Orientámolo/a, paso a paso, para presentar unha solicitude no rexistro electrónico
MR501B - Inscrición no rexistro galego de explotacións porcinas extensivas.
Aberto todo o ano Obxecto
a) A creación do Rexistro Galego de Explotacións Porcinas Extensivas.
b) O desenvolvemento do Real decreto 1221/2009, do 17 de xullo, nos aspectos abertos á súa regulación por parte das comunidades autónomas.
A quen vai dirixido?
Explotacións de gando porcino en sistema de produción extensivo radicadas no ámbito territorial da Comunidade Autónoma de Galicia.
Requisitos
Para poderen exercer a súa actividade as explotacións de nova creación deberán inscribirse no Rexistro Galego de Explotacións Porcinas Extensivas, adscrito á dirección xeral que corresponda da consellería competente en materia de sanidade e produción animal.
En relación coa densidade gandeira, a carga gandeira das explotacións porcinas extensivas non superará os límites establecidos no rexistro de explotacións e non excederá a densidade de 15 porcos de ceba/hectárea (2,4 UGM/ha), ou o seu equivalente de acordo coa seguinte táboa:
a) Porca con leitóns de ata 23 kg: 0,30 UGM.
b) Porca de reposición: 0,14 UGM.
c) Porco de 20 a 50 kg: 0,10 UGM.
d) Porco de máis de 50 kg: 0,16 UGM.
e) Verrón: 0,30 UGM.
f) Porca en ciclo pechado: 1 UGM.
A onde acudir
Xunta de Galicia
Consellería do Medio Rural
Dirección Xeral de Gandaría, Agricultura e Industrias Agroalimentarias
EDIF, ADMINISTRATIVO SAN CAETANO
15781 Santiago de Compostela (Coruña, A)
Teléfono: 981545732
Fax: 981545735
Órgano responsable
Dirección Xeral de Gandaría, Agricultura e Industrias Agroalimentarias
Normativa
Ámbito Estatal
Real Decreto 348/2000, do 10 de marzo, polo que se incorpora ao ordenamento xurídico a Directiva 98/58/CE, relativa á protección dos animais nas explotacións gandeiras (BOE nº 61 do 11 de marzo de 2000).
Real Decreto 1135/2002, do 31 de outubro, relativo ás normas mínimas para a protección de porcos (BOE nº 278, do 20 de novembro de 2002).
Lei 8/2003, de 24 de abril, de sanidade animal (BOE nº 99 do 25 de abril de 2003).
Real Decreto 479/2004, de 26 de marzo, polo que se establece e regula o Rexistro Xeral de Explotacións Gandeiras (BOE nº 89 do 13 de abril de 2004).
Corrección de erros do Real Decreto 479/2004, do 26 de marzo, polo que se establece e regula o Rexistro xeral de explotacións gandeiras (BOE nº 108 do 4 de maio de 2004).
Lei 32/2007, do 7 de novembro, para o coidado dos animais, na súa explotación, transporte, experimentación e sacrificio (BOE nº 268 do 8 de novembro de 2007).
Real Decreto 1221/2009, do 17 de xullo, polo que se establecen normas básicas de ordenación das explotacións de gando porcino extensivo e polo que se modifica o Real Decreto 1547/2004, do 25 de xuño, polo que se establecen as normas de ordenación das explotacións cunícolas (BOE nº 187 do 4 de agosto de 2009).
Lei 39/2015, da 1 de outubro, do Procedemento Administrativo Común das Administracións Públicas (BOE nº 236 do 2 de outubro de 2015).
Ámbito Autonómico
Decreto 223/2011, do 17 de novembro, polo que se desenvolven as normas básicas de ordenación das explotacións porcinas extensivas e se crea o Rexistro Galego de Explotacións Porcinas Extensivas na Comunidade Autónoma de Galicia (DOG nº 234 do 9 de decembro de 2011).
Prazo
Prazo de presentación: Aberto todo o ano
Documentación para a presentación
- Solicitude segundo o Anexo I.
- Memoria da actividade e infraestructuras da explotación.
- Plano de situación e das construcións da explotación.
- Certificado de cumprimento de distancias asinado por un técnico/a componente.
- Descrición e referencia catastral das parcelas que compoñen a explotación.
- Programa sanitario, de manexo e benestar dos animais da explotación, certificado por un veterinario/a.
- Programa de selección ou multiplicación (para granxas de selección ou multiplicación respectivamente).
- Documentación acreditativa do pago das taxas que correspondan.
- Comprobación de datos .
Os documentos relacionados serán obxecto de consulta ás administracións públicas. No caso de que as persoas interesadas se opoñan a esta consulta, deberán indicalo e achegar unha copia dos documentos:
- NIF da entidade solicitante.
- DNI/NIE da persoa solicitante.
- DNI/NIE da persoa representante.
- NIF da entidade representante.
Resolución
Prazo de resolución: Tres meses
Sentido do silencio: Positivo
Procedementos e servizos relacionados
Aberto todo o ano Aberto todo o ano Aberto todo o ano 14/10/2022 00:00 - 08/11/2022 23:59 14/10/2022 00:00 - 08/11/2022 23:59 09/05/2023 00:00 - 08/06/2023 23:59