- Regular o procedemento e os prazos para a solicitude da exención.

Deberes do alumnado exento.

1. A exención suporá a consignación de exento nos documentos oficiais de avaliación do alumnado.

2. O alumnado terá que asistir ás aulas como medio de integración lingüística e coa finalidade de que co seu esforzo persoal, con materiais didácticos específicos e cunha axuda continua do seu profesorado poida ter, ao remate do prazo da exención, un dominio adecuado da lingua galega, e seguir as ensinanzas propias do nivel no que estea ou vaia matricularse, en igualdade de condicións que os demais compañeiros ou compañeiras da clase.

3. O incumprimento por parte do alumno ou da alumna do establecido no punto anterior determinará a revogación da exención, logo dos informes pertinentes e oída a persoa interesada ou, de ser o caso, os seus proxenitores, titores ou titoras ou representantes legais.

4. A revogación ou denegación da exención producirán como efecto para o alumnado a obriga de ser cualificado nas avaliacións parciais e finais ao final do curso no que se atope.

5. Nos respectivos documentos oficiais de avaliación farase constar a exención concedida e, de ser o caso, a posible revogación e a conseguinte cualificación.

2. Que o alumnado de nova incorporación proceda doutras comunidades autónomas ou dun país estranxeiro.

3. Que a incorporación ex novo ao sistema educativo de Galicia se produza no terceiro ciclo de educación primaria, na educación secundaria obrigatoria ou no bacharelato.

• Solicitude segundo o Anexo I desta orde.

• A solicitude da exención da materia de lingua galega deberá presentarse en soporte papel por calquera dos medios establecidos no artigo 38.4 da Lei 30/1992, do 26 de novembro, de rexime xurídico das administracións públicas e do procedemento administrativo común, utilizando o formulario normalizado que figura como anexo I desta orde, dispoñible na sede electrónica da Xunta de Galicia, https://sede.xunta.es. A referida solicitude irá asinada polo alumno ou pola alumna solicitante ou polo seu pai, nai, titor, titora ou pola persoa que teña a súa representación legal, se e menor de idade, e nela exporanse as razóns polas que se solicita a exención.

  Para o caso de enviala por correo, o envío deberá ser certificado, co selo de correos na primeira folla do formulario para garantir que a data de remisión e anterior ao remate do prazo de presentación de solicitudes.

• *Prazos de presentación da solicitude da exención.

  - Do 1 de setembro de cada ano e rematará o 5 de outubro de cada ano para o alumnado dos centros de educación primaria, secundaria obrigatoria e o 20 de outubro de cada ano para os dos centros de bacharelato.

  - Traslado de matrícula: vinte días seguintes á incorporación da persoa interesada ao novo centro.

  - Alumnado que se matricule en ensinanzas de persoas adultas (ensinanzas básicas iniciais, educación secundaria ou bacharelato): vinte días seguintes á presentación da súa solicitude de matrícula.

  - Probas libres para a obtención do título de graduado en educación secundaria para maiores de dezaoito anos, ou a proba para a obtención do título de bacharel para maiores de vinte anos: a presentación da solicitude de exención presentarase simultaneamente á presentación da solicitude de inscrición nas probas libres, nos prazos que estableza a normativa que as regula.

Prazo de resolución: 10 días hábiles a partir da presentación da documentación completa

Sentido do silencio: Positivo