que ditas empresas teñan o seu domicilio social en España, teñan a mesma actividade ou pertenzan ao mesmo sector de actividade e teñan saldos debedores ou acredores coa empresa que inicia o procedemento.

• Específica para todos os procedementos por causas tecnicas, organizativas ou de producción:

  • Memoria explicativa que acredite a concorrencia das causas tecnicas, organizativas ou de produción.

  • Informes tecnicos que acrediten a concorrencia das causas tecnicas, organizativas ou de produción.

• Específica para os procedementos de despidos colectivos:

  • Cando afecten a máis de 50 traballadores, plan de recolocación externa para as persoas traballadoras afectados polo despedimento colectivo, a traves de empresas de recolocación autorizadas, nos termos sinalados no artigo 9 do Real Decreto 1483/2012, do 29 de outubro.

  • Nos procedementos de despedimento colectivo que inclúan traballadores/ás respecto dos que deba aplicarse o disposto no artigo 51.9 do Estatuto dos Traballadores, deberá indicarse e achegarse a relación nominativa destes traballadores/as (traballadores/as de 55 ou máis anos de idade que non tiveran a condición de mutualista o día 01.01.1967).

  • Certificado indicando que ten beneficios, nos procedementos de despedimento colectivo que afecten a traballadores de 50 ou máis anos, daquelas empresas que cumpran as condicións sinaladas na Lei 27/2011, do 1 de agosto, sobre actualización e modernización do sistema de Seguridade Social, modificada polo Real decreto lei 5/2013, do 15 de marzo.

• Fase de Solicitude
• Comunicación (Anexo I)
• Instrucións para a cumprimentación da relación nominal de persoas traballadoras
• Anexo II: Relación nominal de persoas traballadoras (Modelo Oficial do Ministerio de Traballo e Economía Social)