Parellas de feito.

Prazo de presentación: ABERTO

De conformidade coa Disposición final única do Decreto 17/2025, do 10 de marzo, polo que se modifica o Decreto 248/2007, do 20 de decembro (DOG nº 53 do 18 de marzo de 2025), o prazo de presentación de solicitudes comezará o día 7 de abril de 2025 e permanecerá aberto indefinidamente.

Para os efectos de aplicación da Lei de Dereito Civil de Galicia, equipáranse ao matrimonio as relacións maritais mantidas con intención ou vocación de permanencia, co que se estenden, por tanto, aos membros da parella os dereitos e as obrigacións que esta lei lles recoñéce aos cónxuxes.

Terán a condición de parellas de feito as unións de dúas persoas maiores de idade, capaces, que convivan coa intención ou vocación de permanencia nunha relación de afectividade análoga á conxugal e que a inscriban no Rexistro de Parellas de feito de Galicia.

a) Ser maiores de idade.

b) Non ter relación de parentesco en liña recta por consanguinidade ou adopción nin colateral por consanguinidade ou adopción ata o terceiro grao. c) Manifestar a vontade de constitución de parella de feito.

d) Non estar ligados por matrimonio.

e) Non formar parella de feito debidamente formalizada con outra persoa.

f) Ter un dos membros da parella a veciñanza civil galega.

g) Acreditar o empadroamento dos membros da parella no mesmo domicilio dalgún municipio da Comunidade Autónoma de Galicia.

Documentación para a presentación:

Solicitude normalizada segundo o anexo I deste Decreto.

Solicitude normalizada segundo o anexo VII deste Decreto.

Certificado acreditativo do estado civil, no caso de persoas solicitantes estranxeiras.

Documentación acreditativa da viuvez, de ser o caso.

Pacto regulador das relacións económicas e patrimoniais da parella, se existe.

Documentación a comprobar pola Administración, salvo oposición das persoas solicitantes, en cuxo caso terán que achegala:

Datos de identidade das persoas solicitantes (DNI/NIE).

Certificado de residencia, con data de a última variación do padrón das persoas solicitantes.

Certificado histórico de municipios da persoa solicitante ou datos de nacemento dunha das persoas que conformen a parella, para comprobar a veciñanza civil galega.

Certificado de nacemento e/ou de matrimonio para acreditar a emancipación, a nulidade, o divorcio ou a separación legal das persoas convivintes en parella estable, ou, de ser o caso, sentenza xudicial firme de divorcio ou nulidade.

Certificado de nacemento dos fillos e das fillas comúns.

As solicitudes de inscrición, cancelación conxunta, cancelación individual, incorporación ou modificación de pacto e de certificación, presentaranse preferiblemente por vía electrónica a través do formulario normalizado dispoñible na sede electrónica da Xunta de Galicia, https://sede.xunta.gal. Opcionalmente, poderanse presentar presencialmente en calquera dos lugares e rexistros establecidos na normativa reguladora do procedemento administrativo común.

Para a presentación electrónica poderá empregarse calquera dos mecanismos de identificación e de firma admitidos pola sede electrónica da Xunta de Galicia, incluído o sistema de usuario e clave Chave365 (htps://sede.xunta.gal/chave365).

• Fase de Solicitude
• Autorización para a presentación da solicitude e comprobación de datos da outra persoa da parella (Anexo VII)
• Declaración de vontade para a inscrición da parella de feito (Anexo II)

Prazo de resolución:

Tres meses

Sentido do silencio:

Negativo