Todos aqueles servizos de transporte marítimo de persoas en augas interiores que estean inscritos no Rexistro de Empresas Operadoras do Transporte Marítimo deben pór en coñecemento deste calquera alteración que afecte á súa inscrición, tales como variacións de horarios, períodos de prestación, condicións económicas ou buques adscritos.

Empresas navieiras que estean inscritas no rexistro como prestameiras de servizos de transporte marítimo regular en augas interiores de Galicia.

As modificacións da oferta de servizos ou a súa supresión deberán ser notificadas polo armador interesado ao órgano competente sobre o Rexistro de Empresas Operadoras do Transporte Marítimo cunha antelación mínima dun mes á prevista para a súa aplicación.

Logo da súa inscrición, as modificacións poderán ser postas en práctica unha vez teñan transcorrido sete días desde que fosen anunciadas ao público, pola empresa que presta os servizos, nos locais de expedicións de billetes e nas embarcacións que realicen os transportes.

• Inscrición no rexistro de Empresas Operadoras do Transporte Marítimo. ( 30.47.00)

Pode realizar o pago destas taxas na Oficina Virtual Tributaria.

• Solicitude segundo o Anexo I.

• Documento xustificativo de ter aboada a taxa.

• Documentación acreditativa da dispoñibilidade de embarcacións aptas, os seus certificados de navegabilidade, as autorizacións de atracada e os demais documentos precisos, se é o caso, para prestar o servizo nas condicións indicadas. (Na medida en que foron xa achegados coa a solicitude de inscrición ou con motivo do visado ou actualización anual da inscrición, si se manteñen en vigor e inalterados desde entón, está exento de presentalos de novo, identificando os datos esixidos)

• Escrito de Capitanía Marítima no que se informe de que o buque é apto para realizar o servizo solicitado, de acordo coas esixencias de seguridade marítima.

• Certificados de navegabilidade dos buques propostos para realizar o servizo.

• Certificación expedida polo organismo xestor do espazo natural protexido de que a empresa está en condicións de cumprir coas especificacións operacionais necesarias para acceder a el (só necesaria en caso de servizos a espazos naturais protexidos)

• Follas de ruta.

• Outra documentación que poida afectar á solicitude concreta.

• Comprobación de datos.

Os documentos relacionados serán obxecto de consulta ás administracións públicas. No caso de que as persoas interesadas se opoñan a esta consulta, deberán indicalo e achegar unha copia dos documentos.

• NIF da entidade solicitante

• DNI/NIE da persoa representante.

• Certificado de estar ao día do pagamento de obrigas tributarias coa AEAT.

• Certificado de estar ao día do pagamento coa Seguridade Social.

• Certificado de estar ao día no pagamento das débedas coa Administración pública da comunidade autónoma.

Prazo de resolución: Tres meses

Sentido do silencio: Positivo