- Homologación do diploma federativo de adestrador/a rexional de fútbol ou fútbol sala, co título de técnico deportivo superior en fútbol ou en fútbol sala.

- Homologación do diploma federativo de adestrador/a nacional de fútbol ou fútbol sala, co título de técnico deportivo superior en fútbol ou en fútbol sala.

Quen desexe obter a homologación do diploma federativo de técnico deportivo en fútbol ou fútbol sala co título de técnico deportivo en fútbol ou fútbol sala deberá reunir os seguintes requisitos:

a) Acreditar a condición de adestrador/a rexional de fútbol ou fútbol sala segundo o modelo establecido no anexo II da presente orde.

b) Estar en posesión do título de graduado en educación secundaria obrigatoria establecido na Lei orgánica 2/2006, do 3 de maio, de educación, ou equivalente para efectos académicos, ou acreditar calquera das condicións a que se refire o punto 1 da disposición adicional décimo segunda do Real decreto 1363/2007, do 24 de outubro, polo que se establece a ordenación xeral das ensinanzas deportivas de réxime especial.

c) Superar a proba de conxunto de grao medio establecida no capítulo IV desta orde, cuxa superación dará dereito á expedición do correspondente certificado segundo o modelo establecido no anexo V da presente orde.

Homologación do diploma federativo de adestrador/a nacional de fútbol ou fútbol sala.

Quen desexe obter a homologación do diploma federativo de adestrador/a nacional de fútbol o fútbol sala co título de técnico deportivo superior en fútbol ou fútbol sala deberá reunir os seguintes requisitos:

a) Acreditar a condición de adestrador/a nacional de fútbol ou fútbol sala segundo o modelo establecido no anexo II da presente orde.

b) Estar en posesión do título de Bacharel establecido na Lei orgánica 2/2006, do 3 de maio, de educación, ou equivalente para efectos académicos, ou acreditar calquera das condicións a que se refire o punto 2 da disposición adicional décimo segunda do Real decreto 1363/2007, do 24 de outubro, polo que se establece a ordenación xeral das ensinanzas deportivas de réxime especial.

c) Superar a proba de conxunto de grao superior establecida no capítulo IV desta orde, cuxa superación dará dereito á expedición do correspondente certificado segundo o modelo establecido no anexo V da presente orde.

• Para a participación no procedemento de homologación do diploma de adestrador/a rexional co título de tecnico deportivo ou no procedemento de homologación do diploma de adestrador/a nacional co título de tecnico deportivo superior deberán presentarse os documentos que a continuación se detallan:

• Solicitude de homologación de diplomas federativos de fútbol ou de fútbol sala cos títulos de ensinanzas deportivas de rexime especial en fútbol ou de fútbol sala, conforme o modelo establecido no anexo IV desta orde.

• Certificado que acredite a formación federativa correspondente segundo o anexo II desta orde.

• Acreditación do correspondente requisito academico para efectos de acceso, segundo o recollido nos artigos 5.b) ou 6.b) desta orde.

• Xustificación do pagamento do prezo público establecido para a proba para homologación de ensinanzas deportivas, segundo o establecido no Decreto 89/2013, do 13 de xuño, polo que se fixan os prezos públicos correspondentes aos devanditos estudos.

• Copia do DNI (só no caso de non autorizar a súa consulta no Sistema de verificación de datos de identidade).

• As solicitudes, xunto coa documentación que se detalla no artigo seguinte, presentaranse nas secretarías dos centros públicos IES Universidade Laboral (Culleredo) e IES Sánchez Cantón (Pontevedra), dirixidas á dirección do centro, sen prexuízo da súa presentación por calquera dos medios establecidos no artigo 38.4 da Lei 30/1992, do 26 de novembro, de rexime xurídico das administracións públicas e do procedemento administrativo común, e utilizarase o formulario normalizado dispoñible na sede electrónica da Xunta de Galicia https://sede.xunta.es.

  En caso de enviarse por correo, o envío deberá ser certificado, co selo de Correos na primeira folla do formulario para garantir que a data de remisión e anterior á de peche para a participación no procedemento de homologación.

Prazo de resolución: Cinco meses

Sentido do silencio: Negativo