2. Para solicitar a cualificación definitiva será requisito necesario estar en posesión da cualificación provisional.

coa solicitude ou, de ser o caso, á memoria subscrita polo/a técnico/a competente.

O proxecto ou a memoria técnica deberá conter todas as especificacións que xustifiquen

a rehabilitación do edificio ou vivenda, así como un resumo en capítulos dos tipos de obra

que se vaia executar, sinalando o seu importe. No suposto de que as obras supoñan unha

mellora da eficiencia enerxética, deberá especificarse a porcentaxe da dita mellora respecto

da situación de partida.

O proxecto ou memoria técnica deberá conter, ademais, os seguintes datos do edificio:

situación, número de vivendas e locais, superficie construída sobre rasante, superficie

sobre rasante con uso residencial e unha reportaxe fotográfica das obras que se vaian

realizar.

As actuacións que se vaian executar deberán especificarse de conformidade coa desagregación

establecida no modelo de solicitude que se xunta como anexo II.

2. No caso de realizarse actuacións en edificios de tipoloxía residencial colectiva, será

requisito necesario contar co correspondente informe de avaliación, cuxo contido debe

axustarse ao modelo tipo previsto no anexo II do Real decreto 233/2013, do 5 de abril, así

como co acordo validamente adoptado da comunidade de propietarios/as ou agrupación

de comunidades de propietarios/as.

3. Todas as actuacións deberán dispor de licenza municipal ou, de ser o caso, someterse

ao réxime de intervención municipal de comunicación previa, así como dispoñer de

todas as autorizacións sectoriais preceptivas.

4. As actuacións de rehabilitación deberán terse iniciado con posterioridade á data de

entrada en vigor do Plan estatal 2013-2016 e en ningún caso deberán estar finalizadas na

data da publicación desta orde.

5. O prazo máximo de execución e xustificación do pagamento das obras será o 31 de

outubro de 2016.

6. As actuacións protexibles incluirán, para os efectos da determinación do custo total

das obras, os honorarios dos profesionais que interveñan, os informes técnicos e certificados

necesarios, os gastos derivados da tramitación administrativa e calquera outro gasto

derivado da actuación, sempre que todos eles estean debidamente xustificados. No custo

total das obras non se incluirán os gastos derivados de impostos, taxas e tributos.

7. O custo protexible subvencionable das obras, incluíndo os gastos sinalados no número

anterior, non poderán superar os custos medios do mercado que correspondan a tales

actuacións, os cales se determinarán de conformidade coa última edición publicada da

Base de prezos da construción de Galicia 2011 ou normativa que a substitúa.

• 1. Xunto coa solicitude de cualificación definitiva deberá achegarse a seguinte documentación:

• a) DNI da persoa solicitante ou do representante, para o suposto de non ter autorizado

  a súa consulta.

• b) Reportaxe fotográfica que amose as obras realizadas.

• c) Memoria en que se describan as actuacións realizadas e en que se xustifique, de ser

  o caso, o aforro enerxetico derivado da actuación.

• d) Facturas das persoas provedoras que participaron na execucións das obras, que deberán

  reflectir de xeito desagregado o seu importe e a súa descrición conforme o anexo VII.

• e) Documentos bancarios acreditativos do pagamento das facturas presentadas. Non

  se admitirán pagamentos en efectivo nin se admitirán como xustificantes os obtidos a traves

  da rede internet, se non están validados pola entidade bancaria ou non dispoñen de

  códigos de verificación na sede electrónica da dita entidade bancaria. Excepcionalmente,

  admitirase o recibín do provedor para gastos por importes inferiores a 1.000 euros.

• f) Licenzas e/ ou autorizacións preceptivas.

• g) Certificado do inicio das obras, no caso de non ter iniciadas as obras con anterioridade

  á resolución desta orde, emitido polo/a tecnico/a responsable da obra ou, de ser o caso,

  pola empresa contratista.

• h) Certificado do remate das obras e, de ser o caso, certificado de instalacións termicas,

  electricas ou da posta en marcha de ascensor tramitado ante a Consellería de Economía,

  Emprego e Industria.

• i) Certificado emitido pola empresa que executou as obras, en que se recolla o seu

  nome, enderezo e NIF.

• l) Copia de, polo menos, tres ofertas de diferentes provedores, no suposto de que o importe

  do custo que se vai executar supere a contía de 30.000 €. A elección entre as ofertas

  presentadas realizarase conforme criterios de eficiencia e economía. Deberase xustificar

  expresamente nunha memoria a elección cando non recaia na proposta económica máis

  vantaxosa, nos termos establecidos no artigo 29.3 da Lei 9/2007, do 13 de xuño.

• Solicitude
• Anexo VII
• Anexo III

Prazo de resolución: Dous meses, a contar desde a data da presentación da solicitude da cualificación definitiva

Sentido do silencio: Negativo