Orientámolo/a, paso a paso, para presentar unha solicitude no rexistro electrónico
PE631C - Autorización e rexistro de transportistas, medios de transporte e contedores de animais acuáticos vivos
Aberto todo o ano Obxecto
A presente resolución ten por obxecto a habilitación e incorporación á sede electrónica do procedemento de autorización e rexistro de transportistas, medios de transporte e contedores de animais vivos en Galicia, para a súa tramitación dentro da sede electrónica da Xunta de Galicia.
As autorizacións de transportistas poden ser:
• De tipo 1: válida unicamente para realizar viaxes de ata 8 horas de duración.
• De tipo 2: válida para realizar todo tipo de viaxes, de máis ou de menos de 8 horas de duración.
A quen vai dirixido?
Esta resolución será de aplicación aos transportistas de animais acuáticos vivos e aos demais operadores, sexan persoas físicas ou xurídicas, que interveñan directa ou indirectamente no transporte de animais acuáticos vivos en relación cunha actividade económica. Tamén se aplicará aos medios de transporte e contedores que transporten os citados animais.
Esta norma non será de aplicación:
• Aos transportistas, medios de transporte e contedores de animais invertebrados excepto os animais da acuicultura.
• Aos transportistas, medios de transporte e contedores de animais domésticos vivos, segundo se definen no artigo 3.4 da Lei 8/2003, do 24 de abril, sempre que o transporte non se efectúe en relación cunha actividade económica.
A onde acudir
Xunta de Galicia
Consellería do Mar
Dirección Xeral de Pesca, Acuicultura e Innovación Tecnolóxica
Rúa do Valiño, 63
15781 Santiago de Compostela (Coruña, A)
Teléfono: 981546347
Órgano responsable
Dirección Xeral de Pesca, Acuicultura e Innovación Tecnolóxica
Normativa
Ámbito Autonómico
Resolución do 6 de maio de 2020, da Dirección Xeral de Pesca, Acuicultura e Innovación Tecnolóxica, pola que se incorpora á sede electrónica da Xunta de Galicia o procedemento de autorización e rexistro de transportistas, medios de transporte e contedores de animais acuáticos vivos en Galicia (DOG nº 93 do 14 de maio de 2020).
Decreto 355/1994, do 4 de decembro, polo que se regula o traslado de animais e se aproban os modelos oficiais de autorización oficial de traslado (DOG nº 240 do 15 de decembro de 1994).
Decreto 34/2004, do 29 de xaneiro, polo que se modifica o Decreto 355/1994, do 2 de decembro, polo que se regula o traslado de animais e se aproban os modelos oficiais de autorización oficial de traslado (DOG nº 31 do 13 de febreiro de 2004).
Orde do 22 de abril de 2015 do Vicepresidente e Conselleiro de Presidencia, Administracións Públicas e Xustiza, pola que se adaptan e incorporan á sede electrónica da Xunta de Galicia os procedementos administrativos de prazo aberto da Consellería do Medio Rural e do Mar (DOG nº 77 do 24 de abril de 2015).
Ámbito Europeo
Regulamento (CE) 1/2005, do 22 de decembro de 2004, relativo á protección dos animais durante o transporte (DOUE do 5 de xaneiro)
Ámbito Estatal
Lei 8/2003, do 24 de abril, de sanidade animal (BOE nº 99 do 25 de abril de 2003).
Lei 32/2007, do 7 de novembro, para o coidado dos animais, na súa explotación, transporte, experimentación e sacrificio. (BOE núm. 268, do 8 de novembro).
Lei 39/2015, da 1 de outubro, do Procedemento Administrativo Común das Administracións Públicas (BOE nº 236 do 2 de outubro de 2015).
Real Decreto 542/2016, do 25 de novembro, sobre as normas de sanidade e protección animal durante o transporte (BOE núm. 297, do 9 de decembro).
Real Decreto 728/2007, do 13 de xuño, polo que se establece e regula o Rexistro xeral de movemento de gando e o Rexistro xeral de identificación individual de animais (BOE nº 155 do 29 de xuño de 2007).
Prazo
Prazo de presentación: Aberto todo o ano
Este procedemento ten o prazo aberto para a presentación de solicitudes desde o día seguinte ao da publicación desta resolución no Diario Oficial de Galicia.
Documentación para a presentación
Solicitudes
As solicitudes presentaranse obrigatoriamente por medios electrónicos a través do formulario normalizado dispoñible na sede electrónica da Xunta de Galicia (https://sede.xunta.gal). Este formulario corresponde ao anexo I da presente norma.
Se algunha das persoas interesadas obrigadas presenta a súa solicitude presencialmente, será requirida para que a emende a través da súa presentación electrónica. Para estes efectos, considerarase como data de presentación da solicitude aquela en que fose realizada a emenda.
Para a presentación de solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave 365 (https://sede.xunta.gal/chave365).
Documentación complementaria necesaria para a tramitación do procedemento
As persoas interesadas deberán achegar coa solicitude (anexo I) a seguinte documentación:
1) No caso dunha solicitude para a autorización e alta no rexistro de transportistas ou renovación da autorización de transportistas:
a) Para a autorización e alta no rexistro de transportistas:
1. Xustificante do pagamento das taxas do rexistro da primeira inscrición (clave 31.07.09); unha por transportista e unha por cada medio de transporte.
2. Ademais para os transportistas tipo 2 (autorizados para viaxes longas de máis de oito horas) e só para peixes: plan de continxencia para casos de emerxencia e sistema de localización permanente de vehículos (p. ex. teléfono móbil).
b) Para a renovación da autorización de transportistas:
Xustificante do pagamento das taxas de renovación (clave 31.07.09); unha por transportista e unha por cada medio de transporte.
c) Cambio de comunidade autónoma da sede social do transportista:
Autorización de transportista vixente noutra comunidade autónoma.
2) No caso dunha solicitude para a autorización e alta no rexistro ou renovación da autorización de medios de transporte e contedores:
a) Para a autorización e alta no rexistro de medios de transporte e contedores:
1. Copia do permiso de circulación do medio de transporte (non necesario no caso de contedores e non obrigatorio para remolques de menos de 750 kg).
2. Copia da documentación técnica ou ficha técnica do medio de transporte ou contedor.
3. Superficie útil total de carga.
4. Xustificante do pagamento das taxas correspondentes ao rexistro de primeira inscrición (clave 31.07.09). Aplicarase unha taxa por cada medio de transporte ou contedor.
b) Para a renovación da autorización de medios de transporte e contedores:
1. Copia da documentación técnica ou ficha técnica do medio de transporte ou contedor.
2. Xustificante do pagamento das taxas correspondentes á renovación (clave 31.07.09); unha por medio de transporte ou contedor.
A documentación complementaria presentarase electronicamente. As persoas interesadas responsabilizaranse da veracidade dos documentos que presenten. Excepcionalmente, a Administración poderá requirir a exhibición do documento orixinal para o cotexo da copia electrónica presentada.
Se algunha das persoas interesadas presenta a documentación complementaria presencialmente, será requirida para que a emende a través da súa presentación electrónica. Para estes efectos considerarase como a data de presentación aquela en que fose realizada a emenda.
Sempre que se realice a presentación de documentos separadamente da solicitude, deberase indicar o código e o órgano responsable do procedemento, o número de rexistro de entrada da solicitude e o número de expediente se se dispón del.
No caso de que algún dos documentos que se vai presentar de forma electrónica supere os tamaños máximos establecidos ou teña un formato non admitido pola sede electrónica da Xunta de Galicia, permitirase a presentación de forma presencial dentro dos prazos previstos e na forma indicada no parágrafo anterior. A información actualizada sobre o tamaño máximo e os formatos admitidos pode consultarse na sede electrónica da Xunta de Galicia.
Comprobación de datos
Para a tramitación do procedemento de autorización e alta no rexistro dos transportistas ou da autorización e alta no rexistro dos medios de transporte e contedores, consultaranse automaticamente os datos incluídos nos seguintes documentos elaborados polas administracións públicas:
a) DNI/NIE da persoa solicitante ou do NIF da entidade solicitante.
b) DNI/NIE da persoa representante.
c) Tarxeta de identificación fiscal do transportista.
No caso de que as persoas interesadas se opoñan a esta consulta, deberán indicalo no cadro habilitado no modelo de solicitude (anexo I), segundo corresponda, e achegar os documentos.
Excepcionalmente, no caso de que algunha circunstancia imposibilite a obtención dos citados datos, poderase solicitar ás persoas interesadas a presentación dos documentos correspondentes.
Trámites administrativos posteriores á presentación de solicitudes
Todos os trámites que as persoas interesadas deban realizar durante a tramitación deste procedemento deberán ser realizados electronicamente accedendo á Carpeta cidadá da persoa interesada dispoñible na sede electrónica da Xunta de Galicia.
Resolución
Prazo de resolución:
Cinco meses
Sentido do silencio:
Negativo
Procedementos e servizos relacionados
29/04/2023 00:00 - 01/07/2024 23:59 Aberto todo o ano 
Aberto todo o ano Aberto todo o ano