A posta en marcha da VIII Edición do Plan de Patrocinio dos Equipos de alta competición de Galicia para o exercicio 2017.

Entidades que na tempada 2016/2017 conten con equipos que compiten en modalidades/especialidades deportivas nas que as competicións de máximo nivel en categoría absoluta/senior  e/ou previa á absoluta.

• Solicitude segundo o Anexo I.

• Anexo II debidamente cuberto e asinado, se procede.

• Proposta publicitaria (PRIMEIRA LIÑA DE PATROCINIO: DEPORTE GALEGO – GALICIA SAUDABLE).

• Proposta publicitaria (SEGUNDA LIÑA DE PATROCINIO: ABANCA).

• A Fundación remitiralle un correo electrónico á entidade obxecto de patrocinio, ao email correspondente, cursando invitación para a presentación da solicitude de patrocinio acompañando o texto do Plan de patrocinio así como copia dos formularios que deben presentar. A Entidade invitada a tomar parte neste procedemento, presentará a solicitude preferentemente por medios electrónicos a través do formulario normalizado dispoñible na sede electrónica da Xunta de Galicia, https://sede.xunta.gal. Opcionalmente, poderanse presentar as solicitudes presencialmente en formato papel orixinal no Rexistro da Fundación Deporte Galego (Polígono das Fontiñas, Rúa de Madrid, 2-4. Planta 2ª. 15781. Santiago de Compostela. A Coruña). Ademais de no rexistro da Fundación, tamén se poderá realizar por correo, de acordo co disposto no artigo 16.4.b. (da Lei 39/2015, de 1 de outubro do Procedemento Administrativo común das Administracións Públicas). A presentación das solicitudes en lugar distinto do sinalado será causa de rexeitamento ou exclusión.

  Para a presentación das solicitudes de forma electrónica poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365), habilitándose un enlace na Guía de procedementos e servizos co código PR960A.

• A documentación complementaria presentarase preferentemente por vía electrónica. As persoas interesadas responsabilizaranse da veracidade dos documentos que presenten. Excepcionalmente, a Fundación poderá requirir a exhibición do documento orixinal para o cotexo da copia electrónica presentada.

  Opcionalmente, as persoas interesadas poderán presentar a documentación complementaria presencialmente no Rexistro da Fundación Deporte Galego (Polígono das Fontiñas, Rúa de Madrid, 2-4 (Planta 2ª). 15781. Santiago de Compostela. A Coruña). Ademais de no rexistro da Fundación, tamén se poderá realizar por correo, de acordo co disposto no artigo 16.4.b. (da Lei 39/2015, de 1 de outubro do Procedemento Administrativo común das Administracións Públicas). A presentación da documentación complementaria en lugar distinto do sinalado será causa de rexeitamento ou exclusión.

  Sempre que se realice a presentación de documentos separadamente da solicitude deberase indicar o código PR960A e o órgano responsable do procedemento (FUNDACIÓN DEPORTE GALEGO), o número de rexistro de entrada da solicitude e o número de expediente se se dispón del.