Orientámolo/a, paso a paso, para presentar unha solicitude no rexistro electrónico
TR330A - Recoñecemento da condición de entidade colaboradora do Servizo Público de Emprego de Galicia en captación de ofertas.
Aberto todo o ano Obxecto
Regular o procedemento e os requisitos para o recoñecemento como entidade colaboradora do Servizo Público de Emprego de Galicia en captación de ofertas e a creación do seu rexistro administrativo.
A quen vai dirixido?
Terán a condición de entidade colaboradora do Servizo Público de Emprego de Galicia en captación de ofertas de traballo, aquelas entidades que realicen, entre outras, as seguintes funcións: posta en contacto co empregador, cumprimento do impreso de captación de oferta asinado polo emprendedor e remisión a oficina de emprego correspondente para a súa tramitación.
Poderá ser recoñecida como entidade colaboradora do Servizo Público de Emprego de Galicia en captación de ofertas calquera entidade con ou sen ánimo de lucro, cun ámbito de actuación relacionado coa intermediación laboral, entendendo por tal o establecido no artigo 20 da Lei 56/2003, do 16 de decembro, de emprego como o conxunto de accións que teñen por obxecto pór en contacto as ofertas de traballo cos demandantes de emprego para a súa colocación.
Non serán recoñecidas as entidades recoñecidas como centros colaboradores en materia de información, orientación e busca de emprego e ás entidades de intermediación pertencentes a administración local.
Requisitos
As entidades para a súa inscrición no rexistro deberán reunir os seguintes requisitos:
a) O obxecto social das entidades deberá ter relación con tarefas de intermediación no mercado laboral.
b) Acreditar experiencia en tarefas relacionadas co mercado de traballo.
c) Contar, como mínimo, cun profesional suficientemente capacitado, con titulación media ou superior preferentemente en psicoloxía, pedagoxía, psicopedagoxía, socioloxía, educación social e traballo social, para realizar tarefas en captación de ofertas.
d) Dispor dun local con despacho para atención individual aos oferentes de traballo.
e) Dispor de correo electrónico.
f) A entidade de ser o caso, terá que aplicar medidas de seguridade no tratamento da información relacionada coas súas tarefas co Servizo Público de Emprego de Galicia. Ademais deberá contar con software antivirus, debidamente actualizado e con mantemento periódico.
A onde acudir
Xunta de Galicia
Consellería de Promoción do Emprego e Igualdade
Dirección Xeral de Formación para o Emprego e Orientación
Subdirección Xeral do Servicio Público de Emprego de Galicia
Servizo de Intermediación
Edificios Admvos. San Lázaro, s/n
15781 Santiago de Compostela (Coruña, A)
Teléfono: 981544206/ 981545280
Fax: 981544604
Órgano responsable
Servizo de Intermediación
Normativa
Ámbito Autonómico
Orde do 31 de xullo de 2015 pola que se adaptan e se incorporan á sede electrónica da Xunta de Galicia os procedementos administrativos de prazo aberto da Consellería de Traballo e Benestar (DOG nº 146 do 4 de agosto de 2015).
Decreto 251/2007 de 13 de decembro de 2007, pola que se regula o recoñecemento da condición de entidade colaboradora do Servizo Público de Emprego de Galicia en captación de ofertas e a creación do rexistro administrativo (DOG nº 5 do 8 de xaneiro de 2008).
Corrección de erros.- Decreto 251/2007, do 13 de decembro polo que se regula o recoñecemento da condición de entidade colaboradora do Servizo Público de Emprego de Galicia en captación de ofertas e a creación do rexistro administrativo (DOG nº 19 do 28 de xaneiro de 2008).
Prazo
Prazo de presentación: Aberto todo o ano
Esta orde entrará en vigor aos vinte días naturais da súa publicación no Diario Oficial de Galicia.
Documentación para a presentación
- Solicitude segundo o Anexo I.
- Documentación acreditativa de representatividade suficiente para asinar a solicitude.
- Documentación acreditativa dos requisitos esixidos no artigo 3 do Decreto 251/2007.
- Currículum vitae da persoa ou persoas que vaian a realizar as tarefas da xestión de ofertas.
- Copia do NIF da entidade só no caso de non autorizar a súa consulta.
- Título lexítimo habilitante para a posesión do inmoble e instalacións correspondentes.
- Copia dos estatutos ou normas de funcionamento da entidade.
- Proxecto-memoria das accións realizadas na área de intermediación laboral e xestión de bolsas de traballo.
Resolución
Prazo de resolución: Seis meses
Sentido do silencio: Positivo
Procedementos e servizos relacionados
11/02/2023 00:00 - 10/03/2023 23:59 24/05/2022 00:00 - 23/06/2022 23:59 02/08/2016 00:00 - 01/09/2016 23:59 10/07/2020 00:00 - 10/08/2020 23:59 01/04/2022 00:00 - 14/10/2022 23:59