Orientámolo/a, paso a paso, para presentar unha solicitude no rexistro electrónico
PR461D - Inscrición proceso selectivo unitario policía local. CONCURSO
Convocatoria 2021
Prazo pechado: 21/06/2021 00:00 - 16/07/2021 23:59
Prazo pechado: 21/06/2021 00:00 - 16/07/2021 23:59Obxecto
1. O obxecto do proceso selectivo é cubrir 73 prazas dos corpos de Policía Local, categoría de policía, quenda de oposición libre, e 18 prazas por quenda de concurso para mobilidade, subgrupo C1.
2. As prazas non cubertas pola quenda de concurso acumularanse á quenda de oposición libre e serán publicadas a través de resolución da persoa que ocupe a Dirección Xeral da Agasp.
3. O número, denominación e características das prazas que se convocan a este proceso selectivo especificase no anexo III desta orde.
Ata a data final en que se publique a listaxe definitiva de persoas admitidas a este proceso, logo de publicación no DOG a través de resolución da Dirección Xeral da AGASP, pode ser modificado o anexo III desta orde, relativo ao número, denominación e características das prazas que se convocan.
4. O presente proceso selectivo rexerase polo establecido nestas bases e para o non previsto estarase ao disposto na Lei 4/2007, do 20 de abril, de coordinación de policías locais; no Decreto 243/2008, do 16 de outubro, que a desenvolve, e na Orde do 28 de xaneiro de 2009 pola que se determinan as probas de selección, temarios e baremos de méritos para o ingreso, promoción interna e mobilidade nos corpos da policía local, e o Decreto 115/2017, do 17 de novembro, polo que se regula a cooperación da Administración xeral da Comunidade Autónoma de Galicia cos concellos na selección dos membros dos corpos de policía local, vixilantes municipais e auxiliares de policía local.
A quen vai dirixido?
Funcionarios aspirantes a outros Corpos da Policia Local.
Requisitos
As persoas interesadas en participar neste proceso, na quenda de concurso, deberán posuír na data que finalice o prazo de presentación de solicitudes e manter os seguintes requisitos:
a) Posuír en propiedade, a categoría de policía noutros corpos da Policía local da Comunidade Autónoma de Galicia.
b) Contar cunha antigüidade mínima de 3 anos nesa categoría
.
A onde acudir
Xunta de Galicia
Vicepresidencia Primeira e Consellería de Presidencia, Xustiza e Deportes
Academia Galega de Seguridade Pública (AGASP)
Dirección Xeral da Academia Galega de Seguridade Pública
Secretaría Xeral da Academia Galega de Seguridade Pública
Servizo de Formación en Seguridade Pública
Avenida da Cultura, s/n
36680 Estrada, A (Pontevedra)
Teléfono: 886206110
Email: formacion.agasp@xunta.gal
Órgano responsable
Academia Galega de Seguridade Pública (AGASP)
Normativa
Ámbito Autonómico
Lei 4/2007, do 20 de abril, de coordinación de policías locais (DOG nº 85 do 3 de maio de 2007).
Decreto 243/2008, do 16 de outubro, polo que se desenvolve a Lei 4/2007, do 20 de abril, de coordinación de policías locais (DOG nº 211 do 30 de outubro de 2008).
Orde do 28 de xaneiro de 2009 pola que se determinan as probas de selección, temarios e baremos de méritos para o ingreso, promoción interna e mobilidade nos corpos de policías locais, para a integración dos vixilantes e auxiliares de policía ou interinos, para o acceso como vixilantes municipais e a contratación de auxiliares de policía de tempada (DOG nº 22 do 2 de febreiro de 2009).
Corrección de erros.-Orde do 28 de xaneiro de 2009 pola que se determinan as probas de selección, temarios e baremos de méritos para o ingreso, promoción interna e mobilidade nos corpos de policías locais, para a integración dos vixilantes e auxiliares de policía ou interinos, para o acceso como vixilantes municipais e a contratación de auxiliares de policía de tempada (DOG nº 31 do 13 de febreiro de 2009)
Decreto 60/2010, do 8 de abril, polo que se desenvolve a Lei 4/2007, do 20 de abril, de coordinación de policías locais, en materia de uniformidade, acreditación e medios técnicos (DOG nº 75 do 22 de abril de 2010)
Decreto 77/2010, do 29 de abril, polo que se modifica o Decreto 243/2008, do 16 de outubro, que desenvolve a Lei 4/2007, do 20 de abril, de coordinación de policías locais (DOG nº 89 do 12 de maio de 2010).
Corrección de erros.-Decreto 77/2010, do 29 de abril, polo que se modifica o Decreto 243/2008, do 16 de outubro, que desenvolve a Lei 4/2007, do 20 de abril, de coordinación de policías locais (DOG nº 98 do 26 de maio de 2010).
Lei 9/2016, do 8 de xullo, pola que se modifica a Lei 4/2007, do 20 de abril, de coordinación de policías locais (DOG nº 131 do 12 de xullo de 2016)
Decreto 115/2017, do 17 de novembro, polo que se regula a cooperación da Administración xeral da Comunidade Autónoma de Galicia cos concellos na selección dos membros dos corpos de policía local, vixilantes municipais e auxiliares de policía local (DOG nº 222 do 22 de novembro de 2017).
Orde do 26 de novembro de 2020 pola que se nomea o tribunal que deberá cualificar o proceso selectivo unitario para o ingreso nos corpos da policía local, escala básica, categoría de policía, quendas de acceso libre e concurso (DOG nº 249 do 11 de decembro de 2020).
Orde do 8 de xullo de 2020 pola que convoca o proceso selectivo para o acceso e ingreso nos corpos da Policía Local de Galicia, escala básica, categoría de policía, quendas de acceso libre e concurso (DOG nº 137 do 10 de xullo de 2020).
Resolución do 26 de xaneiro de 2021 pola que se aproban e se fan públicas as relacións provisionais de persoas admitidas e excluídas no proceso selectivo unitario para o acceso á escala básica, categoría de oficial, nos corpos de policía local, quenda de acceso por promoción interna e mobilidade.(DOG nº 23 do 4 de febreiro de 2021).
Corrección de erros. Resolución do 26 de xaneiro de 2021 pola que se aproban e se fan públicas as relacións provisionais de persoas admitidas e excluídas no proceso selectivo unitario para o acceso á escala básica, categoría de oficial, nos corpos de policía local, quenda de acceso por promoción interna e mobilidade.(DOG núm. 30 do 15 de febreiro de 2021).
Orde do 2 de xuño de 2021 de modificación da Orde do 8 de xullo de 2020 pola que se convoca o proceso selectivo para o acceso e o ingreso nos corpos da Policía local de Galicia, escala básica, categoría de policía, quendas de acceso libre e concurso (DOG nº 108 do 9 de xuño de 2021).
Resolución do 28 de xullo de 2021 pola que se aproban e se fan públicas as relacións provisionais de persoas admitidas e excluídas ao proceso selectivo unitario para o acceso aos corpos de Policía local, categoría de policía, quenda de concurso. (DOG nº 149 do 5 de agosto de 2021).
Resolución do 28 de setembro de 2021 pola que se aproban e se fan públicas as relacións definitivas de persoas admitidas e excluídas do proceso selectivo unitario para o acceso aos corpos de Policía Local, categoría de policía, quenda de concurso (DOG nº 193 do 6 de outubro de 2021).
Ámbito Estatal
Resolución de 19 de xuño de 2019, da Vicepresidencia e Consellería de Presidencia, Administracións Públicas e Xustiza, referente á convocatoria de prazas de Policía Local de distintos Concellos (BOE nº 152 do 26 de xuño de 2019).
Resolución de 10 de xuño de 2021, da Vicepresidencia Primeira e Consellaría de Presidencia, Xustiza e Turismo, referente á convocatoria de probas selectivas para o ingreso e acceso aos corpos de Policía Local de distintos Concellos (BOE nº 146, do 19 de xuño de 2021).
Resolución de 10 de xullo de 2020, da Vicepresidencia e Consellería de Presidencia, Administracións Públicas e Xustiza, referente á convocatoria de prazas de Policía Local en distintos Concellos (BOE nº 199 do 22 de xullo de 2020).
Prazo
Prazo de presentación: PECHADO
21/06/2021 00:00 - 16/07/2021 23:59
Segundo a Resolución de 10 de xuño de 2021, da Vicepresidencia Primeira e Consellaría de Presidencia, Xustiza e Turismo, referente á convocatoria de probas selectivas para o ingreso e acceso aos corpos de Policía Local de distintos Concellos (BOE nº 146, do 19 de xuño de 2021), ábrese un novo prazo de presentación de solicitudes desde o día 21 de xuño ata o 16 de xullo de 2021.
Información de taxas
Este procedemento está suxeito ao pago dunha taxa. A continuación móstrase a listaxe de taxas aplicables:
- Inscrición nos procesos selectivos para a selección dos membros dos corpos da policía local, vixiantes municipais e auxiliares de policía local derivada da cooperación da Administración xeral da Comunidade Autónoma de Galicia cos concellos (Código taxa: 30.03.04)
Pode realizar o pago destas taxas na Oficina Virtual Tributaria.
Documentación para a presentación
Solicitudes .
As solicitudes presentaranse obrigatoriamente por medios electrónicos a través do formulario normalizado dispoñible na sede electrónica da Xunta de Galicia, https://sede.xunta.gal, correspondente ao anexo II desta orde.
Se algunha das persoas interesadas presenta a súa solicitude presencialmente, será requirida para que a emende a través da súa presentación electrónica. Para estes efectos considerarase como data de presentación da solicitude aquela en que fose realizada a emenda.
Para a presentación das solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365).
Non se terá en conta a documentación que non quede debidamente acreditada dentro do prazo de presentación de solicitudes.
Non terán que realizar unha nova solicitude aquelas persoas que a fixeron no prazo do 23 de xullo de 2020 ao 19 de agosto de 2020.
Taxas
Por imperativo legal, de conformidade co disposto na Lei 6/2003, do 9 de decembro, de taxas, prezos e exaccións reguladoras da Comunidade Autónoma de Galicia, como requisito necesario para participar neste proceso selectivo, deberase aboar previamente en concepto de inscrición o importe de 32.48 euros (Código da taxa: 30.03.04) e, de ser o caso, os gastos de transferencia correspondentes, en calquera das entidades financeiras colaboradoras autorizadas para a recadación de taxas e prezos na Comunidade Autónoma de Galicia.
Para o ingreso da taxa empregarase un impreso de autoliquidación como o sinalado no anexo VII cos códigos para a súa formalización facilitados nel.
A non presentación deste impreso de autoliquidación, no cal deberá figurar a data e selo da entidade bancaria, co formulario de solicitude no proceso selectivo determinará a exclusión no dito proceso da persoa aspirante, e non será posible a súa emenda fóra do prazo de solicitudes.
Poderase tamén realizar o pagamento pola Internet nas entidades financeiras autorizadas. Para isto, deberán acceder a oficina tributaria, a través da Web da Axencia Tributaria de Galicia (www.atriga.gal). Neste suposto, unha vez efectuado o pagamento, imprimirase o xustificante de ter abonado a taxa (modelo 730) que será o que se presente coa solicitude.
En ambos os supostos, a presentación do xustificante do aboamento das taxas non suporá a substitución do trámite de presentación, en tempo e forma, da solicitude de participación no proceso selectivo.
Exención e bonificación no aboamento da taxa.
Estarán exentos do pagamento desta taxa por dereito de inscrición.
a) As persoas que sexan membros de familias numerosas clasificadas na categoría especial.
Aplicarase unha bonificación do 50 % do importe da taxa:
a) As persoas que sexan membros de familias numerosas clasificadas na categoría xeral.
b) As persoas que figuren como demandantes de emprego desde, polo menos, os seis meses anteriores á data da convocatoria das probas selectivas en que soliciten a súa participación e non estean a percibir prestación ou subsidio por desemprego.
As circunstancias de exención e bonificación serán comprobadas pola Administración, e deberán ser acreditadas, presentando coa solicitude a documentación que a continuación se indica, só no caso de opoñerse á dita comprobación.
– Copia do título oficial de familia numerosa, de carácter común ou especial.
– Certificación negativa da percepción actual de prestación/subsidio por desemprego e antigüidade como demandante de emprego expedida polo Servizo Público de Emprego.
Documentación complementaria necesaria para a tramitación do procedemento.
As persoas interesadas na quenda de concurso para mobilidade deste proceso deberán achegar coa súa solicitude obrigatoriamente por medios electrónicos a seguinte documentación:
a) Xustificante do ingreso da taxa, co selo da entidade bancaria con indicación da data.
b) Certificado acreditativo de ter, en propiedade, a categoría de policía nos corpos da Policía Local da Comunidade Autónoma de Galicia e contar cunha antigüidade mínima de tres anos nesa categoría.
c) Relación dos méritos que se acrediten, por cada unha das epígrafes de que consta o concurso segundo o especificado no anexo IV.
d) Copias da documentación acreditativa dos méritos alegados.
e) Copia do título de familia numerosa, no caso de non ser expedido pola Xunta de Galicia.
A documentación complementaria deberá presentarse electronicamente. As persoas interesadas responsabilizaranse da veracidade dos documentos que presenten. Excepcionalmente, a Administración poderá requirir a exhibición do documento orixinal para o cotexo da copia electrónica presentada.
Se algunha das persoas interesadas presenta a documentación complementaria presencialmente, requiriráselle para que a emende a través da súa presentación electrónica. Para estes efectos, considerarase como data de presentación aquela en que fose realizada a emenda.
- Non será necesario achegar os documentos que xa fosen presentados anteriormente. Para estes efectos, a persoa interesada deberá indicar en que momento e ante que órgano administrativo presentou os citados documentos. Presumirase que esta consulta é autorizada polas persoas interesadas, salvo que conste no procedemento a súa oposición expresa.
Nos supostos de imposibilidade material de obter o documento, o órgano competente poderá requirirlle á persoa interesada a súa presentación, ou, na súa falta, a acreditación por outros medios dos requisitos a que se refire o documento, con anterioridade á formulación da proposta de resolución.
- A consignación de datos falsos na solicitude ou na documentación achegada polos/as aspirantes sancionarase coa anulación da solicitude, sen prexuízo das demais medidas legais que correspondan.
Sempre que se realice a presentación de documentos separadamente da solicitude deberase indicar o código e o órgano responsable do procedemento, o número de rexistro de entrada da solicitude e o número de expediente, se se dispón del.
No caso de que algún dos documentos que se vai presentar de forma electrónica supere os tamaños máximo establecidos ou teña un formato non admitido pola sede electrónica da Xunta de Galicia, permitirase a presentación deste de forma presencial dentro dos prazos previstos e na forma indicada no paragrafo anterior. A información actualizada sobre o tamaño máximo e os formatos admitidos pode consultarse na sede electrónica da Xunta de Galicia.
Comprobación de datos
Para a tramitación deste procedemento, na quenda de oposición libre, consultaranse automaticamente os datos incluídos nos seguintes documentos elaborados polas administracións públicas:
a) DNI ou NIE da persoa solicitante.
b) DNI ou NIE da persoa representante.
c) NIF da entidade representante.
d) Títulos non universitarios oficiais (bacharelato, técnico ou equivalente).
e) Certificado de inexistencia de antecedentes penais.
f) Situación de desemprego.
g) Titulo de familia numerosa, no suposto de ser expedido pola Xunta de Galicia.
h) Certificado Celga 4 ou equivalente só cando sexa expedido pola Secretaría Xeral de Política Lingüística .
i) Permisos de conducir das clases B e A2.
No caso de que as persoas interesadas se opoñan a esta consulta, deberan indicalo no cadro correspondente habilitado no formulario de inicio e achegar os documentos.
Excepcionalmente, no caso de que algunha circunstancia imposibilite a obtención dos citados datos poderase solicitar ás persoas interesadas a presentación dos documentos correspondentes.
Na quenda de concurso comprobarase, nos casos de exención de taxas, o título de familia numerosa no suposto de ser expedido pola Xunta de Galicia.
Trámites administrativos posteriores á presentación de solicitudes
A sede electrónica da Xunta de Galicia permite ás persoas interesadas realizar trámites electrónicos, con posterioridade ao inicio do expediente, accedendo á Carpeta do cidadán da persoa interesada. Cando as persoas interesadas non resulten obrigadas á presentación electrónica das solicitudes tamén poderán tramitarse presencialmente en calquera dos lugares e rexistros establecidos na normativa reguladora do procedemento administrativo común.
Outras convocatorias ou publicacións
Procedementos e servizos relacionados
01/03/2023 00:00 - 14/03/2023 23:59 07/10/2022 00:00 - 07/11/2022 23:59 07/10/2022 00:00 - 07/11/2022 23:59 07/10/2022 00:00 - 07/11/2022 23:59