Esta orde ten por obxecto a regulación da proba de acceso ao ciclo formativo de grao superior (código de procedemento ED312D) de formación profesional no ámbito territorial da Comunidade Autónoma de Galicia, para o ano 2019.

As probas de acceso aos ciclos formativos de grao superior teñen por finalidade permitir ás persoas que non posúan o título de bacharelato nin un título de técnico de formación profesional, nin outros estudos equivalentes para os efectos de acceso, a posibilidade de continuaren formándose en ciclos de formación profesional de grao superior, coa madureza e a idoneidade suficientes para cursaren con aproveitamento estas ensinanzas.

Poderán participar na proba de acceso aos ciclos formativos de grao superior as persoas que non cumpran os requisitos académicos esixidos para acceder a eles e teñan dezanove anos ou os fagan no ano de realización da proba.

• Solicitude segundo o Anexo II.

• Copia do pasaporte ou do documento de identificación da Unión Europea, cando non se dispoña de DNI ou NIE

• Certificado do grao de discapacidade, cando fose expedido por outra comunidade autónoma

• Ditame técnico facultativo, cando fose expedido por outra comunidade autónoma

• Xustificación documental do diagnóstico de TDAH

• Certificado de realización dunha proba de acceso a ciclos formativos de grao superior de formación profesional, cando fose expedido por outra comunidade autónoma

• Certificado de superación dunha proba de acceso a ciclos formativos de grao superior de ensinanzas deportivas ou de artes plásticas e deseño, cando fose expedido por outra comunidade autónoma

• Certificado de profesionalidade de nivel II ou superior

• Certificación da resolución de deportista de alto rendemento

• Certificación da Tesouraría Xeral da Seguridade Social (vida laboral) ou equivalente da mutulidade laboral que corresponda

• Persoal das Forzas Armadas: certificación de vida laboral expedida pola pagadoría do centro de destino actual onde consten os empregos desempeñados por destino, coa especialidade militar e o período de exercicio

• Certificación da empresa ou empresas nas que se adquirise a experiencia laboral ou memoria descritiva segundo o modelo do anexo X desta orde.

• Comprobación de datos.

Os documentos relacionados serán obxecto de consulta ás administracións públicas. No caso de que as persoas interesadas se opoñan a esta consulta, deberán indicalo e achegar unha copia dos documentos.

• DNI/NIE da persoa solicitante

• Certificado do grao de discapacidade, cuando fose expedido por organismos dependentes da Xunta de Galicia

• Dictame técnico facultativo, cando fose expedido por organismos dependentes da Xunta de Galicia

• Certificado de realización dunha proba de acceso a ciclos formativos de grao superior de formación profesional realizada en Galicia

• Certificado de superación dunha proba de acceso a ciclos formativos de grao superior de ensinanzas deportivas ou de artes plásticas e deseño realizada en Galicia

• Título de técnico auxiliar da Lei 14/1970, do 4 de agosto, xeral de educación e financiamento da reforma educativa

• Certificación da resolución de deportista de alto nivel

• Título de técnico deportivo

• Título de técnico de artes plásticas e deseño

• As solicitudes deberán presentarse en papel, no centro de inscrición, utilizando o formulario normalizado (código de procedemento ED312D) dispoñible na sede electrónica da Xunta de Galicia, https://sede.xunta.gal.

En caso de enviarse por correo, o envío deberá ser certificado, co selo de Correos na cabeceira da primeira folla do documento que se queira enviar, para garantir que a data de remisión sexa anterior á finalización do prazo de presentación.

• As persoas interesadas tamén poderán cubrir a solicitude a través da aplicación dispoñible desde a páxina web http://www.edu.xunta.es/fp, que xerará a solicitude que a persoa interesada deberá imprimir e posteriormente presentar no centro de inscrición.

• O centro de inscrición elixido pola persoa solicitante tomarase como referencia para a asignación da sede de realización da proba de acceso.

• Sempre que se realice a presentación de documentos separadamente da solicitude deberase indicar o código e o órgano responsable do procedemento, o número de rexistro de entrada da solicitude e o número de expediente, se se dispón del.