Orientámolo/a, paso a paso, para presentar unha solicitude no rexistro electrónico
AU230H - Acreditación do número de persoas na vivenda para a aplicación do canon da auga, canon de xestión de depuradoras e canon de xestión de redes de colectores
Aberto todo o ano Obxecto
Mediante este modelo os usos domésticos (vivendas) poden solicitar a Augas de Galicia que se estableza un número de habitantes na vivenda distinto de 3 persoas (número de persoas que aplica por defecto de acordo coa presunción contida na Lei 9/2010, do 4 de novembro, de augas de Galicia e na Lei 1/2022, do 12 de xullo, de mellora da xestión do ciclo integral da auga).
Este modelo tamén debe ser presentado polo suxeito pasivo ao que se lle recoñecese un número de habitantes na vivenda distinto de 3 en base a unha solicitude previa e se producise unha diminución no número de habitantes na vivenda. Neste caso este modelo deberá ser presentado no prazo de un mes desde que se producise a diminución no número de persoas.
A quen vai dirixido?
Suxeitos pasivos domésticos que queiran acreditar un número de habitantes na vivenda distinto de 3 persoas.
Requisitos
O titular do contrato da auga deberá presentar ante Augas de Galicia o modelo de e cumprir os seguintes requisitos:
- O número de habitantes para a que se pretenda a modificación debe coincidir co número de persoas que están empadroadas en dita vivenda.
- O titular do contrato de subministro de auga debe ser un dos habitantes da vivenda de acordo co padrón de habitantes.
A onde acudir
Xunta de Galicia
Consellería de Infraestruturas e Mobilidade
Augas de Galicia
Praza Camilo Díaz Baliño, 7-9
15781 Santiago de Compostela (Coruña, A)
Teléfono: 981 541697
Fax: 981544534
Órgano responsable
Augas de Galicia
Normativa
Ámbito Autonómico
Lei 9/2010, do 4 de novembro, de augas de Galicia (DOG nº 222 do 18 de novembro de 2010).
Decreto 136/2012, do 31 de maio, polo que se aproba o Regulamento do canon da auga e do coeficiente de vertedura a sistemas públicos de depuración de augas residuais (DOG nº 119 do 22 de xuño de 2012).
Lei 1/2022, do 12 de xullo, de mellora da xestión do ciclo integral da auga (DOG nº 154 do 12 de agosto de 2022).
Orde do 21 de decembro de 2022 pola que se aproban os formularios normalizados dos procedementos relativos ao canon da auga, canon de xestión das depuradoras e canon de xestión das redes de colectores regulados pola Lei 9/2010, do 4 de novembro, de augas de Galicia, e pola Lei 1/2022, do 12 de xullo, de mellora da xestión do ciclo integral da auga. (DOG nº 247 do 29 de decembro de 2022).
Ámbito Estatal
Lei 58/2003, de 17 de decembro, Xeral Tributaria (BOE nº 302, de 18 de decembro de 2003).
Prazo
Prazo de presentación: Aberto todo o ano
Todo o ano.
Documentación para a presentación
- Solicitude normalizada segundo o Anexo VII
- Xunto cos modelos de solicitude os interesados deberán presentar:
a) Comprobación de datos das persoas empadroadas na vivenda (Anexo XXIII)
b) Copia da última factura da auga.
Anexos asociados
Resolución
Prazo de resolución:
6 meses
Sentido do silencio:
Positivo
Outras convocatorias ou publicacións
Procedementos e servizos relacionados
Aberto todo o ano Aberto todo o ano Aberto todo o ano Aberto todo o ano 