Orientámolo/a, paso a paso, para presentar unha solicitude no rexistro electrónico
IG300C - Axudas do Igape aos proxectos piloto industria 4.0 en Galicia (II piloto industria 4.0), cofinanciados polo Fondo Europeo de Desenvolvemento Rexional con cargo ao programa operativo Feder Galicia 2014-2020.
Convocatoria 2018
Prazo pechado: 01/06/2018 00:00 - 21/09/2018 23:59
Prazo pechado: 01/06/2018 00:00 - 21/09/2018 23:59Obxecto
Estas axudas van destinadas á posta en marcha de proxectos cuxa finalidade sexa o soporte de procesos sectoriais multiempresa, como poden ser ordes de fabricación distribuída, sistemas de facturación, procesos entre un líder industrial cara ás pemes que conforman a súa cadea de valor e outros que impliquen necesariamente a interconexión dixital de procesos entre unha peme galega e outras empresas ou entre dúas ou máis pemes galegas.
Os proxectos poderán ser de dúas modalidades:
a) Proxectos colectivos, nos que un grupo de empresas (opcionalmente coordinadas por un organismo intermedio colaborador) propoñen utilizar e implantar un determinado sistema nas súas interaccións dixitais.
b) Proxectos individuais nos que unha peme aborda unha das seguintes tipoloxías de proxecto:
1º Desenvolvemento dunha interfaz dixital para as súas interaccións de negocio, ou adopción/implantación dunha solución de interacción xa existente cos seus clientes ou provedores.
2º Implementación de sistemas encamiñados á dixitalización de procesos (ERP, CRM e similares), interconexión de elementos físicos e virtuais, tratamento de datos captados (intelixencia de negocio, bigdata e similares) ou sistemas de aprendizaxe e toma de decisións autónomos.
Os proxectos da modalidade a) terán preferencia sobre os da modalidade b).
A quen vai dirixido?
Poderán ser beneficiarias as pequenas e medianas empresas (pemes) segundo a definición establecida pola Comisión Europea no Anexo I do Regulamento 651/2014 (DOUE L 187, do 26 de xuño de 2014), polo que se declaran determinadas categorías de axuda compatibles co mercado común en aplicación dos artigos 107 e 108 do Tratado (Regulamento xeral de exención por categorías), que sexan sociedades con personalidade xurídica propia ou autónomos e que teñan un centro de traballo en Galicia no que se vaia realizar o proxecto.
Requisitos
- Para poder solicitar as axudas á tipoloxía de proxectos colectivos descritos no artigo 5.a), os interesados deberán previamente constituír unha agrupación das previstas no artigo 8.3 da Lei 9/2007, do 13 de xuño, de subvencións de Galicia (en adiante Lei 9/2007). A dita agrupación terá que estar constituída polo menos por dúas pemes con centro de traballo en Galicia. Deberase facer constar expresamente nun documento os compromisos de execución asumidos por cada membro da agrupación, que terán igualmente a consideración de beneficiarios. En calquera caso, nomearase un representante único da agrupación (en adiante o líder), único interlocutor coa administración ata a resolución de concesión. Unha vez concedidas as axudas individuais a cada peme, cada unha delas será independente para a tramitación da xustificación e liquidación da súa axuda. No caso de que o proxecto das pemes estea coordinado por un organismo intermedio, este non formará parte da agrupación.
O documento contractual de regulación da agrupación deberá contemplar como mínimo o seguinte:
a) Identificación de cada un dos seus integrantes por razón social, NIF, e nome e DNI do representante legal.
b) Acordo de representación da agrupación e elección do representante da mesma ante a Administración para os efectos de interlocutor coa mesma.
c) Recoñecemento dos compromisos asumidos por cada un dos integrantes da agrupación en canto ás características do proxecto que se presenta descrito no cuestionario de solicitude de axuda e á execución individual dos investimentos e gastos de cada peme participante.
d) Acordos de confidencialidade.
e) Xestión da agrupación e plan de continxencias ante posibles dificultades.
f) Autorización ao Igape para recabar os datos doutras administracións que sexan necesarios para a tramitación da solicitude: a existencia ou non de débedas coa Axencia Tributaria do Estado, a Seguridade Social e a Comunidade Autónoma de Galicia; a consulta dos datos asociados ao NIF da empresa e ao DNI do representante legal, que se cubrirá no Anexo IV das bases reguladoras.
g) Sinatura de todos os integrantes.
A agrupación de empresas non poderá disolverse ata que transcorrese o prazo de prescrición previsto no artigo 35 da Lei 9/2007.
- Cada agrupación só poderá presentar un proxecto. As pemes poderán presentar proxectos individuais e participar nunha ou máis agrupacións, sempre que os investimentos e gastos de cada unha das solicitudes sexan distintos.
- Non poderán ter a condición de beneficiarios:
a) As empresas nas que concorra algunha das circunstancias previstas no artigo 10.2º e 3º da Lei 9/2007, do 13 de xuño, de subvencións de Galicia (DOG nº 121, do 25 de xuño).
b) As empresas que entren dentro da categoría de empresas en crise, ao abeiro da definición do artigo 2.18 do Regulamento Xeral de Exención (Regulamento CE 651/2014).
c) As empresas que estean suxeitas a unha orde de recuperación pendente tras unha decisión da Comisión que teña declarada unha axuda ilegal e incompatible co mercado común.
A onde acudir
Xunta de Galicia
Consellería de Economía e Industria
Instituto Galego de Promoción Económica – Igape
Complexo Administrativo San Lázaro s/n
15703 Santiago de Compostela (Coruña, A)
Teléfono: 900815151
Email: informa@igape.es
Órgano responsable
Instituto Galego de Promoción Económica – Igape
Normativa
Ámbito Autonómico
Resolución do 21 de decembro de 2017 pola que se lle dá publicidade ao acordo do Consello de Dirección do Instituto Galego de Promoción Económica (Igape), que aproba as bases reguladoras dos obradoiros e das axudas do Igape á dixitalización Industria 4.0 cofinanciadas polo Fondo Europeo de Desenvolvemento Rexional no marco do Programa Operativo Feder Galicia 2014-2020, e se procede á súa convocatoria en réxime de concorrencia competitiva (DOG nº 245 do 28 de decembro de 2017).
Extracto da Resolución do 21 de decembro de 2017 pola que se dá publicidade ao acordo do Consello de Dirección que aproba as bases reguladoras dos obradoiros e das axudas á dixitalización Industria 4.0 cofinanciadas polo Fondo Europeo de Desenvolvemento Rexional no marco do programa operativo Feder Galicia 2014-2020, e se procede á súa convocatoria en réxime de concorrencia competitiva (IG239-Obradoiros á dixitalización Industria 4.0) (DOG nº 245 do 28 de decembro de 2017).
Extracto da Resolución do 21 de decembro de 2017 pola que se dá publicidade ao acordo do Consello de Dirección que aproba as bases reguladoras dos obradoiros e das axudas á dixitalización Industria 4.0 cofinanciadas polo Fondo Europeo de Desenvolvemento Rexional no marco do programa operativo Feder Galicia 2014-2020, e se procede á súa convocatoria en réxime de concorrencia competitiva (IG240-Axudas á dixitalización Industria 4.0, cofinanciadas polo Fondo Europeo de Desenvolvemento Rexional, no marco do programa operativo Feder Galicia 2014-2020) (DOG nº 245 do 28 de decembro de 2017).
Resolución do 25 de abril de 2018 pola que se procede á publicación dos requirimentos de emenda das axudas á dixitalización Industria 4.0, cofinanciadas polo Fondo Europeo de Desenvolvemento Rexional, no marco do programa operativo Feder Galicia 2014-2020 (DOG nº 87 do 7 de maio de 2018).
Corrección de erros. Resolución do 21 de decembro de 2017 pola que se dá publicidade ao acordo do Consello de Dirección que aproba as bases reguladoras dos obradoiros e das axudas á dixitalización Industria 4.0 cofinanciadas polo Fondo Europeo de Desenvolvemento Rexional no marco do programa operativo Feder Galicia 2014-2020, e se procede á súa convocatoria en réxime de concorrencia competitiva (DOG nº 49 do 9 de marzo de 2018).
Resolución do 7 de xuño de 2018 pola que se dá publicidade á resolución de concesión dos obradoiros á dixitalización Industria 4.0. (DOG nº 119 do 22 de xuño de 2018).
Resolución do 9 de xullo de 2018 pola que se amplía o prazo de presentación de solicitudes da Resolución do 21 de decembro de 2017 pola que se dá publicidade ao acordo do Consello de Dirección que aproba as bases reguladoras dos obradoiros e das axudas á dixitalización Industria 4.0, cofinanciadas polo Fondo Europeo de Desenvolvemento Rexional no marco do programa operativo Feder Galicia 2014-2020, e se procede á súa convocatoria en réxime de concorrencia competitiva (DOG nº 136 do 17 de xullo de 2018).
Extracto da Resolución do 9 de xullo de 2018 pola que se amplía o prazo de presentación de solicitudes da Resolución do 21 de decembro de 2017 pola que se dá publicidade ao acordo do Consello de Dirección que aproba as bases reguladoras dos obradoiros e das axudas á dixitalización Industria 4.0, cofinanciadas polo Fondo Europeo de Desenvolvemento Rexional no marco do programa operativo Feder Galicia 2014-2020, e se procede á súa convocatoria en réxime de concorrencia competitiva (DOG nº 136 del 17 de xullo de 2018)
Resolución do 30 de xullo de 2018 pola que se dá publicidade á resolución de concesión das axudas do Igape á dixitalización Industria 4.0, cofinanciadas polo Fondo Europeo de Desenvolvemento Rexional no marco do programa operativo Feder Galicia 2014-2020 (DOG nº 151 do 8 de agosto de 2018).
Resolución do 10 de setembro de 2018 pola que se dá publicidade á resolución de concesión dos obradoiros á dixitalización Industria 4.0 (DOG nº 176 do 14 de setembro de 2018).
Resolución do 19 de setembro de 2018 pola que se modifica a Resolución do 21 de decembro de 2017 pola que se dá publicidade ao acordo do Consello de Dirección que aproba as bases reguladoras dos obradoiros e das axudas á dixitalización Industria 4.0 cofinanciadas polo Fondo Europeo de Desenvolvemento Rexional no marco do programa operativo Feder Galicia 2014-2020, e se procede á súa convocatoria en réxime de concorrencia competitiva (DOG nº 180 do 20 de setembro de 2018).
Extracto da Resolución do 19 de setembro de 2018 pola que se modifica a Resolución do 21 de decembro de 2017 pola que se dá publicidade ao acordo do Consello de Dirección que aproba as bases reguladoras dos obradoiros e das axudas á dixitalización Industria 4.0 cofinanciadas polo Fondo Europeo de Desenvolvemento Rexional no marco do programa operativo Feder Galicia 2014-2020, e se procede á súa convocatoria en réxime de concorrencia competitiva (DOG nº 180 do 20 de setembro de 2018).
Resolución do 26 de outubro de 2018 pola que se dá publicidade dos beneficiarios das axudas concedidas durante o segundo trimestre de 2018 (DOG nº 212 do 7 de novembro de 2018).
Resolución do 7 de xaneiro de 2019 pola que se dá publicidade da resolución de concesión das axudas á dixitalización Industria 4.0, cofinanciadas polo Fondo Europeo de Desenvolvemento Rexional no marco do programa operativo Feder Galicia 2014-2020 (DOG nº 12 do 17 de xaneiro de 2019).
Resolución do 2 de setembro de 2019 pola que se dá publicidade aos beneficiarios das axudas concedidas durante o terceiro e cuarto trimestre de 2018 (DOG nº 179 do 20 de setembro de 2019).
Prazo
Prazo de presentación: PECHADO
01/06/2018 00:00 - 21/09/2018 23:59
Segundo a Resolución do 9 de xullo, amplíase o prazo de presentación de solicitudes da liña IG240.2 (axudas) ata o 21 de setembro de 2018.
Documentación para a presentación
-
Solicitude segundo o Anexo I.
-
As tres ofertas que, en aplicación do artigo 29.3º da Lei de subvencións de Galicia, debe ter solicitado, de acordo co establecido nos artigos 3.3º e 6.5º destas bases reguladoras, se é o caso.
-
Memoria descritiva do proxecto que deberá conter mención explícita aos criterios sinalados no artigo 12.4. destas bases.
-
Documento de constitución da agrupación, se é o caso xunto co anexo IV.
-
Escritura ou documento xuridicamente válido de constitución e de nomeamento do representante legal e estatutos debidamente inscritos no rexistro competente e modificacións posteriores destes.
-
Comprobación de datos.
1. Os documentos relacionados serán obxecto de consulta ás Administracións públicas. No caso de que as persoas interesadas se opoñan a esta consulta, deberán indicalo no cadro correspondente e achegar unha copia dos documentos:
-
DNI da persoa representante.
-
NIF da entidade solicitante.
-
Certificado da AEAT de alta no Imposto de actividades económicas (IAE) da entidade solicitante.
-
Estar ao corrente das obrigas tributarias coa AEAT.
-
Estar ao corrente de pago coa Seguridade Social.
-
Estar ao corrente de pago coa Consellería de Facenda.
2. No caso de que as persoas interesadas se opoñan a esta consulta, deberán indicalo no cadro correspondente habilitado no formulario de inicio e achegar os documentos.
3. Excepcionalmente, no caso de que algunha circunstancia imposibilitase a obtención dos citados datos poderase solicitar ás persoas interesadas a presentación dos documentos correspondentes.
Resolución
Prazo de resolución: Cinco meses
Sentido do silencio: Negativo
Outras convocatorias ou publicacións
Procedementos e servizos relacionados
12/05/2020 00:00 - 29/05/2020 23:59 IG300A
Premios e axudas do Igape aos proxectos agrupados industria 4.0 en Galicia, cofinanciados polo Fondo Europeo de Desenvolvemento Rexional con cargo ao programa operativo Feder Galicia 2014-2020.
16/12/2021 00:00 - 21/02/2023 23:59 IG300D
Declaración de iniciativa empresarial prioritaria.
10/07/2021 00:00 - 30/09/2021 23:59 IG300E
Axudas a proxectos de dixitalización para facer fronte á situación provocada pola COVID-19 (programa Cheques Dixitalización COVID-19), susceptibles de ser financiadas no marco do eixo REACT-UE do programa operativo Feder Galicia 2014-2020 como parte da resposta da UE a pandemia COVID-19.
09/05/2024 08:00 - 16/09/2024 14:00 IG300F
Axudas á implantación de medidas para o avance no cumprimento de criterios Ambientais, Sociais e de Gobernanza (ASG) nas pemes galegas.
09/08/2022 00:00 - 15/09/2022 00:00 IG300G
Axudas á implantación da loxística avanzada e sustentable na Comunidade Autónoma de Galicia, susceptibles de ser financiadas no marco do programa operativo Feder Galicia 2014-2020
02/01/2024 08:00 - 02/02/2024 14:00 IG300H
Obradoiros multidisciplinares de dixitalizacion, sustentabilidade e loxistica avanzada.
