Parellas de feito.

Aos efectos de aplicación da Lei de Dereito Civil de Galicia, equipáranse ao matrimonio as relacións maritais mantidas con intención ou vocación de permanencia, co que se estenden, polo tanto, aos membros da parella os dereitos e as obrigas que esta lei lles recoñece aos cónxuxes.

Terán a condición de parellas de feito as unións de dúas persoas maiores de idade, capaces, que convivan coa intención ou vocación de permanencia nunha relación de afectividade análoga á conxugal e que a inscriban no Rexistro de Parellas de Feito de Galicia.

a) Ser maiores de idade.

b) Non ter relación de parentesco en liña recta por consanguinidade ou adopción nin colateral por consanguinidade ou adopción ata o terceiro grao.

c) Manifestar a vontade de constitución de parella de feito.

d) Non estar ligados por matrimonio.

e) Non formar parella de feito debidamente formalizada con outra persoa.

f) Non estar incapacitados xudicialmente para rexer a súa persoa.

g) Ter un dos membros da parella a veciñanza civil galega.

h) Acreditar o empadroamento dos membros da parella no mesmo domicilio dalgún municipio da Comunidade Autónoma de Galicia.

• Solicitude normalizada segundo o Anexo I deste Decreto.

• Anexo II (deberá presentarse e asinarse persoalmente ante a persoa encargada do Rexistro).

• Copia compulsada do documento nacional de identidade ou do documento equivalente noutro suposto (só no caso de non autorizar a consulta).

• Certificado de empadroamento dos membros da parella nalgún municipio da Comunidade Autónoma de Galicia (só no caso de non autorizar a consulta).

• Certificación do Rexistro civil ou equivalente no caso de estranxeiros.

• Certificación literal de matrimonio en que conste o divorcio ou nulidade ou sentenza xudicial firme de divorcio ou nulidade.

• Copia compulsada do libro de familia, ou equivalente.

• Escritura pública do pacto regulador de las relacións económicas e patrimoniais da parella.

• Outra documentación.

• As solicitudes de inscrición, de cancelación por petición de ambos os dous membros da parella, de incorporación ou modificación de pacto deberán presentarse en soporte papel en calquera dos lugares e rexistros establecidos no artigo 38.4 da Lei 30/1992, do 26 de novembro, utilizando o formulario normalizado dispoñible na sede electrónica da Xunta de Galicia, https://sede.xunta.es e nas xefaturas territoriais e nos servizos centrais da consellería.

• Solicitude
• Anexo II
• Anexo I

Prazo de resolución: Tres meses

Sentido do silencio: Negativo