A Fundación Deporte Galego, tendo en conta que o seu obxecto social recolle o fomento do deporte de alta competición, convoca as axudas a deportistas galegos/as de alto nivel (axudas DGAN 2020).

As bases poderanse consultar na sede da Fundación Deporte Galego, no enderezo (r/ Madrid, 2-4, 2º As Fontiñas, 15781 Santiago de Compostela) ou na web https://deporte.xunta.gal/. Teléfono 881 99 63 73.

As/os deportistas solicitantes interesadas/os presentarán a solicitude (anexo I) preferentemente por medios electrónicos a través do formulario normalizado dispoñible na sede electrónica da Xunta de Galicia https://sede.xunta.gal. Opcionalmente poderanse presentar as solicitudes presencialmente en formato papel orixinal no Rexistro da Fundación Deporte Galego (r/ Madrid, 2-4, 2º As Fontiñas, 15781 Santiago de Compostela), ou en calquera rexistro oficial previsto no artigo 16 da Lei 39/2015, do 1 de outubro, do procedemento administrativo común das administracións públicas.

No caso de utilizar un rexistro oficial diferente ao propio da Fundación Deporte Galego citado anteriormente ou recorrer ao sistema de envíos postais, para presentar as solicitudes, as persoas deportistas solicitantes veranse obrigadas a comunicalo por correo electrónico ao enderezo da Fundación (fundaciondeportegalego.pr@xunta.gal) e remitir anexa a propia solicitude.

Para a presentación das solicitudes de forma electrónica, poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365) e habilitarase un enlace na Guía de procedementos e servizos co código PR961A.

• Fase de solicitude
• Autorización da representación (Anexo II)
• Solicitude (Anexo I)

Prazo de resolución: Non especificado

Sentido do silencio:

Negativo