Orientámolo/a, paso a paso, para presentar unha solicitude no rexistro electrónico
MT100B - Axudas para a reparación de danos causados polos incendios que se produciron en Galicia durante o mes de xullo de 2022, destinadas a titulares de infraestruturas de uso público do medio natural dentro da Rede Galega de espazos protexidos e Reservas da Biosfera.
Convocatoria 2022
Prazo pechado: 30/07/2022 00:00 - 29/08/2022 23:59
Prazo pechado: 30/07/2022 00:00 - 29/08/2022 23:59Obxecto
As subvenciones reguladas por estas bases teñen por obxecto o outorgamento de axudas específicas para sufragar os gastos derivados das actuacións que se leven a cabo para a reposición ou reparación das infraestruturas de uso público do medio natural dentro da Rede galega de espazos protexidos e reservas da biosfera, como consecuencia dos incendios que se produciron durante o mes de xullo do ano 2022 en Galicia (código de procedemento MT100B).
Actividades subvencionables e importe .
1. Poderán ser obxecto das axudas previstas nesta orde as seguintes actuacións realizadas nas infraestruturas de uso público e de interpretación do medio natural, que fosen afectadas pola vaga de incendios que se produciron en Galicia no mes de xullo de 2022:
a) A reposición ou reparación de elementos estruturais de sendas e rutas sinalizadas, incluíndo sinalización, miradoiros, varandas de madeira e tramos de pasarelas de madeira.
b) A reposición ou reparación das infraestruturas e instalacións de interpretación do medio natural, incluíndo carteis e outras instalacións de interpretación do medio natural.
c) A reposición ou reparación de elementos de áreas recreativas no medio natural.
2. Concederase o 100 % do seu custo subvencionable, cun importe máximo de 20.000 euros/proxecto.
3. Os montes veciñais en man común poderán presentar unha única actuación que se axuste ao recollido nas letras 1.a), 1.b) ou 1.c) do artigo 4 desta orde. O límite máximo por monte veciñal en man común será de 20.000 euros.
4. Os concellos poderán realizar un máximo de dúas actuacións, que se axusten ao recollido nas letras 1.a), 1.b) ou 1.c) do artigo 4 desta orde, e ambas poderán estar incluídas na mesma letra. O límite máximo por Concello será de 20.000 euros por actuación, cun máximo total de 40.000 euros.
A quen vai dirixido?
Poderán ser beneficiarias das axudas reguladas nesta orde as entidades titulares de infraestruturas de uso público e de interpretación do medio natural que fosen afectadas pola vaga de incendios que se produciron en Galicia no mes de xullo de 2022:
a) Concellos.
b) Montes veciñais en man común.
Requisitos
As persoas beneficiarias deberán cumprir coas obrigas establecidas no artigo 11 da Lei 9/2007, do 13 de xuño, de subvencións de Galicia, e non estar incursas en ningunha das circunstancias previstas no seu artigo 10.
A onde acudir
Xunta de Galicia
Consellería de Medio Ambiente, Territorio e Vivenda
Dirección Xeral de Patrimonio Natural
Subdirección Xeral de Espazos Naturais
Servizo de Parques Naturais
San Lázaro, s/n
15781 Santiago de Compostela (Coruña, A)
Teléfono: 981957827
Email: parques.naturais@xunta.gal
Órgano responsable
Dirección Xeral de Patrimonio Natural
Normativa
Ámbito Autonómico
Decreto 130/2022, do 21 de xullo, de medidas urxentes de axuda para a reparación dos danos causados polos incendios que se produciron en Galicia durante o mes de xullo de 2022 (DOG nº 140 do 22 de xullo de 2022).
Orde do 28 de xullo de 2022 mediante a que se establecen as bases reguladoras e a convocatoria das axudas previstas polo Decreto 130/2022, do 21 de xullo, de medidas urxentes de axuda para a reparación de danos causados polos incendios que se produciron en Galicia durante o mes de xullo de 2022, destinadas a titulares de infraestruturas de uso público do medio natural dentro da Rede galega de espazos protexidos e reservas da biosfera afectados polos incendios forestais no ámbito da competencia da Consellería de Medio Ambiente, Territorio e Vivenda (DOG nº 144 do 29 de xullo de 2022).
Extracto da Orde do 28 de xullo de 2022 mediante a que se establecen as bases reguladoras e a convocatoria das axudas previstas polo Decreto 130/2022, do 21 de xullo, de medidas urxentes de axuda para a reparación de danos causados polos incendios que se produciron en Galicia durante o mes de xullo de 2022, destinadas a titulares de infraestruturas de uso público do medio natural dentro da Rede galega de espazos protexidos e reservas da biosfera afectados polos incendios forestais no ámbito da competencia da Consellería de Medio Ambiente, Territorio e Vivenda (DOG nº 144 do 29 de xullo de 2022).
Resolución do 20 de decembro de 2022, da Dirección Xeral de Patrimonio Natural, pola que se publican os beneficiarios das subvencións concedidas en virtude da Orde do 28 de xullo de 2022 mediante a que se establecen as bases reguladoras e a convocatoria das axudas previstas polo Decreto 130/2022, do 21 de xullo, de medidas urxentes de axuda para a reparación de danos causados polos incendios que se produciron en Galicia durante o mes de xullo de 2022, destinadas a titulares de infraestruturas de uso público do medio natural dentro da Rede galega de espazos protexidos e reservas da biosfera afectadas polos incendios forestais, no ámbito da competencia desta consellería (DOG nº 008 do 12 de xaneiro de 2023).
Prazo
Prazo de presentación: PECHADO
30/07/2022 00:00 - 29/08/2022 23:59
O prazo de presentación de solicitudes será dun mes, contado a partir do día seguinte ao da publicación desta orde no Diario Oficial de Galicia. Entenderase como último día do prazo o correspondente ao mesmo ordinal do día da publicación. Se o último día do prazo é inhábil, entenderase prorrogado ao primeiro día hábil seguinte e, se no mes de vencemento non hai día equivalente ao de publicación, entenderase que o prazo remata o último día do mes.
Documentación para a presentación
Solicitudes .
1. As solicitudes presentaranse obrigatoriamente por medios electrónicos a través do formulario normalizado dispoñible na sede electrónica da Xunta de Galicia, https://sede.xunta.gal.
De conformidade co artigo 68.4 da Lei 39/2015, do 1 de outubro, do procedemento administrativo común das administracións públicas, se algunha das persoas interesadas presenta a súa solicitude presencialmente, será requirida para que a emende a través da súa presentación electrónica. Para estes efectos, considerarase como data de presentación da solicitude aquela en que fose realizada a emenda.
Para a presentación electrónica poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365).
As solicitudes dirixiranse á Dirección Xeral de Patrimonio Natural.
2. A solicitude de axuda, segundo o anexo I desta orde (código do procedemento MT100B), inclúe as seguintes declaracións da persoa solicitante:
a) Declaración do total das solicitudes de axudas solicitadas ou concedidas, para o mesmo fin, das distintas administracións públicas.
b) Declaración de conta para a transferencia bancaria.
c) Declaración que todos os datos contidos na solicitude e nos documentos que se achegan son certos.
d) Declaración de non estar incursa en ningunha das circunstancias previstas no artigo 13 da Lei 38/2003, do 17 de novembro, xeral de subvencións.
e) Declaración de non estar incursa en ningunha clase de inhabilitación para a obtención de axudas previstas nos números 2 e 3 do artigo 10 da Lei 9/2007, do 13 de xuño, de subvencións de Galicia.
f) Declaración de estar ao día no pagamento de obrigas por reintegro de subvencións, conforme o artigo 10.2.g) da Lei 9/2007, do 13 de xuño, de subvencións de Galicia, e o artigo 9 do Regulamento de subvencións de Galicia, aprobado polo Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia.
g) No caso de concellos, declaración responsable de que o beneficiario non está incurso en ningunha das prohibicións establecidas no artigo 10 da Lei 9/2007, do 13 de xuño, de subvencións de Galicia, para obter a condición de beneficiaria dunha subvención.
Documentación complementaria .
1. Xunto coa solicitude de axuda (anexo I desta orde, código de procedemento MT100B) presentarase a seguinte documentación:
a) Certificación no modelo do anexo II, na cal se faga constar o acordo polo cal se solicita a subvención para as actuacións que se pretende executar ao abeiro desta orde. No referido acordo deberá constar expresamente que se aceptan as condicións de financiamento e demais requisitos establecidos na orde, e o acordo deberá estar adoptado antes do vencemento do prazo de presentación de solicitudes.
O acordo estará referido a todas as actuacións que integran o proxecto, polo que se deberán consignar a denominación e o orzamento de cada unha, así como o orzamento total.
O incumprimento destes requisitos constituirá causa de inadmisión da solicitude.
No caso dos concellos, certificación emitida pola secretaría do concello solicitante.
No caso dos montes veciñais en man común, certificación emitida polo/a representante legal da entidade solicitante.
b) Memoria xustificativa da necesidade das actuacións de reposición ou reparación de elementos nas infraestruturas e instalacións para as cales solicitan a subvención, asinada polo/a representante legal da entidade solicitante.
c) Nas solicitudes para as actuacións subvencionadas deberá achegarse o proxecto ou anteproxecto desta/s co seguinte contido mínimo:
– Memoria explicativa.
– Orzamento detallado.
– Planos a escala suficiente.
d) Así mesmo, deberá presentarse unha declaración responsable emitida polo representante legal da entidade solicitante, no modelo do anexo III, referida á plena dispoñibilidade sobre os terreos e/ou infraestruturas onde se pretende realizar as actuacións.
e) Cando se actúe en nome dunha persoa xurídica, deberase acreditar a representación con que se actúa.
No caso da persoa representante, e de acordo co artigo 5.4 da Lei 39/2015, do 1 de outubro, do procedemento administrativo común das administracións públicas, deberá acreditar esa representación mediante algún dos seguintes medios:
– Por calquera medio válido en dereito que deixe constancia fidedigna (poder notarial, representación legal, copia de escrituras ou poder onde se acredite a representación legal...).
– Mediante apoderamento apud acta efectuado por comparecencia persoal ou comparecencia electrónica na correspondente sede electrónica, ou a través da acreditación da súa inscrición no Rexistro electrónico de apoderamentos da Administración pública competente.
f) No caso de montes veciñais en man común, presentarán as certificacións previstas no artigo 10 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia.
De conformidade co artigo 28.3 da Lei 39/2015, do 1 de outubro, do procedemento administrativo común, non será necesario achegar os documentos que xa fosen presentados anteriormente pola persoa interesada ante calquera Administración. Neste caso, a persoa interesada deberá indicar en que momento e ante que órgano administrativo presentou os ditos documentos, que serán obtidos electronicamente a través das redes corporativas ou mediante consulta ás plataformas de intermediación de datos ou outros sistemas electrónicos habilitados para o efecto, agás que conste no procedemento a oposición expresa da persoa interesada.
De forma excepcional, se non se puideren obter os citados documentos, poderá solicitarse novamente á persoa interesada a súa achega.
2. A documentación complementaria deberá presentarse electronicamente.
Se algunha das persoas interesadas presenta a documentación complementaria presencialmente, será requirida para que a emende a través da súa presentación electrónica. Para estes efectos, considerarase como data de presentación aquela en que fose realizada a emenda.
As persoas interesadas responsabilizaranse da veracidade dos documentos que presenten. Excepcionalmente, cando a relevancia do documento no procedemento o exixa ou existan dúbidas derivadas da calidade da copia, a Administración poderá solicitar de maneira motivada o cotexo das copias achegadas pola persoa interesada, para o que poderá requirir a exhibición do documento ou da información orixinal.
3. Sempre que se realice a presentación de documentos separadamente da solicitude, deberanse indicar o código e o órgano responsable do procedemento, o número de rexistro de entrada da solicitude e o número de expediente, se se dispón del.
4. No caso de que algún dos documentos que se vaia presentar de forma electrónica supere os tamaños máximos establecidos ou teña un formato non admitido pola sede electrónica da Xunta de Galicia, permitirase a súa presentación de forma presencial dentro dos prazos previstos e na forma indicada no número anterior. A información actualizada sobre o tamaño máximo e os formatos admitidos pode consultarse na sede electrónica da Xunta de Galicia.
Trámites administrativos posteriores á presentación da solicitude .
Todos os trámites administrativos que as persoas interesadas deban realizar tras a presentación da solicitude deberán ser efectuados electronicamente accedendo á carpeta cidadá da persoa interesada, dispoñible na sede electrónica da Xunta de Galicia.
Comprobación de datos .
1. Para a tramitación deste procedemento consultaranse automaticamente os datos incluídos nos seguintes documentos en poder da Administración actuante ou elaborados polas administracións públicas, agás que a persoa interesada se opoña á súa consulta:
a) DNI ou NIE da persoa representante.
b) NIF da entidade solicitante.
c) NIF da entidade representante.
d) Consulta das referencias Sixpac dos terreos afectados polos lumes.
e) Certificación de estar ao día no pagamento de obrigas tributarias (AEAT).
f) Certificación de estar ao día no pagamento das obrigas coa Seguridade Social.
g) Certificación de estar ao día no pagamento das débedas coa Administración pública da comunidade autónoma.
h) Inhabilitacións para obter subvencións e axudas.
i) Subvencións e axudas.
2. No caso de que as persoas interesadas se opoñan a esta consulta, deberán indicalo no recadro correspondente habilitado no formulario de inicio e achegar os documentos.
Cando así o exixa a normativa aplicable, solicitarase o consentimento expreso da persoa interesada para realizar a consulta.
3. Excepcionalmente, no caso de que algunha circunstancia imposibilitase a obtención dos citados datos, poderáselles solicitar ás persoas interesadas a presentación dos documentos correspondentes.
Anexos asociados
Resolución
Prazo de resolución:
Tres meses
Sentido do silencio:
Negativo
Anexos asociados
- Fase de xustificación
- Xustificación e solicitude de pagamento (Anexo V)
- Solicitude de anticipo (Anexo IV)
Procedementos e servizos relacionados
30/07/2022 00:00 - 29/08/2022 23:59 Aberto todo o ano Aberto todo o ano Aberto todo o ano Aberto todo o ano 
Aberto todo o ano