Orientámolo/a, paso a paso, para presentar unha solicitude no rexistro electrónico
IF320A - Inscrición no Rexistro de Empresas Operadoras do Transporte Marítimo.
Aberto todo o ano Obxecto
A prestación de servizos de transporte marítimo de persoas en augas interiores de Galicia está plenamente liberalizado desde a entrada en vigor da Lei 2/2008, do 6 de maio. Non obstante, o inicio de novos servizos de carácter regular (isto é, con calendario, horarios e percorridos predefinidos) está suxeito á previa inscrición destes no Rexistro de Empresas Operadoras do Transporte Marítimo, dependente da Dirección Xeral de Mobilidade (Consellería de Infraestruturas e Vivenda).
A quen vai dirixido?
Empresas navieiras que pretendan prestar servizos de transporte marítimo regular en augas interiores de Galicia
Requisitos
O servizo obxecto de inscrición deberá ter un itinerario prefixado, ter unhas horas fixas de saída e axustarse a un calendario de prestación que pode ser anual ou de temporada.
Pola súa parte, os buques teñen que reunir os requisitos esixidos pola lexislación vixente en materia de transporte marítimo de pasaxeiros e seguridade marítima.
No caso de transporte a espazos naturais protexidos, o seu organismo xestor deberá certificar que a empresa está en condicións de cumprir todas as especificacións operacionais que aquel estableza
A onde acudir
Xunta de Galicia
Consellería de Presidencia, Xustiza e Deportes
Dirección Xeral de Mobilidade
Praza de Europa, 5-A 2ª planta. Área Central - Polígono de Fontiñas.
15707 Santiago de Compostela (Coruña, A)
Teléfono: 981544585 / 981544502
Fax: 981544351
Email: formacion.transportes@xunta.es
Órgano responsable
Dirección Xeral de Mobilidade
Normativa
Ámbito Autonómico
Lei 2/2008, do 6 de maio, pola que se desenvolve a libre prestación de servizos de transporte marítimo de persoas en augas interiores de Galicia (DOG nº 90 do 12 de maio de 2008).
Decreto 228/2008, do 2 de outubro, sobre a prestación de servizos de transporte marítimo de persoas en augas interiores de Galicia (DOG nº 202 do 17 de outubro de 2008).
Orde do 7 de abril de 2016 pola que se adaptan e se habilitan electronicamente os procedementos administrativos de prazo aberto da Consellería de Infraestruturas e Vivenda (DOG nº 69 do 12 de abril de 2016).
Orde do 18 de xuño de 2019 pola que se modifica a Orde do 7 de abril de 2016 pola que se adaptan e habilitan electronicamente os procedementos administrativos de prazo aberto da Consellería de Infraestruturas e Vivenda (DOG nº 118 do 24 de xuño de 2019).
Prazo
Prazo de presentación: Aberto todo o ano
Segundo a Orde de modificación do 18 de xuño de 2019 (DOG nº 118 do 24 de xuño de 2019), o prazo de presentación de solicitude comezará o día 15 de xullo de 2019 e permanecerá aberto durante todo o ano.
Información de taxas
Este procedemento está suxeito ao pago dunha taxa. A continuación móstrase a listaxe de taxas aplicables:
- Inscrición no rexistro de Empresas Operadoras do Transporte Marítimo. (Código taxa: 30.47.00)
Pode realizar o pago destas taxas na Oficina Virtual Tributaria.
Documentación para a presentación
-
Solicitude segundo o Anexo I.
-
Documento xustificativo de ter aboada a taxa.
-
Folla de asento de cada un dos buques no rexistro marítimo español do Ministerio de Fomento.
-
Copia das solicitudes de atracada nos portos de orixe e de destino, ou ben da autorización definitiva.
-
Escrito de Capitanía Marítima no que se informe de que o buque é apto para realizar o servizo solicitado, de acordo coas esixencias de seguridade marítima.
-
Certificados de navegabilidade dos buques propostos para realizar o servizo.
-
Certificación expedida polo organismo xestor do espazo natural protexido de que a empresa está en condicións de cumprir coas especificacións operacionais necesarias para acceder a el (só necesaria en caso de servizos a espazos naturais protexidos).
-
Follas de ruta.
-
Outra documentación que poida afectar á solicitude concreta.
-
Comprobación de datos .
Os documentos relacionados serán obxecto de consulta ás administracións públicas. No caso de que as persoas interesadas se opoñan a esta consulta, deberán indicalo e achegar unha copia dos documentos.
-
NIF da entidade solicitante
-
DNI/NIE da persoa representante
-
Certificado de estar ao día do pagamento de obrigas tributarias coa AEAT
-
Certificado de estar ao día do pagamento coa Seguridade Social
-
Certificado de estar ao día no pagamento das débedas coa Administración pública da comunidade autónoma.
Contra a resolución deste procedemento poderá interpoñerse recurso a través de "IF321C. Recurso en materia de mobilidade"
Resolución
Prazo de resolución: Tres meses
Sentido do silencio: Positivo
Outras convocatorias ou publicacións
Procedementos e servizos relacionados
Aberto todo o ano IF320B
Modificación, supresión, suspensión ou levantamento da suspensión de servizos inscritos no Rexistro de Empresas Operadoras do Transporte Marítimo.
Aberto todo o ano IF320C
Modificación de datos identificativos no Rexistro de Empresas Operadoras do Transporte Marítimo.
Aberto todo o ano IF321C
Recurso en materia de mobilidade.
Aberto todo o ano IF321H
Declaración responsable para a realización de obras menores de conservación e mantemento das edificacións, instalacións e peches situados na zona de servidume ou na zona de afección das estradas de titularidade da Comunidade Autónoma de Galicia.