Orientámolo/a, paso a paso, para presentar unha solicitude no rexistro electrónico
AU230K - Exención no canon da auga e no coeficiente de vertedura por estar en situación de exclusión social.
Pechado Obxecto
Mediante este modelo os usos domésticos (vivendas) que constitúan unha unidade de convivencia independente e se atopan en situación ou risco de exlcusión social poderán solicitar a exención no canon da auga e no coeficiente de vertedura.
A quen vai dirixido?
As unidades de convivencia independentes que acrediten estar en situación de exclusión social, entendéndose por unidade de convivencia independente a formada por aquelas persoas que convivan nun mesmo domicilio e manteñan entre eles un vínculo por matrimonio ou análoga relación estable, por adopción ou acollemento, ou por parentesco de consanguinidade ou afinidade ata o cuarto e segundo grao respectivamente.
Requisitos
Os requisitos que deben cumprir as unidades de convivencia para ter a condición de estar en risco de exclusión social serán as seguintes:
a) O enderezo para o cal se solicita a bonificación debe coincidir co enderezo en que está empadroada a unidade de convivencia.
b) No caso de abastecerse a partir de entidade subministradora, o titular do contrato de subministración de auga deberá coincidir con algún dos membros da unidade familiar. Noutro caso, o solicitante deberá acreditar que é o pagador da factura-recibo de auga.
c) Os ingresos totais da unidade de convivencia non deben superar o importe do indicador público de rendas de efectos múltiples (IPREM).
d) Polo menos unha das persoas da unidade de convivencia deberá estar en situación de exclusión social por estar nalgunha das situacións que se enumeran a continuación:
- Persoas perceptoras da renda de integración social de Galicia.
- Persoas perceptoras de pensións non contributivas nas modalidades de invalidez ou xubilación.
- Persoas que non estando en ningún dos dous supostos anteriores teñan unha ausencia ou déficit grave de recursos económicos unido a unha situación de desemprego ou imposibilidade de desempeñar un traballo remunerado e que conten con outros factores, evidenciados a través da súa traxectoria persoal, que agraven a situación de exclusión social ou o risco de padecela recoñecidos na lexislación vixente na Comunidade Autónoma de Galicia.
A onde acudir
Xunta de Galicia
Consellería de Medio Ambiente e Cambio Climático
Augas de Galicia
Estación de Autobuses
15781 Santiago de Compostela (Coruña, A)
Teléfono: 981544968/ 981544560
Fax: 981544534
Órgano responsable
Augas de Galicia
Normativa
Ámbito Autonómico
Decreto 136/2012, do 31 de maio, polo que se aproba o Regulamento do canon da auga e do coeficiente de vertedura a sistemas públicos de depuración de augas residuais (DOG nº 119 do 22 de xuño de 2012).
Corrección de erros. Decreto 136/2012, do 31 de maio, polo que se aproba o Regulamento do canon da auga e do coeficiente de vertedura a sistemas públicos de depuración de augas residuais (DOG nº 12 do 17 de xaneiro de 2013).
Prazo
Prazo de presentación: PECHADO
Todo o ano.
Documentación para a presentación
-
Solicitude segundo o Anexo XI.a.
-
Comprobación de datos da unidade de convivencia, anexo XI.b.
-
Copia da última factura-recibo da auga.
-
Acreditación de domiciliación bancaria da factura-recibo da auga (no caso de que a persoa solicitante non sexa a persoa titular do subministro).
-
Informe-proposta dos servizos sociais comunitarios para a cualificación da condición de persoa en risco de exclusión (anexo XI.c).
-
Comprobación de datos.
Os documentos relacionados serán obxecto de consulta ás administracións públicas. No caso de que as persoas interesadas se opoñan a esta consulta, deberán indicalo e achegar unha copia dos documentos.
-
DNI/NIE da persoa solicitante.
-
DNI/NIE da persoa representante.
-
Certificado de residencia con data de última variación padroal da persoa solicitante.
Anexos asociados
Resolución
Prazo de resolución:
6 meses
Sentido do silencio:
Positivo
Outras convocatorias ou publicacións
Procedementos e servizos relacionados
Aberto todo o ano AU230A
Autoliquidación do Canon da auga por entidades subministradoras de auga.
Aberto todo o ano AU230C
Declaración de datos das fontes de abastecemento de auga.
