Se vostede como representante dunha agrupación de voluntarios de protección civil, municipal ou non, desexa inscribirse no rexistro que para tal agrupación existe na Dirección Xeral de Protección Civil debe facer a correspondente solicitude ante a Xunta de Galicia.

Un dos requisitos para que a Asociación poida ser inscrita no Rexistro é que o seu fin principal sexa colaborar coas autoridades competentes na realización de tarefas relacionadas coa protección civil; así como que sexan de carácter aberto para tódalas persoas físicas residentes no termo ou termos municipais no que a Asociación de Voluntarios desenvolva a súa actividade e apolíticas, sen ánimo de lucro e cun funcionamento interno democrático.

Por municipio só poderá rexistrarse unha sóa Asociación de voluntarios de Protección Civil.

No caso de mancomunidades de municipios e comarcas, só poderá inscribirse unha Asociación de voluntarios con ese ámbito territorial, que poderá coexistir con outras municipais.

Agrupacións de voluntarios de protección civil e asociación.

DOCUMENTACIÓN

AVPC integradas en concellos, comarcas ou mancomunidades

• Certificación da persoa responsable da secretaría da entidade local do acordo do pleno que aprobou a súa creación.

• Copia do seu regulamento e/ou estatutos.

• Certificación oficial coa relación dos compoñentes da xunta directiva da agrupación.

Asociacións constituídas ao amparo da Lei de asociacións

• Copia da acta fundacional.

• Copia do regulamento e/ou estatutos.

• Certificación oficial expedida pola autoridade competente que acredite a súa inscripción no rexistro de asociacións, salvo que se trate dun rexistro da Xunta de Galicia.

• Certificación oficial coa relación dos compoñentes da xunta directiva da asociación.

COMPROBACIÓN DE DATOS

Os documentos relacionados serán obxecto de consulta ás administracións públicas. No caso de que as persoas interesadas se opoñan a esta consulta, deberán indicalo no recadro correspondente e achegar unha copia dos documentos.

• NIF da entidade solicitante

• DNI/NIE da persoa representante

• Inicio
• Solicitude (Anexo I)

Prazo de resolución: Dous meses

Sentido do silencio: Positivo