Orientámolo/a, paso a paso, para presentar unha solicitude no rexistro electrónico
MR617E - Comunicación anual de datos ao rexistro de empresas do sector forestal de Galicia creado na Lei 7/2012, do 28 de xuño, de montes de Galicia.
Aberto todo o ano Obxecto
O artigo 102 da Lei 7/2012, de 28 de xuño, de montes de Galicia crea o Rexistro de Empresas do Sector Forestal, no que se inscribirán as cooperativas, as empresas e as industrias forestais, tanto as que realizan traballos forestais nos montes galegos como as industrias forestais con sede social na Comunidade Autónoma, incluíndo nestas as de serra, chapa, taboleiros, pasta, papel, biomasa forestal, pellets, cortiza, cogomelos, plantas aromáticas, pequenos froitos, castaña e as que fagan aproveitamento doutros recursos forestais. Devandito artigo expón que regulamentariamente se determinará a organización, o contido e o funcionamento do rexistro ao que fai referencia este artigo, así como as condicións que deban cumprir as empresas e as industrias para poder ser inscritas e a coordinación con outros rexistros de carácter estatístico ou industrial.
O artigo 103 da devandita norma establece que as cooperativas, as empresas de servizos, as de aproveitamentos dos diferentes recursos forestais, as industrias de primeira transformación forestal e as ganderías que sexan titulares de aproveitamentos de terreos forestais fornecerán anualmente á consellería competente en materia de montes, a efectos estatísticos, a información relativa á súa actividade, en particular a relacionada co consumo de produtos forestais e coa produción, transformación e comercialización dos produtos forestais e o emprego.
En adición, cabe destacar o Regulamento comunitario 995/2010 do Parlamento Europeo e do Consello, de 20 de outubro, sobre as obrigacións dos axentes que comercialicen madeira ou produtos de madeira no mercado comunitario.
Os obxectivos do devandito regulamento son, por unha banda, os de prohibir a comercialización no mercado comunitario de madeira de orixe ilegal e por outro esixir ao axente que comercializa madeira e os seus produtos derivados por vez primeira no mercado común que desenvolva un sistema de dilixencia debida que asegure a orixe legal da madeira. Para iso os axentes deben ou ben desenvolver un sistema de dilixencia debida ou ben acudir ao sistema de dilixencia debida que definan as entidades de supervisión.
A este respecto, o artigo 104 da Lei 7/2012, de 28 de xuño, de montes de Galicia, establece que os operadores inscritos no devandito Rexistro de Empresas do Sector Forestal entenderase que dispoñen dun sistema de debida dilixencia para a avaliación e a minimización de risco de entrada nos mercados de madeira e de produtos de madeira procedentes de tallas ilegais. A tal fin, a Administración forestal manterá un sistema de supervisión baseado no control e no seguimento da orixe dos aproveitamentos madeireiros que se realicen en Galicia mediante a información fornecida polas comunicacións, notificacións e autorizacións dos aproveitamentos madeireiros e leñosos e mediante o Rexistro de Empresas do Sector Forestal; a Administración forestal poderá realizar os controis oficiais pertinentes ás empresas de aproveitamento e comercialización da madeira e dos produtos da madeira, avaliando os riscos e propoñendo accións correctivas cando sexa necesario.
De conformidade co establecido no artigo 55.2 do Decreto 50/2014, o cumprimento do deber de comunicación anual dos datos constitúe un requisito previo imprescindible para que as cooperativas, empresas e industrias forestais poidan acollerse aos beneficios derivados dos programas de modernización e promoción, así como axudas, subvencións, préstamos e avais que poidan establecer ou tramitar os departamentos da Xunta de Galicia, os seus organismos autónomos, axencias públicas autonómicas, entidades públicas empresariais, consorcios autonómicos, fundacións do sector público autonómico e sociedades mercantís públicas autonómicas.
Entre outros fins, a comunicación anual de datos permite elaborar a estatística forestal, útil para o bo desempeño das competencias da Administración forestal e para ofrecer información detallada á cidadanía e, en particular, ao sector empresarial.
A quen vai dirixido?
Sector madeireiro.
Requisitos
Esta comunicación empregarase para:
1. Inscribir as cooperativas, as empresas e as industrias forestais, tanto as que realizan traballos forestais nos montes galegos como as industrias forestais con sede social na Comunidade Autónoma.
2. Efectuar a comunicación anual de datos estatísticos coa información relativa á súa actividade, en particular a relacionada co consumo de produtos forestais e coa produción, transformación e comercialización dos produtos forestais e o emprego.
3. Para os axentes que comercialicen madeira e produtos de madeira na Unión Europea, acollerse ao sistema de dilixencia debida da Administración forestal de Galicia, sistema de supervisión baseado no control e no seguimento da orixe dos aproveitamentos madeireiros que se realicen en Galicia.
4. Poder acollerse aos beneficios derivados dos programas de modernización e promoción, así como axudas, subvencións, préstamos e avais que poidan establecer ou tramitar os departamentos da Xunta de Galicia, os seus organismos autónomos, axencias públicas autonómicas, entidades públicas empresariais, consorcios autonómicos, fundacións do sector público autonómico e sociedades mercantís públicas autonómicas.
A onde acudir
Xunta de Galicia
Consellería do Medio Rural
Dirección Xeral de Planificación e Ordenación Forestal
Subdirección Xeral de Recursos Forestais
Servizo de Propiedade Forestal
San Lázaro, s/n
15703 Santiago de Compostela (Coruña, A)
Teléfono: 981546077
Órgano responsable
Servizo de Propiedade Forestal
Normativa
Ámbito Autonómico
Lei 7/2012, do 28 de xuño, de montes de Galicia (DOG nº 140 do 23 de xullo de 2012).
Decreto 50/2014, do 10 de abril, polo que se regulan os aproveitamentos madeireiros e leñosos, de cortiza, de pastos e micolóxicos en montes ou terreos forestais de xestión privada na Comunidade Autónoma de Galicia e o contido, organización e funcionamento do Rexistro de Empresas do Sector Forestal (DOG nº 86 do 7 de maio de 2014).
Corrección de erros. Decreto 50/2014, do 10 de abril, polo que se regulan os aproveitamentos madeireiros e leñosos, de cortiza, de pastos e micolóxicos en montes ou terreos forestais de xestión privada na Comunidade Autónoma de Galicia e o contido, organización e funcionamento do Rexistro de Empresas do Sector Forestal (DOG nº 87 do 8 de maio de 2014).
Ámbito Estatal
Lei 43/2003, de 21 de novembro, de Montes (BOE nº 280 de 22 de novembro de 2003).
Desde a opción "Tramitar en liña" poderá:
- Acceder ao formulario para realizar a presentación electrónica da comunicación de alta, modificación ou baixa no Rexistro de Empresas do Sector Forestal (RESFOR)
- Acceder ao formulario da "Comunicación anual de datos", no caso de que xa teña o seu establecemento rexistrado no Rexistro de Empresas do Sector Forestal (RESFOR)
Se ten dúbidas sobre a presentación deste procedemento, pode consultar esta Guía rápida de presentación.
Tamén pode consultar estes videotitoriais sobre:
Prazo
Prazo de presentación: ABERTO
* Consultar o último parágrafo do apartado documentación.
Documentación para a presentación
-
Comunicación segundo o anexo XIV do Decreto 50/2014.
-
A presentación da comunicación realizarase unicamente por medios electrónicos a través do formulario dispoñible na sede electrónica da Xunta de Galicia, https://sede.xunta.es, de conformidade co establecido nos artigos 52.2 e 55.1 do Decreto 50/2014, o establecido nos artigos 27.6 da Lei 11/2007, do 22 de xuño, de acceso electrónico dos cidadáns aos servizos públicos, e 24.2 do Decreto 198/2010, do 2 de decembro, polo que se regula o desenvolvemento da Administración electrónica na Xunta de Galicia e nas entidades dela dependentes.
Para a presentación das solicitudes será necesario o Documento Nacional de Identidade electrónico ou calquera dos certificados electrónicos recoñecidos pola sede da Xunta de Galicia
-
*A inscrición no rexistro está aberta todo o ano.
Para os entes provedores de materiais forestais de reprodución, a comunicación anual de datos efectuarase no último trimestre do ano e referirase aos datos do período que abarca do 1 de xullo do ano anterior á comunicación ata o 30 de xuño do ano no que se realiza a comunicación.
Para o resto, a comunicación anual de datos referirase a un ano natural e efectuarase no primeiro trimestre do ano seguinte.
Anexos asociados
Procedementos e servizos relacionados
Aberto todo o ano MR610A
Autorización para a utilización do lume na eliminación de restos de aproveitamentos forestais ou selvícolas en zonas de especial risco de incendios forestais (ZER).
Aberto todo o ano MR612A
Procedemento de alleamento de aproveitamento madeireiro.