Orientámolo/a, paso a paso, para presentar unha solicitude no rexistro electrónico
CT207M - Proxectos de innovación, funcionamento dixitalizado e sustentable, creación e fidelización de públicos e adaptación aos novos hábitos de consumo audiovisual para salas de exhibición cinematográfica.
Convocatoria 2022
Prazo pechado: 11/06/2022 00:00 - 11/07/2022 23:59
Prazo pechado: 11/06/2022 00:00 - 11/07/2022 23:59Obxecto
1. Estas bases teñen por obxecto determinar as condicións polas cales se regulará a concesión de axudas da Axencia Galega das Industrias Culturais para impulsar proxectos dirixidos a innovar e mellorar o funcionamento dixitalizado e sustentable das salas de exhibición cinematográfica establecidas en Galicia, e fomentar medidas de captación de público e de adaptación aos novos hábitos de consumo audiovisual nestes espazos, ao abeiro dos fondos NextGenerationEU e do Mecanismo de recuperación e resiliencia do Regulamento (UE) nº 2021/241, e convocalas para o ano 2022 (código de procedemento CT207M).
2. Estas subvencións serán tramitadas e concedidas en réxime de concorrencia competitiva e de acordo cos seguintes principios de xestión:
a) Publicidade, concorrencia, obxectividade, transparencia, igualdade e non discriminación.
b) Eficacia no cumprimento dos obxectivos fixados pola Administración outorgante.
c) Eficiencia na asignación de efectivos e na utilización de recursos públicos.
3. Estas subvencións son incompatibles co financiamento doutros fondos estruturais da UE ou outras axudas da Consellería de Cultura, Educación, Formación Profesional e Universidades, e dos seus organismos dependentes para o mesmo proxecto, pero compatibles con outras axudas do resto dos departamentos da Xunta de Galicia e organismos dependentes, así como doutras administracións públicas e entidades públicas ou privadas, e con outros ingresos ou recursos para a mesma finalidade.
4. Estas axudas son compatibles co mercado interior segundo o disposto no artigo 107, parágrafo 3, do Tratado, de conformidade co disposto no artigo 53 do Regulamento (UE) nº 651/2014 da Comisión, do 17 de xuño de 2014, polo que se declaran determinadas categorías de axudas compatibles co mercado interior en aplicación cos artigos 107 e 108.
5. En ningún caso a suma dos importes das axudas concedidas ao amparo desta resolución poderá ser de tal contía que, illadamente ou en concorrencia con subvencións ou axudas, ingresos ou recursos doutras administracións públicas ou doutros entes públicos ou privados, nacionais ou internacionais, supere o custo da actividade subvencionada, segundo establece o artigo 17.3 da Lei 9/2007, do 13 de xuño, de subvencións de Galicia.
Actividades subvencionables .
1. Estas axudas están destinadas a cubrir o investimento vinculado aos tres eixes de acción principais que se relacionan a continuación, xunto coas actividades elixibles que se especifican:
Eixe 1. Dixitalización e aplicación de novas tecnoloxías á actividade das salas de exhibición
a) Estudos de viabilidade de proxectos de transformación dixital.
b) Comunicación e márketing dixital.
c) Actualización de sistemas de ticketing.
d) Modernización de sistemas dixitais de proxección, audio e conectividade, incluíndo aqueles dirixidos a persoas con discapacidade.
e) Aplicación de intelixencia artificial e big data.
f) Dixitalización doutros servizos.
Eixe 2. Adopción de medidas de desenvolvemento sustentable e impacto ambiental positivo.
a) Estudos dirixidos a identificar posibles melloras en áreas relacionadas coa sustentabilidade, a eficiencia enerxética da empresa, a economía circular e o desenvolvemento de plans de acción.
b) Capacitación e implantación de modelos de xestión baseados en economía circular.
c) Investimentos dirixidos a aumentar a eficiencia enerxética.
d) Investimentos para a utilización de fontes renovables e xeración de electricidade para autoconsumo.
e) Investimentos en sistemas de xestión de residuos e mellora dos sistemas de reciclaxe.
f) Formación ao persoal en eficiencia enerxética e xestión de residuos.
g) Outras iniciativas de desenvolvemento sustentable.
Eixe 3. Fidelización e captación de públicos, innovación na programación e na circulación de producións europeas e en linguas oficiais de España.
a) Programación de películas que contribúan a aumentar a diversidade da oferta cinematográfica: cinema europeo, cinema iberoamericano, cinema en versión orixinal, incluíndo aquel en calquera lingua cooficial de España, cinema de dirección novel, cinema dirixido por mulleres, cinema de animación, cinema documental e todas aquelas obras cinematográficas que teñan a consideración de «obra audiovisual difícil» segundo o Real decreto 1084/2015, do 4 de decembro, polo que se desenvolve a Lei 55/2007, do 28 de decembro, do cinema, modificado polo Real decreto 1090/2020, do 9 de decembro.
b) Programacións especiais ou regulares de cinema de autoría e/ou produción galega.
c) Prácticas e procesos de promoción e fidelización de públicos innovadores por salas ou redes de salas, como poden ser proxectos dixitais colectivos de interacción con públicos, xestión de datos, sistemas de subscrición, novos servizos en liña, colaboracións con plataformas e outros axentes da industria audiovisual.
d) Actividades vinculadas a programas escolares, educativos ou de integración social e/ou cultural.
e) Campañas de márketing de asistencia ao cinema, xerais ou dirixidas a grupos particulares de poboación.
f) Campañas de promoción de películas europeas, iberoamericanas, en linguas cooficiais españolas, realizadas por mulleres, que conten co distintivo de «especialmente recomendadas para o fomento da igualdade de xénero», realizadas por directores noveis, que sexan «especialmente recomendadas para o público infantil e xuvenil» ou consideradas «obras audiovisuais difíciles» segundo o Real decreto 1084/2015, do 4 de decembro, polo que se desenvolve a Lei 55/2007, do 28 de decembro, do cinema, modificado polo Real decreto 1090/2020, do 9 de decembro.
g) Proxectos para o desenvolvemento de comunidades de públicos centrados na inclusión e en favorecer o acceso ao cinema.
h) Desenvolvemento de actividades para captación de públicos, podendo incluír talleres e seminarios de formación, desenvolvemento de software e programas de educación e aprendizaxe.
i) Desenvolvemento de actividades profesionais que teñan como obxectivo a creación, fidelización e incremento de públicos para as salas.
2. En cumprimento do disposto no Regulamento (UE) nº 2021/241 do Parlamento Europeo e do Consello, do 12 de febreiro de 2021, polo que se establece o Mecanismo de recuperación e resiliencia e a súa normativa de desenvolvemento, todos os proxectos de investimento deben de respectar o «principio de non causar un prexuízo significativo ao ambiente» (principio DNSH, Do No Significant Harm) e as condicións da etiquetaxe climática e dixital. Iso inclúe o cumprimento das condicións específicas asignadas previstas nos compoñentes 24 e 25, así como nos investimentos en que se enmarcan os devanditos proxectos, tanto no referido ao principio DNSH como á etiquetaxe climática e dixital.
Gastos subvencionables .
1. Terán a consideración de gastos subvencionables, de acordo co establecido no artigo 29 da Lei 9/2007, do 13 de xuño, de subvencións de Galicia, aqueles gastos que, de maneira indubidable, responden á natureza da actividade subvencionada. Eses gastos deberán responder á realización dunha ou varias das accións elixibles descritas no punto 1 do artigo 5 destas bases, ser estritamente necesarios para o desenvolvemento do proxecto presentado e estar realizados e pagados entre o día seguinte ao da publicación da convocatoria e o 20 de abril de 2023. O período subvencionable abrangue, así, desde a solicitude ata o 20 de abril de 2023.
Exceptúanse do devandito prazo aqueles gastos cuxos pagamentos deban efectuarse nun momento posterior por axustarse aos calendarios de recadación, como os ingresos á conta do IRPF ou cotas de seguros sociais liquidados con posterioridade á data de xustificación. A entidade subvencionada quedará obrigada a presentar os documentos acreditativos do seu pagamento antes de finalizar o mes en que á persoa beneficiaria lle corresponde liquidar eses gastos.
2. O gasto derivado das actuacións que se encadran no eixe 1, Dixitalización e aplicación de novas tecnoloxías á actividade das salas de exhibición, do número 1 do artigo 3 desta convocatoria, deberá supoñer como mínimo o 25 % do orzamento total subvencionable.
3. Os gastos de persoal contratado especificamente para o desenvolvemento do proxecto subvencionado serán subvencionados integramente no seu custo e deberán ser congruentes coa categoría profesional que se require para o desenvolvemento da actividade ou actividades que se van realizar dentro do proxecto.
4. Serán gastos subvencionables con limitacións:
4.1. Os gastos ordinarios correspondentes ás retribucións do persoal laboral fixo dependente das persoas e entidades beneficiarias, que non poderán superar o 20 % do importe da axuda concedida. Deberá tratarse de gastos directamente relacionados co desenvolvemento da actividade subvencionada, indicando que porcentaxe do horario de traballo se corresponde co proxecto subvencionado.
3.2. Os gastos xerais (aluguer, subministracións, comunicacións, informática etc.), que non poderán superar o 10 % da axuda concedida. Deberá tratarse gastos directamente relacionados co desenvolvemento da actividade subvencionada.
4. Non serán subvencionables os seguintes gastos:
a) Investimentos periódicos (mellora ou substitución de consumibles comúns, salvo os relacionados coa sustentabilidade).
b) Custos de capital que cubran as reparacións de inmobles.
c) Eventos non relacionados coa exhibición e promoción de películas.
5. Así mesmo, non serán subvencionables, de conformidade co disposto no artigo 29.7 da Lei 9/2007, do 13 de xuño, os gastos relativos a:
– Xuros debedores das contas bancarias.
– Imposto sobre o valor engadido, así como os impostos de natureza similar que sexan recuperables pola entidade.
– Calquera outro non vinculado directamente coa actividade obxecto de subvención.
6. O orzamento de gastos do proxecto presentarase segundo o modelo recollido no anexo V desta convocatoria. No devandito anexo detallarase, ademais, o plan económico-financeiro do proxecto cos ingresos e achegas para levalo a cabo. Ambas as cantidades, orzamento de ingresos e orzamento de gastos, deberán coincidir.
A quen vai dirixido?
1. Poderán ser beneficiarias das subvencións as persoas físicas (autónomas) e persoas xurídicas privadas con domicilio ou sucursal en Galicia ou nun territorio membro da Unión Europea ou asociado ao Espazo Económico Europeo, que cumpran os seguintes requisitos:
a) Ter social ou estatutariamente como obxecto social a exhibición comercial de películas cinematográficas, no suposto de persoas xurídicas.
b) Estar dadas de alta no imposto de actividades económicas, na epígrafe 963.1, no momento da publicación da presente convocatoria.
c) Ser titulares ou posuidoras, por calquera título válido en dereito, da sala ou salas de exhibición cinematográfica situadas na Comunidade Autónoma de Galicia, de conformidade coa definición que destes establecementos se determina no Decreto 124/2019, do 5 de setembro, polo que se aproba o Catálogo de espectáculos públicos, actividades recreativas e establecementos abertos ao público e se establecen determinadas disposicións xerais de aplicación na materia (punto III.1.1 do anexo).
2. Poderán ser beneficiarias as agrupacións de titulares e/ou arrendatarios de salas de exhibición cinematográfica situadas na Comunidade Autónoma, sempre que:
a) Presenten, coa solicitude da axuda, o documento de constitución da agrupación onde deberá constar o nivel de participación de cada membro, así como os dereitos e obrigacións.
b) Todos os membros da agrupación reúnan os requisitos necesarios para obter a condición de persoas beneficiarias.
c) Designen unha persoa representante con capacidade para actuar en nome e por conta de todos os titulares ou arrendatarios que conforman a agrupación. A dita persoa será aquela integrante da agrupación que asuma o maior compromiso de execución de gasto ou que resulte designada entre todos os membros cando a porcentaxe de execución sexa equitativa.
d) A persoa representante deberá asumir a realización dos trámites relacionados coa presentación da solicitude, o cumprimento das obrigas derivadas do outorgamento da subvención e a súa xustificación.
e) A agrupación non se poderá disolver ata que transcorresen os prazos de prescrición para o reintegro e infraccións, se é o caso, previstos nos artigos 39 e 65 da Lei 38/2003, do 17 de novembro.
3. De acordo co artigo 2, punto 18, do Regulamento (UE) nº 651/2014 da Comisión, do 17 de xuño de 2014, nesta convocatoria poderán ser beneficiarias as empresas que non se atopaban en crise no momento da presentación da solicitude, circunstancia que será comprobada pola Agadic.
4. A presente convocatoria non será aplicable ás empresas que estean suxeitas a unha orde de recuperación pendente tras unha decisión previa da Comisión que declarase unha axuda ilegal e incompatible co mercado interior.
5. Non poderán obter a condición de beneficiarias destas subvencións as persoas ou entidades públicas ou privadas en que concorra algunha das circunstancias ou prohibicións indicadas no artigo 13 da Lei 38/2003, do 17 de novembro, xeral de subvencións, así como nos puntos 2 e 3 do artigo 10 da Lei 9/2007, do 13 de xuño, de subvencións de Galicia. A acreditación de non estar incursas nas devanditas prohibicións realizarase mediante declaración responsable do interesado, que figura no anexo II desta convocatoria.
6. Non poderán acceder a estas axudas as seguintes persoas titulares ou arrendatarias de salas de exhibición:
a) Titulares de salas X.
b) As que teñan a súa residencia fiscal en países e territorios considerados paraísos fiscais no Real decreto 1080/1991, do 5 de xullo, polo que se determinan os países e territorios aos que se refiren o artigo 2 da Lei 17/1991, de medidas fiscais urxentes, e 62 da Lei 31/1990, do 27 de decembro, de orzamentos xerais do Estado para 1991.
A onde acudir
Xunta de Galicia
Consellería de Cultura, Educación, Formación Profesional e Universidades
Axencia Galega das Industrias Culturais (AGADIC)
Cidade da Cultura de Galicia, Monte Gaiás, s/n
15707 Coruña, A (Coruña, A)
Teléfono: 881996077/ 881996078
Email: agadic@xunta.gal
Órgano responsable
Axencia Galega das Industrias Culturais (AGADIC)
Normativa
Ámbito Autonómico
Resolución do 25 de maio de 2022 pola que se establecen as bases reguladoras para a concesión de subvencións, en réxime de concorrencia competitiva, a salas de exhibición cinematográfica establecidas en Galicia para proxectos de innovación, funcionamento dixitalizado e sustentable, creación e fidelización de públicos e adaptación aos novos hábitos de consumo audiovisual, ao abeiro dos fondos NextGenerationEU e do Mecanismo de recuperación e resiliencia do Regulamento (UE) número 2021/241, e se convocan para o ano 2022 (DOG nº 111 do 10 de xuño de 2022).
Extracto da Resolución do 25 de maio de 2022 pola que se establecen as bases reguladoras para a concesión de subvencións, en réxime de concorrencia competitiva, a salas de exhibición cinematográfica establecidas en Galicia para proxectos de innovación, funcionamento dixitalizado e sustentable, creación e fidelización de públicos e adaptación aos novos hábitos de consumo audiovisual, ao abeiro dos fondos NextGenerationEU e do Mecanismo de recuperación e resiliencia do Regulamento (UE) número 2021/241, e se convocan para o ano 2022 (DOG nº 111 do 10 de xuño de 2022).
Resolución do 7 de febreiro de 2023 pola que se dá publicidade das axudas concedidas durante o ano 2022 (DOG nº 32 do 15 de febreiro de 2023).
Prazo
Prazo de presentación: PECHADO
11/06/2022 00:00 - 11/07/2022 23:59
O prazo para a presentación das solicitudes será dun mes desde o día seguinte ao da publicación da correspondente convocatoria no Diario Oficial de Galicia. Entenderase como último día do prazo o correspondente ao mesmo ordinal do día da publicación. Se o último día do prazo é inhábil, entenderase prorrogado ao primeiro día hábil seguinte e, se no mes de vencemento non hai día equivalente ao inicial do cómputo, entenderase que o prazo expira o último día do mes.
Documentación para a presentación
Solicitudes .
1. As solicitudes presentaranse obrigatoriamente por medios electrónicos a través do formulario normalizado dispoñible na sede electrónica da Xunta de Galicia, https://sede.xunta.gal
2. De conformidade co artigo 68.4 da Lei 39/2015, do 1 de outubro, do procedemento administrativo común das administracións públicas, se algunha das persoas interesadas presenta a súa solicitude de maneira presencial, será requirida, para que a emende a través da súa presentación electrónica. Para estes efectos, considerarase como data de presentación da solicitude aquela en que sexa realizada a emenda.
Para a presentación das solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365).
Documentación complementaria .
1. As entidades solicitantes deberán enviar xunto coa súa solicitude (anexo II) a seguinte documentación complementaria:
1.1. Documentación administrativa:
1.1.1. Certificado do acordo social da solicitude da axuda ou da autorización da persoa que a asine en nome da entidade, se a persoa solicitante é persoa xurídica.
1.1.2. Estatutos rexistrados e escrituras de constitución inscritos no Rexistro Mercantil ou no que corresponda, se a persoa solicitante é persoa xurídica.
1.1.3. Documentación que acredite suficientemente a representación de quen asina a solicitude.
1.1.4. No suposto de agrupación de entidades, nomeamento do representante ou apoderado legal único, con poder suficiente para cumprir as obrigas que, como persoa beneficiaria, lle corresponden á entidade e o compromiso de non disolución destas ata que transcorra o prazo de prescrición previsto nos artigos 35 e 63 da Lei 9/2007, do 13 de xuño, de subvencións de Galicia.
1.1.5. Copia da escritura de propiedade, contrato de alugamento ou outros documentos válidos en dereito que mostre a dispoñibilidade da sala por parte da persoa solicitante.
1.2. Documentación específica:
1.2.1. Ficha resumo coa memoria técnica do proxecto e da empresa ou entidade privada (anexo III), en que se especifiquen os aspectos que se recollen nos criterios de valoración das presentes bases.
1.2.2. Orzamento de gastos do proxecto (anexo V).
1.2.3. Documentación acreditativa das películas de produción galega exhibidas no período 2019-2021.
1.2.4. Documentación acreditativa das películas en versión orixinal galega exhibidas no período 2019-2021.
1.2.5. Documentación acreditativa da porcentaxe de películas de produción europea ou iberoamericana exhibidas no período 2019-2021.
1.2.6. Documentación acreditativa da porcentaxe de películas en idioma estranxeiro exhibidas na súa versión orixinal de rodaxe no período 2019-2021.
1.3. Autoavaliación dos criterios de valoración (anexo VII).
2. Achegaranse as seguintes declaracións responsables recollidas no anexo II:
2.1. Declaración responsable de ausencia de conflito de intereses (DACI) en relación coa prevención, detección e corrección da fraude, a corrupción e os conflitos de intereses que establece a normativa española e europea e os pronunciamentos que, respecto da protección dos intereses financeiros da Unión, realizasen ou poidan realizar as institucións da Unión Europea.
2.2. Declaración responsable de cesión e tratamento de datos en relación coa execución de actuacións do Plan de recuperación, transformación e resiliencia (PRTR), establecida no artigo 8 da Orde HFP/1030/2021, do 29 de setembro, para a identificación do perceptor final de fondos.
2.3. Declaración responsable de compromiso coa execución de actuacións do Plan de recuperación, transformación e resiliencia (PRTR), entre as que se atopan os estándares máis exixentes en relación co cumprimento das normas xurídicas, éticas e morais, adoptando as medidas necesarias para previr e detectar a fraude, a corrupción e os conflitos de intereses, así como o principio de non causar un prexuízo significativo ao ambiente (DNSH).
2.4. Declaración responsable, no caso das empresas que resultasen beneficiarias dos préstamos ou anticipos con cargo ao Mecanismo de recuperación e resiliencia en exercicios anteriores, de estar ao día no pagamento das obrigacións de reembolso de calquera outro préstamo ou anticipo concedido anteriormente con cargo aos créditos especificamente consignados para a xestión destes fondos nos orzamentos xerais do Estado.
2.5. Declaración responsable de que os datos contidos nesta solicitude e nos documentos que se achegan son certos, e acepta as condicións e obrigas recollidos para cada liña de axudas nesta convocatoria.
2.6. Declaración responsable de que non está incurso en ningunha das circunstancias previstas no artigo 13 da Lei 38/2003, do 17 de novembro, xeral de subvencións.
2.7. Declaración responsable de que non está incurso en ningunha clase de inhabilitación para a obtención de axudas previstas nos números 2 e 3 do artigo 10 da Lei 9/2007, do 13 de xuño, de subvencións de Galicia.
2.8. Declaración responsable de que está ao día no pagamento de obrigas por reintegro de subvencións, conforme o artigo 10.2.g) da Lei 9/2007, do 13 de xuño, de subvencións de Galicia, e o artigo 9 do Regulamento de subvencións de Galicia, aprobado polo Decreto 11/2009, do 8 de xaneiro, e de reembolso de préstamos ou anticipos concedidos con cargo aos orzamentos xerais da Comunidade Autónoma.
2.9. Declaración responsable de que o solicitante coñece que os provedores non poderán estar asociados nin vinculados coa entidade solicitante ou cos seus órganos directivos ou xestores, e que non concorre neles ningunha das prohibicións recollidas no artigo 27.7 da Lei 9/2007, de subvencións de Galicia, nin no artigo 43 do Regulamento que desenvolve a citada lei, aprobado polo Decreto 11/2009, do 8 de xaneiro, tendo en conta, ademais, o disposto no Regulamento (UE) nº 651/2014 sobre empresas vinculadas.
2.10. Declaración responsable de que ten capacidade administrativa, financeira e operativa para cumprir os obxectivos do proxecto para o cal solicita a axuda.
2.11. Declaración responsable de que cumprirá a normativa comunitaria, estatal e autonómica de aplicación.
2.12. Declaración responsable de non consideración de empresa en crise no momento de presentación da solicitude nin estar suxeita a unha orde de recuperación pendente tras unha decisión previa da Comisión que declarase unha axuda ilegal e incompatible co mercado interior. Con todo, a Axencia Galega das Industrias Culturais utilizará os medios que considere oportunos para a súa verificación e requirirá ao solicitante, se for necesario, os documentos oportunos.
3. De conformidade co artigo 28.3 da Lei 39/2015, do 1 de outubro, do procedemento administrativo común das administracións públicas, non será necesario achegar os documentos que xa foron achegados anteriormente pola persoa interesada ante calquera Administración. Neste caso, a persoa interesada deberá indicar en que momento e ante que órgano administrativo presentou os devanditos documentos que serán obtidos electronicamente a través das redes corporativas ou mediante consulta ás plataformas de intermediación de datos ou outros sistemas electrónicos habilitados para o efecto, agás que conste no procedemento a oposición expresa da persoa interesada. De forma excepcional, se non se puideron obter os citados documentos, poderá solicitarse novamente á persoa interesada a súa achega.
4. A documentación complementaria deberá presentarse electronicamente. Se algunha das persoas interesadas presenta a documentación complementaria presencialmente, será requirida para que a emende a través da súa presentación electrónica. Para estes efectos, considerarase como data de presentación aquela en que sexa realizada a emenda.
5. As persoas interesadas responsabilizaranse da veracidade dos documentos que presenten. Excepcionalmente, cando a relevancia do documento no procedemento o exixa ou existan dúbidas derivadas da calidade da copia, a Administración poderá solicitar de maneira motivada o cotexo das copias achegadas pola persoa interesada, para o que poderá requirir a exhibición do documento ou da información orixinal.
6. Sempre que se realice a presentación de documentos separadamente da solicitude, deberase indicar o código e o órgano responsable do procedemento, o número de rexistro de entrada da solicitude e o número de expediente, se se dispón del.
7. No caso de que algún dos documentos que se presente de forma electrónica supere os tamaños máximos establecidos ou teña un formato non admitido pola sede electrónica da Xunta de Galicia, permitirase a presentación deste de forma presencial dentro dos prazos previstos e na forma indicada no número anterior. A información actualizada sobre o tamaño máximo e os formatos admitidos pode consultarse na sede electrónica da Xunta de Galicia.
Trámites administrativos posteriores á presentación de solicitudes .
Todos os trámites administrativos que as persoas interesadas deban realizar tras a presentación da solicitude deberán ser efectuados electronicamente accedendo á Carpeta cidadá da persoa interesada dispoñible na sede electrónica da Xunta de Galicia.
Comprobación de datos .
1. Para a tramitación deste procedemento, consultaranse automaticamente os datos incluídos nos seguintes documentos en poder da Administración ou elaborados polas administracións públicas, agás que a persoa interesada se opoña á súa consulta.
– DNI ou NIE da persoa solicitante.
– NIF da persoa xurídica solicitante.
– DNI ou NIE da persoa representante.
– Certificado de estar dado de alta no imposto de actividades económicas, na epígrafe/subepígrafe que corresponda, no exercicio actual.
– Certificado de estar ao día das obrigas tributarias coa Axencia Estatal de Administración Tributaria.
– Certificado de estar ao día no pagamento á Seguridade Social.
– Certificado de estar ao día no pagamento das débedas coa Administración pública da Comunidade Autónoma.
– Consulta de inhabilitacións para obter subvencións e axudas.
– Consulta de concesión de subvencións e axudas.
2. No caso de que as persoas interesadas se opoñan á consulta, deberán indicalo no recadro correspondente habilitado no formulario correspondente e achegar os documentos. Cando así o exixa a normativa aplicable solicitarase o consentimento expreso da persoa interesada para realizar a consulta.
3. Excepcionalmente, no caso de que algunha circunstancia imposibilite a obtención dos citados datos poderase solicitar ás persoas interesadas a presentación dos documentos correspondentes.
Resolución
Prazo de resolución:
Cinco meses
Sentido do silencio:
Negativo
Anexos asociados
Outras convocatorias ou publicacións
Procedementos e servizos relacionados
10/08/2023 00:00 - 11/09/2023 23:59 29/04/2021 00:00 - 28/05/2021 23:59 27/04/2023 00:00 - 26/05/2023 23:59 02/06/2022 00:00 - 04/07/2022 23:59 06/01/2023 00:00 - 06/02/2023 23:59