Esta orde ten por obxecto regular o procedemento de cualificación das empresas de inserción laboral na Comunidade Autónoma de Galicia, así como establecer e determinar a organización e funcionamento do seu rexistro administrativo.

Esta Orde será de aplicación ás empresas de inserción laboral que teñan centros de traballo radicados no territorio da Comunidade Autónoma de Galicia, de acordo co disposto no Decreto 156/2007, do 19 de xullo, polo que se regula o procedemento para a cualificación das empresas de inserción laboral, se crea o seu rexistro administrativo e se establecen as medidas para o fomento da inserción socio laboral (DOG nº 153, do 8 de agosto).

Para os efectos desta orde, considéranse empresas de inserción laboral aquelas estruturas produtivas de bens ou servizos que teñan por finalidade básica do seu obxecto social a incorporación ao mercado laboral de persoas en risco ou situación de exclusión social, proporcionándolles un traballo remunerado e a formación e acompañamento precisos para mellorar as súas condicións de empregabilidade e facilitarlles o acceso ao mercado laboral común, sempre que reúnan os requisitos previstos no artigo 4º do Decreto 156/2007, do 19 de xullo, polo que se regula o procedemento para a cualificación das empresas de inserción laboral, se crea o seu rexistro administrativo e se establecen as medidas para o fomento da inserción socio laboral.

Poderán ser cualificadas como empresas de inserción laboral:

As sociedades mercantís, sociedades laborais, sociedades cooperativas ou calquera tipo de organización societaria civil ou mercantil legalmente constituída e que cumpran os requisitos establecidos no Decreto 156/2007, do 19 de xullo, e nesta orde.

• Inscrición en rexistros oficiais. Primeira inscrición. Modificacións da primeira inscrición. ( 30.02.00)

Pode realizar o pago destas taxas na Oficina Virtual Tributaria.

• Solicitude sengundo o Anexo I.

• Xustificante de pago da taxa por servizos administrativos (30.02.00)

• Memoria que acredite a viabilidade económica, técnica e financeira do proxecto empresarial.

• Certificado que acredite contar co preceptivo servizo de prevención de riscos laborais, con indicación das especialidades contratadas.

• Informe de traballadores en alta das contas de cotización asociadas ao NIF da entidade solicitante.

• Relación de persoas traballadoras, indicando as que están en situación ou risco de exclusión social.

• Informes dos servizos sociais acreditativos da situación ou risco de exclusión social das persoas traballadoras.

• Informes do Servizo Público de Emprego, anteriores á formalización dos contratos de traballo, sobre a adecuación das persoas traballadoras en inserción ao posto de traballo.

• No caso de ter prestado servizos nos dous anos anteriores na mesma ou noutra empresa de inserción, informes dos servizos sociais acerca da conveniencia da súa contratación.

• Anexo I-bis para a comprobación de datos das entidades promotoras.

• Anexo I-ter para a comprobación de datos das persoas traballadoras que formen parte do cadro de persoal en situación ou risco de exclusión

• .Acreditación da representación con que actúa a persoa que asina a solicitude.

• Escritura de constitución e estatutos da empresa obxecto de cualificación. Se se trata de entidades preexistentes, certificación do corespondente Rexistro comprensivo da súa inscrición e da literalidade de todos os asentos vixentes na súa folla rexistral.

• Certificado de data actual acreditativo da inscrición no correspondente Rexistro das entidades promotoras, xunto cos estatutos nel depositados.

COMPROBACIÓN DE DATOS

Os documentos relacionados serán obxecto de consulta ás administracións públicas. No caso de que as persoas interesadas se opoñan a esta consulta, deberán indicalo no recadro correspondente e achegar unha copia dos documentos.

• NIF da entidade solicitante

• DNI/NIE da persoa representante

• NIF da entidade representante

• Alta no censo de actividades económicas

• Comunicación da apertura do centro de traballo á Administración autonómica

Prazo de resolución: Seis meses

Sentido do silencio: Positivo