Interpoñer o recurso especial en materia de contratación con ou sen petición de medida cautelar, recollido no artigo 44 da Lei 9/2017, de 8 de novembro, de Contratos do Sector Público (antes artigo 40 do texto refundido da Lei de Contratos do Sector Público, aprobado polo Real Decreto Lexislativo 3/2011, de 14 de novembro).

A quen teña lexitimación para interpoñer o recurso especial en materia de contratación, segundo o artigo 48 da Lei 9/2017, de 8 de novembro, de Contratos do Sector Público (antes artigo 42 do texto refundido da Lei de Contratos do Sector Público, aprobado polo Real Decreto Lexislativo 3/2011, de 14 de novembro).

Cumprir cos requisitos establecidos nos artigos 44 e seguintes da Lei 9/2017, de 8 de novembro, de Contratos do Sector Público (antes artigos 40 e seguintes do texto refundido da Lei de Contratos do Sector Público, aprobado polo Real Decreto Lexislativo 3/2011, de 14 de novembro).

• No escrito de interposición farase constar, segundo o Anexo FA900A , o acto recorrido, o motivo que fundamente o recurso, os medios de proba de que pretenda valerse o recorrente e, no seu caso, as medidas cautelares cuxa adopción solicite, acompañándose tamén:

  • Texto do recurso especial

  • Documento/s que acredite a representación do comparecente

  • Documento/s que acrediten a lexitimación do demandante cando a posúa porque lla transmitiu outro por herdanza ou por calquera outro título.

  • Copia ou traslado do acto expreso contra o cal se recorra, ou indicación do expediente en que se ditase ou do boletín oficial ou perfil de contratante en que se publicou.

• Comprobación de datos.

Os documentos relacionados serán obxecto de consulta ás administracións públicas. No caso de que as persoas interesadas se opoñan a esta consulta, deberán achegar unha copia dos documentos.

• DNI/NIE da persoa recorrente.

• DNI/NIE da persoa representante.

• O artigo 35 quinquies da Lei 14/2013, do 26 de decembro, de racionalización do sector público autonómico (redacción dada pola Lei 4/2021, do 28 de xaneiro, de medidas fiscais e administrativas) establece:

  3. A presentación dos escritos de interposición dos recursos e reclamacións, de alegacións ou de solicitudes da competencia do Tribunal Administrativo de Contratación Pública da Comunidade Autónoma de Galicia farase por medios electrónicos.

  4. As comunicacións e o intercambio de documentación entre os órganos competentes para resolver os recursos, os órganos de contratación e os interesados no procedemento faranse por medios electrónicos, e de acordo co disposto na Lei 4/2019, do 17 de xullo, de administración dixital de Galicia, no que sexa de aplicación.

  5. O sistema de notificacións electrónicas de Galicia Notifica.gal é o enderezo electrónico habilitado para os efectos do artigo 51.1.e) da Lei 9/2017, do 8 de novembro, de contratos do sector público, pola que se traspoñen ao ordenamento xurídico español as directivas do Parlamento Europeo e do Consello 2014/23/UE e 2014/24/UE, do 26 de febreiro de 2014.

• A sede electrónica da Xunta de Galicia permite as persoas interesadas realizar trámites electrónicos, con posterioridade ao inicio do expediente, accedendo á Carpeta do cidadán da persoa interesada. Cando as persoas interesadas non resulten obrigadas á presentación electrónica das solicitudes tamén poderán tramitarse presencialmente en calquera dos lugares e rexistros establecidos na normativa reguladora do procedemento administrativo común.

Prazo de resolución: Dous meses

Sentido do silencio: Negativo