Orientámolo/a, paso a paso, para presentar unha solicitude no rexistro electrónico
FA008A - Pagamento electrónico da taxa fiscal sobre o xogo de apostas deportivas e de competición.
Aberto todo o ano Obxecto
A presente orde ten por obxecto establecer o réxime xurídico aplicable ao cumprimento das obrigas tributarias concernentes á taxa fiscal que grava a autorización, celebración ou organización de apostas deportivas e de competición cuxo rendemento corresponda á Comunidade Autónoma de Galicia e aplicarase a todos os obrigados tributarios da taxa fiscal citada nas súas relacións coa Axencia Tributaria de Galicia (Atriga).
Apróbanse os modelos en formato electrónico que figuran nos anexos II e III desta orde e que se relacionan a seguir, para os efectos da aplicación da taxa fiscal que grava as apostas deportivas e de competición:
Modelo D-041. Modelo de declaración informativa de apostas deportivas e de competición.
Modelo 041. Modelo de autoliquidación da taxa fiscal sobre o xogo de apostas deportivas e de competición.
Apróbanse os modelos en formato electrónico que figuran nos anexos II e III desta orde e que se relacionan a seguir, para os efectos da aplicación da taxa fiscal que grava as apostas deportivas e de competición:
Modelo D-041. Modelo de declaración informativa de apostas deportivas e de competición.
Modelo 041. Modelo de autoliquidación da taxa fiscal sobre o xogo de apostas deportivas e de competición.
- Prazos para a presentación electrónica e contido da declaración informativa de apostas deportivas e de competición:
1. Nos vinte primeiros días naturais de cada trimestre natural, os suxeitos pasivos deberán presentar electronicamente ante a Atriga unha declaración, na cal comunicarán os datos seguintes:
a) Os datos correspondentes ás apostas deportivas e de competición validamente formalizadas e os datos correspondentes aos premios pagados no trimestre natural inmediato anterior.
b) Os datos acumulados correspondentes ás apostas deportivas e de competición validamente formalizadas e os datos acumulados correspondentes aos premios pagados, desde a data de devindicación do exercicio a que se refire a declaración ata a fin do trimestre natural inmediato anterior.
c) Unha relación individualizada dos premios superiores a 2.500 pagados no trimestre natural inmediato anterior.
Para isto empregarán o modelo D-041 que conformarán coa aplicación informática que a Atriga poña á súa disposición na OVT, consonte coas instrucións recollidas a este respecto no modelo D-041 e seguindo o procedemento establecido nesta orde.
2. O prazo anterior entenderase prorrogado ata o primeiro día hábil seguinte, no suposto de que o último día do período fose día inhábil ou sábado.
- Prazos de pagamento e presentación das autoliquidacións da taxa fiscal sobre o xogo de apostas deportivas e de competición:
1. Os suxeitos pasivos estarán obrigados a efectuar electronicamente ante a Atriga, nos vinte primeiros días naturais de abril, xullo e outubro, unha vez transmitidos os datos da declaración D-041, os pagamentos á conta da débeda tributaria definitiva, autoliquidando e determinando o seu importe, mediante o modelo 041, que conformarán coa aplicación informática que a Atriga poña á súa disposición na OVT, consonte coas instrucións recollidas a este respecto no propio modelo e seguindo o procedemento establecido nesta orde.
2. Os suxeitos pasivos estarán obrigados a presentar electronicamente ante a Atriga, nos vinte primeiros días naturais do mes de xaneiro, unha vez transmitidos os datos da declaración D-041, unha declaración, na cal practicarán a autoliquidación da taxa fiscal sobre o xogo de apostas deportivas e de competición e determinarán a débeda tributaria correspondente á actividade desenvolvida no ano natural inmediato anterior, aplicarán os pagamentos á conta que correspondan e ingresarán, se é o caso, o importe resultante, mediante o modelo 041, que conformarán coa aplicación informática que a Atriga pon á súa disposición na OVT, consonte coas instrucións recollidas a este respecto no propio modelo e seguindo o procedemento establecido nesta orde.
3. Os prazos establecidos nos números anteriores entenderanse prorrogados ata o primeiro día hábil seguinte, no suposto de que o último día do período fose día inhábil ou sábado.
A quen vai dirixido?
a) Os suxeitos pasivos que dispoñan do correspondente certificado de usuario outorgado pola Fábrica Nacional de Moeda e Timbre-Real Casa da Moeda (FNMT-RCM) para a presentación e pagamento dos seus propios tributos, ou doutras autoridades certificadoras admitidas pola consellería competente en materia de facenda e que previamente fosen autorizados pola dirección da Atriga para a presentación e pagamento electrónico destes ingresos.
b) As persoas profesionais colexiadas, así como as entidades, as institucións ou organizacións representativas de sectores ou intereses sociais, laborais, empresariais ou profesionais, que subscribisen coa administración tributaria da Comunidade Autónoma de Galicia o correspondente convenio de colaboración, nos termos acordados neste.
b) As persoas profesionais colexiadas, así como as entidades, as institucións ou organizacións representativas de sectores ou intereses sociais, laborais, empresariais ou profesionais, que subscribisen coa administración tributaria da Comunidade Autónoma de Galicia o correspondente convenio de colaboración, nos termos acordados neste.
Os suxeitos pasivos deberán cumprir as obrigas tributarias concernentes á taxa que grava a autorización, celebración ou organización de apostas deportivas e de competición, a que se refire esta orde, por medios electrónicos, sen prexuízo do disposto na disposición adicional primeira. Para isto, deberán empregar as aplicacións informáticas que a Atriga poña á súa disposición na Oficina Virtual Tributaria (OVT), nas condicións e consonte cos procedementos previstos nesta orde.
Requisitos
Os usuarios anteriores, para poder empregar as aplicacións informáticas sinaladas, deberán estar previamente autorizados. Para estes efectos, deberán presentar ante a dirección da Atriga unha solicitude de autorización xunto cunha ficha de usuario, axustadas aos modelos que contén o anexo I, con anterioridade ao primeiro prazo en que deban cumprir as obrigas tributarias referidas a este tributo. Outorgarase a autorización a todos aqueles que reúnan as condicións establecidas no artigo 3.1. desta orde.
A onde acudir
CONSELLERÍA DE FACENDA
AXENCIA TRIBUTARIA DE GALICIA (ATRIGA)
P/ Pastoriza, 8
15781 Santiago de Compostela (Coruña, A)
Teléfono: 981544189
Fax: 981544169
Email: xestion.centralizada@atriga.es
Órgano responsable
AXENCIA TRIBUTARIA DE GALICIA (ATRIGA)
Normativa
Ámbito Autonómico
Orde do 20 de outubro de 2015 pola que se establecen as normas de aplicación e a presentación e o pagamento electrónico da taxa fiscal sobre o xogo de apostas deportivas e de competición e se modifican determinadas normas tributarias (DOG nº 203 do 23 de outubro de 2015).
Corrección de erros. Orde do 20 de outubro de 2015 pola que se establecen as normas de aplicación e a presentación e o pagamento electrónico da taxa fiscal sobre o xogo de apostas deportivas e de competición e se modifican determinadas normas tributarias (DOG nº 132 do 13 de xullo de 2016).
Prazo
Prazo de presentación: Aberto todo o ano
A presente orde entrará en vigor o día seguinte ao da súa publicación no Diario Oficial de Galicia.
Documentación para a presentación
Procedementos e servizos relacionados
Aberto todo o ano Aberto todo o ano Aberto todo o ano