A presente orde ten por obxecto establecer a tramitación na Comunidade Autónoma de Galicia de determinados procedementos de prazo aberto previstos en normativa estatal básica e habilitar a súa presentación na sede electrónica da Xunta de Galicia.

As condicións e requisitos para ser designado como órgano habilitado para realizar funcións de control e inspección de proxectos de experimentación e outros fins científicos regúlanse no Real Decreto 53/2013, do 1 de febreiro, polo que se establecen as normas básicas aplicables para a protección dos animais utilizados en experimentación e outros fins científicos, incluíndo a docencia (BOE núm. 34, do 8 de febreiro de 2013), e normativa de desenvolvemento.

O modelo para solicitar ser designado como órgano habilitado para realizar as funcións de avaliación referidas no parágrafo anterior é o que consta como Anexo XXIII da presente orde co código de procedemento MR521L.

Explotacións gandeiras.

• Solicitude segundo o Anexo XXIII.

• Documentación acreditativa da representatividade.

• Memoria acreditativa sobre coñecementos técnicos e medios necesarios para as funcións propias dos órganos habilitados. Especialmente indicaranse:

  • Os datos do persoal integrante do órgano: nome apelidos, titulación académica e acreditación de formación específica en experimentación animal (mínimo acreditación categoría C e/ou D segundo RD 1201/2005, ou equivalente de acordo á Orde ECC/566/2015 segundo o caso), e experiencia previa en avaliación de proxectos.

  • Os criterios seguidos no funcionamento do órgano que aseguren a non existencia de conflito de intereses.

• Declaración de compromiso de non avaliación de proxectos nos que puidera existir un conflito de intereses.

• Declaración de confidencialidade en relación cos proxectos avaliados.

• Outros documentos.

• Comprobación de datos.

Os documentos relacionados serán obxecto de consulta ás Administracións públicas. No caso de que as persoas interesadas opóñanse a esta consulta, deberán indicalo e achegar unha copia dos documentos:

• DNI/NIE da persoa representante.

• NIF da entidade solicitante.

Prazo de resolución: Tres meses

Sentido do silencio: Positivo