Orientámolo/a, paso a paso, para presentar unha solicitude no rexistro electrónico
MT500A - Inscrición no rexistro de ordenación do territorio e planeamento urbanístico de Galicia
Aberto todo o ano Obxecto
Aprobar o modelo normalizado de solicitudes de inscrición no Rexistro de Ordenación do Territorio e Planeamento Urbanístico de Galicia, previstas no Decreto 143/2016, do 22 de setembro, polo que se aproba o Regulamento da Lei 2/2016, do 10 de febreiro, do solo de Galicia.
A quen vai dirixido?
Entidades locais.
A onde acudir
Xunta de Galicia
Consellería de Vivenda e Planificación de Infraestruturas
Secretaría Xeral de Vivenda e Urbanismo
Dirección Xeral de Urbanismo
Subdirección Xeral de Apoio Xurídico e Xestión Económica
San Caetano, s/n
15781 Santiago de Compostela (Coruña, A)
Teléfono: 981544356/ 981544336
Órgano responsable
Subdirección Xeral de Apoio Xurídico e Xestión Económica
Normativa
Ámbito Autonómico
Lei 2/2016, do 10 de febreiro, do solo de Galicia (DOG nº 34 do 19 de febreiro de 2016).
Decreto 143/2016, do 22 de setembro, polo que se aproba o Regulamento da Lei 2/2016, do 10 de febreiro, do solo de Galicia (DOG nº 213 do 9 de novembro de 2016).
Orde do 10 de marzo de 2017 pola que se establecen os modelos normalizados de solicitudes para a inscrición, modificación e certificación de datos no Rexistro de Planeamento Urbanístico de Galicia, previstas no Decreto 143/2016, do 22 de setembro, polo que se aproba o Regulamento da Lei 2/2016, do 10 de febreiro, do solo de Galicia (DOG nº 63 do 30 de marzo de 2017).
Prazo
Prazo de presentación: Aberto todo o ano
Documentación para a presentación
1. As solicitudes presentaranse obrigatoriamente por medios electrónicos a través do formulario dispoñible na sede electrónica da Xunta de Galicia https://sede.xunta.gal.
2. De conformidade co artigo 68.4 da Lei 39/2015, do 1 de outubro, do procedemento administrativo común das Administracións Públicas, se algunha das persoas interesadas presenta a súa solicitude presencialmente, requiriráselle para que a emende a través da súa presentación electrónica. Para estes efectos, considerarase como data de presentación da solicitude aquela na que fose realizada a emenda.
3. Para a presentación electrónica poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e chave Chave 365 ( https://sede.xunta.gal/chave365).
4. As entidades interesadas deberán achegar coa solicitude a seguinte documentación:
a) Copia do plan en soporte dixital debidamente dilixenciado.
b) Documento que acredite a representación, de ser o caso.
De conformidade co artigo 28.3 da Lei 39/2015, do 1 de outubro, do procedemento administrativo común, non será necesario achegar os documentos que xa foran presentados anteriormente pola persoa interesada ante calquera Administración. Neste caso, a persoa interesada deberá indicar en que momento e ante que órgano administrativo presentou os ditos documentos, que serán recabados electronicamente a través das redes corporativas ou mediante consulta ás plataformas de intermediación de datos ou outros sistemas electrónicos habilitados ao efecto, agás que conste no procedemento a oposición expresa da persoa interesada.
5. As solicitudes de inscrición no Rexistro de Ordenación do Territorio e Planeamento Urbanístico deberán presentarse no prazo dun mes desde a aprobación definitiva do instrumento de planeamento.
No caso de que a solicitude non reúna os requisitos exixidos ou ben a documentación non sexa completa, requirirase ao concello para que proceda á súa emenda no prazo de un mes, con indicación de que, si así non o fixese, se lle terá por desistido na súa petición.
No prazo máximo de 10 días dende a recepción da documentación completa, remitirase ao concello o certificado acreditativo da inscrición.
6. A documentación complementaria deberá presentarse electronicamente. Se algunha das persoas interesadas presenta a documentación complementaria presencialmente, requiriráselle para que a emende a través da súa presentación electrónica. Para estes efectos, considerarase como data de presentación aquela na que fose realizada a emenda.
As persoas interesadas responsabilizaranse da veracidade dos documentos que presenten. Excepcionalmente, cando a relevancia do documento no procedemento o exixa ou existan dúbidas derivadas da calidade da copia, a Administración poderá solicitar de maneira motivada o cotexo das copias achegadas pola persoa interesada, para o que poderán requirir a exhibición do documento ou da información orixinal.
7. Sempre que se realice a presentación de documentos separadamente da solicitude deberase indicar o código e o órgano responsable do procedemento, o número de rexistro de entrada da solicitude e o número de expediente se se dispón del.
8. No caso de que algún dos documentos a presentar de forma electrónica superase os tamaños máximos establecidos ou tivera un formato non admitido pola sede electrónica da Xunta de Galicia, permitirase a presentación deste de forma presencial dentro dos prazos previstos e na forma indicada no número anterior. A información actualizada sobre o tamaño máximo e os formatos admitidos pode consultarse na sede electrónica da Xunta de Galicia.
TRÁMITES POSTERIORES
Todos os trámites administrativos que as persoas interesadas deban realizar trala presentación da solicitude deberán ser efectuados electronicamente accedendo á Carpeta cidadá da persoa interesada dispoñible na sede electrónica da Xunta de Galicia.
COMPROBACIÓN DE DATOS
1. Para a tramitación deste procedemento consultaranse automaticamente os datos incluídos nos seguintes documentos en poder da Administración actuante ou elaborados polas Administracións públicas agás que a persoa interesada se opoña á súa consulta:
a) DNI/NIE da persoa representante.
b) NIF da entidade solicitante.
2. No caso de que as persoas interesadas se opoñan á consulta, deberán indicalo no recadro correspondente habilitado no formulario correspondente e achegar os documentos.
Cando así o exixa a normativa aplicable solicitarase o consentimento expreso da persoa interesada para realizar a consulta.
3. Excepcionalmente, no caso de que algunha circunstancia imposibilitase a obtención dos citados datos, poderase solicitar ás persoas interesadas a presentación dos documentos correspondentes.
Procedementos e servizos relacionados
01/03/2024 00:00 - 01/03/2024 23:59 MT402B
Programa de axudas para actuacións de corrección de impactos paisaxísticos destinadas a concellos de Galicia.
Aberto todo o ano MT500B
Modificación de datos do rexistro de ordenación do territorio e planeamento urbanístico de Galicia.
Aberto todo o ano MT500C
Certificación de datos do rexistro de ordenación do territorio e planeamento urbanístico de Galicia.
15/03/2024 00:00 - 03/06/2024 23:59 VI406A
Subvencións do programa de infravivenda.
20/07/2022 00:00 - 19/10/2022 23:59 VI406H
Participación no Programa de axuda ás actuacións de rehabilitación a nivel de barrio, do Plan de Recuperación, Transformación e Resiliencia-financiado pola Unión Europea-NextgenerationEU.
15/03/2024 00:00 - 03/06/2024 23:59 VI422F
Subvencións para rehabilitar as edificacións e vivendas de titularidade municipal con destino ao alugueiro social.