Orientámolo/a, paso a paso, para presentar unha solicitude no rexistro electrónico
AU113C - Actuacións menores no dominio público hidráulico e zona de policía
Aberto todo o ano Obxecto
Esta orde ten por obxecto aprobar o formulario normalizado de declaración responsable previa á realización de actuacións menores de conservación e mantemento na zona de dominio publico hidráulico e na zona de policía no ámbito da demarcación hidrográfica Galicia-Costa, que regula a disposición adicional segunda do Decreto 1/2015, do 15 de xaneiro.
A declaración responsable habilitarase na Guía de procedementos e servizos dispoñible na sede electrónica da Xunta de Galicia co código de procedemento administrativo AU113C.
A onde acudir
Xunta de Galicia
Consellería de Medio Ambiente e Cambio Climático
Augas de Galicia
Zona Hidrográfica de Galicia Centro
Rúa Tomiño, 16 - baixo
15781 Santiago de Compostela (Coruña, A)
Teléfono: 981544726/ 981543959
Xunta de Galicia
Consellería de Medio Ambiente e Cambio Climático
Augas de Galicia
Zona Hidrográfica de Galicia Norte
Rúa Vicente Ferrer, 2, 9ª planta
15008 Coruña, A (Coruña, A)
Teléfono: 981182531/ 981182536
Xunta de Galicia
Consellería de Medio Ambiente e Cambio Climático
Augas de Galicia
Zona Hidrográfica de Galicia Sur
San Salvador, 2, oficinas 4ª planta
36207 Vigo (Pontevedra)
Teléfono: 986817141/ 986817159
Órgano responsable
Augas de Galicia
Normativa
Ámbito Autonómico
Orde do 18 de febreiro de 2020 pola que se aproba o modelo de declaración responsable para realización de actuacións menores de mantemento e conservación no dominio público hidráulico e zona de policía (DOG nº 42 do 3 de marzo de 2020).
Prazo
Prazo de presentación: Aberto todo o ano
Información de taxas
Este procedemento está suxeito ao pago dunha taxa. A continuación móstrase a listaxe de taxas aplicables:
- Actuacións de comprobación e control das declaracións responsables para a realización de actuacións menores no dominio público hidráulico e na súa zona de policía, conforme o establecido na normativa de augas (Código taxa: 31.30.21)
Pode realizar o pago destas taxas na sede electrónica como un dos pasos da tramitación en liña.
Documentación para a presentación
Forma de presentación
A declaración responsable presentarase preferiblemente por vía electrónica a través do formulario normalizado establecido no anexo I desta orde, dispoñible na sede electrónica da Xunta de Galicia (https://sede.xunta.gal).
A presentación electrónica será obrigatoria para as administracións públicas, as persoas xurídicas, as entidades sen personalidade xurídica, as persoas que exerzan unha actividade profesional para a cal se requira colexiación obrigatoria para os trámites e actuacións que realicen coas administracións públicas no exercicio da súa actividade profesional, os traballadores autónomos para os trámites e actividades que realicen no exercicio da súa actividade profesional e as persoas representantes dunha das anteriores.
Se algunha das persoas interesadas obrigadas á presentación electrónica presenta a súa declaración responsable presencialmente, será requirida para que a emende a través da súa presentación electrónica. Para estes efectos, considerarase como data de presentación da declaración aquela en que fose realizada a emenda.
Para a presentación da declaración responsable poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365).
Aquelas persoas interesadas non obrigadas á presentación electrónica, opcionalmente, poderán presentar a declaración responsable presencialmente en calquera dos lugares e rexistros establecidos na normativa reguladora do procedemento administrativo común, utilizando o formulario normalizado dispoñible na sede electrónica da Xunta de Galicia.
Documentación complementaria necesaria para a tramitación do procedemento
1. As persoas interesadas deberán achegar coa declaración a seguinte documentación:
a) Documentación que acredite a representación do comparecente, se for o caso.
b) Xustificante do pagamento da taxa por actuacións de comprobación e control das declaracións responsables para a realización de actuacións menores no dominio público hidráulico e na súa zona de policía (código 31.30.21).
c) Calquera outra que se considere necesaria para acreditar o carácter menor da actuación.
2. A documentación complementaria presentarase preferiblemente por vía electrónica. As persoas interesadas responsabilizaranse da veracidade dos documentos que presenten. Excepcionalmente, a Administración poderá requirir a exhibición do documento orixinal para o cotexo da copia electrónica presentada.
A presentación electrónica será obrigatoria para os suxeitos obrigados á presentación electrónica da declaración. Se algunha das persoas interesadas presenta a documentación complementaria presencialmente, será requirida para que a emende a través da súa presentación electrónica. Para estes efectos, considerarase como data de presentación aquela en que fose realizada a emenda.
Aquelas persoas non obrigadas á presentación electrónica, opcionalmente, poderán presentar a documentación complementaria presencialmente en calquera dos lugares e rexistros establecidos na normativa reguladora do procedemento administrativo común.
3. Sempre que se realice a presentación de documentos separadamente da declaración deberase indicar o código e o órgano responsable do procedemento, o número de rexistro de entrada da declaración responsable e o número de expediente se se dispón del.
Comprobación de datos
1. Para a tramitación deste procedemento consultaranse automaticamente os datos incluídos nos documentos elaborados polas administracións públicas, os documentos identificativos (DNI/NIE para persoas físicas e NIF para persoas xurídicas), tanto das persoas que realizan a declaración como das representantes.
2. No caso de que as persoas interesadas se opoñan a esta consulta, deberán indicalo no recadro correspondente habilitado no formulario de declaración responsable e achegar os documentos.
3. Excepcionalmente, no caso de que algunha circunstancia imposibilite a obtención dos citados datos, poderase solicitar ás persoas interesadas a presentación dos documentos correspondentes.
Trámites administrativos posteriores á presentación da declaración
A sede electrónica da Xunta de Galicia permite ás persoas interesadas realizaren trámites electrónicos, con posterioridade ao inicio do expediente, accedendo á Carpeta cidadá da persoa interesada. Cando as persoas interesadas non resulten obrigadas á presentación electrónica das declaracións responsables tamén poderán tramitarse presencialmente en calquera dos lugares e rexistros establecidos na normativa reguladora do procedemento administrativo común.
Procedementos e servizos relacionados
Aberto todo o ano AU113A
Autorización de obras ou traballos no dominio público hidráulico ou zona de policía de leitos.
Aberto todo o ano AU113B
Autorización para cortas en zona de servidume de leitos.
Aberto todo o ano AU114A
Autorización de verteduras de augas residuais (tramitación ordinaria).
05/10/2023 00:00 - 27/10/2023 23:59 MT807C
Sorteo de permisos en coutos de pesca fluvial (Modalidade inclusión nun grupo).
28/03/2024 00:00 - 29/04/2024 23:59 MT819A
Axudas a investimentos non produtivos vinculados á realización de obxectivos ambientais nos parques naturais de Galicia, cofinanciado co Fondo Europeo Agrícola de Desenvolvemento Rural (Feader), no marco do Plan estratéxico da PAC 2023-2027 en Galicia.
14/12/2023 00:00 - 28/12/2023 23:59 MT823B
Sorteo de postos de pesca de lamprea no río Tea.