A prórroga das subvencións do programa do Bono de Alugueiro Social do Plan galego de rehabilitación, alugamento e mellora de acceso á vivenda 2015-2020.

As persoas beneficiarias do Bono de Alugueiro Social.

Todas as persoas que resultasen beneficiarias deste programa e que non perdesen o dereito mediante a oportuna resolución poderán solicitar a prórroga da axuda do bono de alugueiro social dentro dos dous (2) meses anteriores á data de remate da concesión inicial ou, de ser o caso, da primeira prórroga. Para tal efecto, deberán presentar, de conformidade co artigo 7, parágrafos 2 e 3, a solicitude que figura incorporada como anexo V a esta orde.

• Xunto coa solicitude de prórroga, presentarase a seguinte documentación:

  • a) Informe dos servizos sociais municipais en que se faga constar que subsisten as condicións de necesidade que deron lugar á concesión inicial, así como os ingresos da unidade de convivencia dos tres (3) meses anteriores á data de solicitude de prórroga, de conformidade co previsto no artigo 4 desta Orde.

  • b) Declaración formalizada polas/os asinantes do contrato de arrendamento de que este se prorrogará nas mesmas condicións que o anterior.

Prazo de resolución: Dous meses

Sentido do silencio: Negativo