Orientámolo/a, paso a paso, para presentar unha solicitude no rexistro electrónico
PR750A - Inscrición no Rexistro de Fundacións de Interese Galego.
Aberto todo o ano Obxecto
Tramitar a clasificación da fundación por parte da Vicepresidencia e Consellaría da Presidencia, Administracións Públicas e Xustiza para a súa posterior adscrición a unha determinada consellería en atención aos seus fins e posterior declaración de interese galego e inscrición no Rexistro de Fundacións.
Tramitar os actos da Fundacións adscritas ao Protectorado da Vicepresidencia e Consellería de Presidencia, Administracións Públicas e Xustiza, sometidos a inscrición rexistral.
A quen vai dirixido?
Fundacións de Interese Galego, así como outras persoas naturais e xurídicas que soliciten información sobre fundacións inscritas.
Requisitos
Requisitos de inscrición inicial de una fundación
Son requisitos necesarios para que unha Fundación poida ser clasificada e declarada de interese galego:
1º Que a Fundación estea domiciliada e exerza as súas funcións principalmente en Galicia.
2º Que non teña ánimo de lucro.
3º Que a súa finalidade sexa lícita e duradeira e sirva ao interese xeral de Galicia.
4º Que os beneficiarios da Fundación non sexan persoas determinadas individualmente.
5º A dotación inicial, sen a cal non se pode constituír unha Fundación debe ser suficiente para o cumprimento dos seus fins.
6º Á realización da finalidade fundacional debe destinarse, cando menos, o 80% das rendas que obteña a Fundación e dos outros ingresos que non formen parte da dotación da Fundación.
A unha Comisión formada polos Secretarios Xerais das Consellerías, correspóndelles o exame das solicitudes, co fin de emitir informe vinculante sobre a súa clasificación e adscrición.
Correspóndelle á Consellería da Presidencia, Relacións Institucionais e Administración Pública, mediante Orde, a clasificación de todas as Fundacións. A dita Orde de clasificación levará consigo a adscrición da tutela da Fundación á Consellería correspondente por razón da materia que constitúa o fin primordial da Fundación.
Á Consellería á que se adscribe a Fundación corresponderalle, mediante Orde, a declaración de Interese Galego da dita Fundación.
Declarada de Interese Galego a Fundación, pasará a inscribirse no Rexistro único de Fundacións de Interese Galego dependente da Consellería da Presidencia, Relacións Institucionais e Administración Pública.
Requisitos de inscriciónes sucesivas: Modificacións de Estatutos, modificación de patronato, etc.
As establecidas na normativa segundo o tipo de inscrición.
A onde acudir
Xunta de Galicia
Vicepresidencia Segunda e Consellería de Presidencia, Xustiza e Deportes
Secretaría Xeral Técnica da Consellería de Presidencia, Xustiza e Deportes
Edificio Administrativo San Caetano, s/n
15781 Santiago de Compostela (Coruña, A)
Órgano responsable
Secretaría Xeral Técnica da Consellería de Presidencia, Xustiza e Deportes
Normativa
Ámbito Autonómico
Orde do 2 de xullo de 2014 pola que se adaptan e incorporan á sede electrónica da Xunta de Galicia os procedementos administrativos de prazo aberto da Presidencia da Xunta de Galicia e da Vicepresidencia e Consellería de Presidencia, Administracións Públicas e Xustiza (DOG nº 132 do 14 de xullo de 2014).
Decreto 15/2009, do 21 de xaneiro, polo que se aproba o Regulamento do Rexistro de Fundacións de Interese Galego (DOG nº 22 do 2 de febreiro de 2009)
Lei 12/2006, do 1 de decembro, de fundacións de interese galego (DOG nº 242 do 19 de decembro de 2006).
Decreto 14/2009, do 21 de xaneiro, polo que se aproba o Regulamento de fundacións de interese galego (DOG nº 22 do 2 de febreiro de 2009).
Lei 16/2010, do 17 de decembro, de organización e funcionamento da Administración xeral e do sector público autonómico de Galicia (DOG nº 251 do 31 de decembro de 2010).
Ámbito Estatal
Lei 49/2002, do 23 de decembro, de réxime fiscal das entidades sen fins de lucro e dos incentivos fiscais ao mecenazgo (BOE nº 307 do 24 de decembro de 2002).
Real Decreto 1491/2011, do 24 de outubro, polo que se aproban as normas de adaptación do Plan Xeral de Contabilidade ás entidades sen fins lucrativos e o modelo de plan de actuación das entidades sen fins lucrativos (BOE nº 283 do 24 de novembro de 2011).
Corrección de erros do Real Decreto 1491/2011, do 24 de outubro, polo que se aproban as normas de adaptación do Plan Xeral de Contabilidade ás entidades sen fins lucrativos e o modelo de plan de actuación das entidades sen fins lucrativos (BOE nº 88, do 12 de abril de 2012).
Prazo
Prazo de presentación: Aberto todo o ano
Documentación para a presentación
- En todas as solicitudes de inscrición e de expedición de certificacións rexistrais deberán presentar:
- Documento acreditativo da representación (no seu caso).
- Xustificante de pagamento da taxa correspondente.
- E segundo o tipo de solicitude, a seguinte documentación:
- Copia autorizada e copia simple da escritura pública.
- Certificación/acta do acordo adoptado polo padroado (expedida polo secretario/a co visto e prace do presidente/a).
- Documento acreditativo da designación e aceptación do cargo de membro do padroado.
- Escritura pública/documento privado con sinatura lexitimada por persoa que dea fe pública no caso de cese por renuncia.
- Resolución xudicial ou administrativa.
- Fotocopia do NIF da fundacion.
- Plan de actuación.
- Documentación contable.
- Libros para legalizar.
- Outro/s (especificar).
- A documentación xustificativa dos actos obxecto de inscrición debe presentarse en orixinal, ou mediante sistemas que garantan a autenticidade do documento obxecto de inscrición.
- - As solicitudes deberán presentarse preferiblemente por vía electrónica a traves do formulario normalizado dispoñible na sede electrónica da Xunta de Galicia, https://sede.xunta.es, de acordo co establecido nos artigos 27 da Lei 11/2007, do 22 de xuño, de acceso dos cidadáns aos servizos públicos, e 24 do Decreto 198/2010, do 2 de decembro, polo que se regula o desenvolvemento da Administración electrónica na Xunta de Galicia e nas entidades dela dependentes. Para a presentación das solicitudes será necesario o documento nacional de identidade electrónico ou calquera dos certificados electrónicos recoñecidos pola sede electrónica da Xunta de Galicia.
- Alternativamente, tamen se poderán presentar as solicitudes en soporte papel en calquera dos lugares e rexistros establecidos no artigo 38.4 da Lei 30/1992, do 26 de novembro, de rexime xurídico das administracións públicas e do procedemento administrativo común, utilizando o formulario normalizado dispoñible na sede electrónica da Xunta de Galicia.
COMPROBACIÓN DE DATOS
Os documentos relacionados serán obxecto de consulta ás Administracións públicas. No caso de que as persoas interesadas se opoñan a esta consulta, deberán indicalo no cadro correspondente e achegar unha copia dos documentos.
- DNI o NIE da persoa solicitante
CONSENTIMENTO PARA A COMPROBACIÓN DE DATOS
A persoa interesada autoriza a consulta a outras administracións públicas dos seguintes datos. De non autorizar a consulta, deberá achegar o documento correspondente.
- NIF da entidade solicitante
Resolución
Prazo de resolución: Tres meses
Sentido do silencio: Positivo
Procedementos e servizos relacionados
Aberto todo o ano 28/08/2018 00:00 - 17/09/2018 23:59 Aberto todo o ano 
Aberto todo o ano Aberto todo o ano TR808B
Fin de folga.