Mediante este modelo o titular da fosa séptica, tanto se é persoa física como xurídica, poderá solicitar autorización para realizar baleirados da fosa séptica nas instalacións de depuración xestionadas por Augas de Galicia que teñan habilitado dito servizo.

Titulares de fosas sépticas.

O titular da fosa séptica deberá presentar a solicitude ante Augas de Galicia e cumprir os seguintes requisitos:

– A vivenda ou establecemento non poderá dispoñer do servizo da rede de sumidoiros, nin deberá ser obrigatoria a súa recepción de acordo coas condicións que se estableza na correspondente ordenanza municipal e no regulamento marco de prestación do servizo de saneamento e depuración de augas residuais indicado no artigo 32.3 da Lei 9/2010, do 4 de novembro, de augas de Galicia. A tal efecto, xunto coas solicitude deberá presentar un informe dos servizos técnicos do Concello segundo o modelo establecido.

– As augas vertidas á fosa séptica deberán ser de natureza doméstica.

– O volume baleirado nun ano natural en ningún caso poderá ser superior á base impoñible do coeficiente de vertedura nese mesmo período determinada segundo o establecido no artigo 68.

• Solicitude segundo o Anexo XVII.a

• Certificación dos servizos técnicos do Concello relativo á non dispoñibilidade de conexión á rede de sumidoiros (Anexo XVII.b).

• Copia da última factura-recibo da auga (no caso de ter subministro municipal).

• Outra documentación.

• Comprobación de datos.

Os documentos relacionados serán obxecto de consulta ás administracións públicas. No caso de que as persoas interesadas se opoñan a esta consulta, deberán indicalo e achegar unha copia dos documentos.

• DNI/NIE da persoa solicitante.

• DNI/NIE da persoa representante.

• NIF da entidade solicitante.

• Fase de solicitude
• Documento de solicitude (Anexo XVIIa)
• Certificado dos servizos técnicos do concello (Anexo XVIIb)

Prazo de resolución:

6 meses

Sentido do silencio:

Positivo