O obxecto deste procedemento é a obtención ou renovación dunha tarxeta que habilita para gobernar embarcacións de lecer. A solicitude debe presentarse ante a Consellería do Mar.

Período de validez

•Tarxetas de lecer: As tarxetas teñen unha validez de 10 anos. É necesario renovalas antes de que caduquen (como mínimo 1 mes antes). Se caduca antes do prazo da solicitude de renovación aplicaranse as taxas da expedición.

•Persoas maiores de 70 anos: Se tes 70 anos ou máis, a tarxeta renóvase cada 5 anos. A renovación ten un custo especial cun importe reducido.

•Títulos: Os títulos non caducan.

Este trámite é para as persoas que necesitan obter ou renovar unha tarxeta que lles permite gobernar embarcacións de lecer.

• Por expedición de tarxetas acreditativas das titulacións ou dos certificados para o goberno de embarcacións de lecer ( 30.21.03)
• Renovación de tarxetas acreditativas das titulacións de patrón de embarcación de lecer ( 30.21.04)

Pode realizar o pago destas taxas na Oficina Virtual Tributaria.

A continuación, detállanse os documentos que necesitas, dependendo de se solicitas a tarxeta por primeira vez ou se a estás renovando.

Para a expedición

·        Solicitude debidamente cuberta.

·        Taxas.

·        Certificado de superación das prácticas correspondentes se non as realizou na CCAA de Galicia.

·        Acreditación da aptitude psicofísica por un dos medios regulados no artigo 22, do Real Decreto 875/2014, do 10 de outubro, polo que se regulan as titulacións náuticas para o goberno das embarcacións de recreo (BOE núm. 247 do 11/10/2014).

Para a renovación

·        Solicitude debidamente cuberta.

·        Taxas. Se a tarxeta está caducada, o importe da taxa é o correspondente á taxa de expedición. Se o interesado ten máis de 70 anos ten un importe reducido.

·        Acreditación da aptitude psicofísica por un dos medios regulados no artigo 22, do Real Decreto 875/2014, do 10 de outubro, polo que se regulan as titulacións náuticas para o goberno das embarcacións de recreo (BOE núm. 247 do 11/10/2014).

Para o duplicado (casos de deterioro, perda ou roubo)

Debe presentarse a mesma documentación que para a renovación mais unha declaración de perda, deterioro ou ben copia da denuncia no caso de roubo.

Comprobación de datos

Os documentos relacionados serán obxecto de consulta polas administracións públicas. En caso de opoñerte a esta consulta, debes indicalo e anexar unha copia dos documentos:

·        DNI/NIE da persoa solicitante.

·        DNI/NIE da persoa representante.

·        NIF da entidade representante.

·        Tarxeta de lecer

Solicitudes

Para os casos de expedición, validación, duplicado o órgano responsable é Dirección Xeral de Desenvolvemento Pesqueiro

Para os casos de renovación:

Departamento Territorial da Coruña

Departamento Territorial de Celeiro – Lugo

Departamento Territorial de Vigo

Xefatura Comarcal de Ferrol

Xefatura Comarcal de Ribeira

Xefatura Comarcal de Pontevedra

Xefatura Comarcal de Carril – Vilagarcía de Arousa

Información sobre o pago de taxas

O trámite ten un código e un custo que varía segundo o motivo da túa solicitude.

As renovacións das tarxetas de persoas maiores de 70 anos teñen un custo especial cun importe reducido.

O pago podes realizalo por vía telemática ou presencial. Se desexas tramitar a taxa por vía telemática, deberás introducir os datos da taxa e efectuar o pago da mesma. Para isto dispós das modalidades de pago telemático (cargo en conta ou tarxeta) e pago presencial (mediante un impreso para presentar na entidade bancaria). Unha vez realizado o ingreso obterás o xustificante correspondente.

Se desexas tramitar a taxa de maneira presencial poderás obter un modelo en branco para cubrir ou ben introducir os datos da taxa e a aplicación proporcionaralle o modelo xa cuberto. A dirección electrónica é a seguinte:

https://ovt.atriga.gal/#!/detalle_servizo/?Pago+de+taxas+e+prezos/11609730/4126995/11609860/l/item-dark-blue

Os códigos das diferentes taxas son os seguintes:

• Consellería do Mar: Código:12

• Delegación de Servizos Centrais: Cödigo:13

• Servizo de Ensinanza e Titulacións Náutico Pesqueiras: Código: 05

• Taxa denominación: Expedición: Código: 30.21.03

• Taxa denominación: Renovación: Código: 30.21.04

Prazo de resolución:

Tres meses

Sentido do silencio:

Negativo