Orientámolo/a, paso a paso, para presentar unha solicitude no rexistro electrónico
SA440A - Inicio de actividade, modificación de datos declarados ou cesamento total de actividade dunha empresa funeraria, tanatorio, velorio ou crematorio actividade dunha empresa funeraria, tanatorio, velorio ou crematorio.
Aberto todo o ano A Xunta de Galicia pon á disposición da cidadanía unha serie de catálogos que serven de guía e recollen de forma clara e por orde cronolóxica todos os trámites administrativos exixibles e as actuacións necesarias para a implantación das iniciativas empresariais.
Pode obter máis información sobre esta figura na Oficina Galicia Empresa.
Acceda ao catálogo relacionado coa súa iniciativa premendo sobre esta ligazón.
Obxecto
A sanidade mortuoria, coma parte integrante da actividade das administracións públicas en materia de saúde, comprende:
a) A regulación de toda clase de prácticas sanitarias sobre cadáveres ou restos, agás as actividades relacionadas coa obtención de órganos, tecidos e pezas anatómicas de persoas doadoras falecidas e as autopsias clínicas ou xudiciais, que se rexerán pola súa normativa específica.
b) As normas sanitarias de exposición, trasporte, cremación, inhumación, exhumación e reinhumación.
c) As condicións técnico-sanitarias que deben reunir as empresas funerarias, tanatorios, velorios e crematorios.
d) As condicións técnico-sanitarias que teñen que cumprir os cemiterios e lugares especiais de enterramento.
e) A función inspectora e a potestade sancionadora para o caso do incumprimento da normativa vixente na materia.
f) A creación do censo de empresas e establecementos funerarios de Galicia.
A quen vai dirixido?
Empresas do sector funerario.
Requisitos
1. Sen prexuízo da comunicación prevista nos artigos 24 e seguintes da Lei 9/2013, do 19 de decembro, do emprendemento e da competitividade económica de Galicia, as persoas titulares das empresas funerarias, tanatorios ou velorios presentarán ante a correspondente xefatura territorial da consellería competente en materia de sanidade, antes do inicio da actividade na Comunidade Autónoma de Galicia, a declaración responsable do cumprimento dos requisitos establecidos neste decreto de conformidade co modelo establecido no anexo V (SA440A). Do mesmo xeito, procederase a comunicar calquera variación nas circunstancias ou datos previamente declarados, como o caso da modificación ou o cesamento total da actividade.
2. As empresas que se atopen legalmente establecidas noutro lugar do territorio nacional non terán a obriga de presentar a declaración responsable, agás que teñan algún establecemento en Galicia. Neste último caso deberán presentar unha declaración responsable por cada establecemento que teñan en Galicia conforme o modelo previsto no anexo V.
3. A presentación da declaración responsable de conformidade co modelo establecido no anexo V (SA440A), cumprindo con todos os requisitos, así como o pagamento da taxa correspondente, habilita para o inicio da actividade ou a apertura do establecemento, e faculta a Administración pública para verificar a conformidade dos datos contidos naquela declaración responsable.
4. A inexactitude, falsidade ou omisión, de carácter esencial de calquera dato ou información que se incorpore á declaración responsable ou a non presentación da documentación que, se é o caso, sexa requirida para acreditar o cumprimento do declarado, determinarán a imposibilidade de continuar co exercicio da actividade desde o momento que se teña constancia dos ditos feitos, sen prexuízo das responsabilidades penais, civís ou administrativas nas que se poida incorrer.
A onde acudir
Xunta de Galicia
Consellería de Sanidade
Dirección Territorial da Consellería de Sanidade de A Coruña
Servizo de Control de Riscos Ambientais de A Coruña
R/ Durán Loriga, 3-7ª
15003 Coruña, A (Coruña, A)
Teléfono: 981155832
Fax: 981155813
Xunta de Galicia
Consellería de Sanidade
Dirección Territorial da Consellería de Sanidade de Lugo
Servizo de Control de Riscos Ambientais de Lugo
Montevideo, 9
27001 Lugo (Lugo)
Teléfono: 982292087
Fax: 982292128
Xunta de Galicia
Consellería de Sanidade
Dirección Territorial da Consellería de Sanidade de Ourense
Servizo de Control de Riscos Ambientais de Ourense
Avda. Zamora, 13
32005 Ourense (Ourense)
Teléfono: 988066325
Fax: 988066331
Xunta de Galicia
Consellería de Sanidade
Dirección Territorial da Consellería de Sanidade de Pontevedra
Servizo de Control de Riscos Ambientais de Pontevedra
R/Fernández Ladreda, 43-1º
36003 Pontevedra (Pontevedra)
Teléfono: 986885878
Fax: 986505610
Órgano responsable
Dirección Xeral de Saúde Pública
Normativa
Ámbito Autonómico
Decreto 129/2023, do 31 de agosto, de sanidade mortuoria de Galicia (DOG nº 177 do 18 de setembro de 2023).
Corrección de erros. Decreto 129/2023, do 31 de agosto, de sanidade mortuoria de Galicia (DOG nº 187 do 2 de outubro de 2023).
A Xunta de Galicia pon á disposición da cidadanía unha serie de catálogos que serven de guía e recollen de forma clara e por orde cronolóxica todos os trámites administrativos exixibles e as actuacións necesarias para a implantación das iniciativas empresariais.
Pode obter máis información sobre esta figura na Oficina Galicia Empresa.
Acceda ao catálogo relacionado coa súa iniciativa premendo sobre esta ligazón.
Prazo
Prazo de presentación: ABERTO
O presente Decreto entrará en vigor ao mes da súa publicación no Diario Oficial de Galicia (a partir do 18 de outubro de 2023).
Información de taxas
Este procedemento está suxeito ao pago dunha taxa. A continuación móstrase a listaxe de taxas aplicables:
- Declaración responsable do inicio de actividade dunha empresa funeraria, tanatorio, velorio ou crematorio (Código taxa: 31.53.01)
- Declaración responsable de modificación de datos o cese total de actividades de una empresa funeraria, tanatorio, velatorio o crematorio (Código taxa: 31.53.02)
Pode realizar o pago destas taxas na sede electrónica como un dos pasos da tramitación en liña.
Documentación para a presentación
Declaración responsable segundo o Anexo V.
Comprobación de datos .
1. En relación coas declaracións responsables, solicitudes e comunicacións previstas neste decreto consultaranse automaticamente os datos incluídos nos seguintes documentos en poder da Administración actuante ou elaborados polas administracións pública, agás que a persoa interesada se opoña á súa consulta:
a) DNI/NIE da persoa declarante, solicitante ou comunicante.
b) DNI/NIE da persoa representante.
c) NIF da entidade declarante, solicitante ou comunicante.
2. No caso de que as persoas interesadas se opoñan á consulta, deberán indicalo no recadro correspondente habilitado no formulario e achegar unha copia dos documentos. Cando así o exixa a normativa aplicable, solicitarase o consentimento expreso da persoa interesada para realizar a consulta.
3. Excepcionalmente, no caso de que algunha circunstancia imposibilitase a obtención dos citados datos, poderase solicitar ás persoas interesadas a presentación dunha copia dos documentos correspondentes.
Trámites administrativos posteriores á presentación de declaración responsable, solicitudes ou comunicacións .
A sede electrónica da Xunta de Galicia permite as persoas interesadas realizar trámites electrónicos, con posterioridade ao inicio do expediente, accedendo á Carpeta cidadá da persoa interesada. Cando as persoas interesadas non resulten obrigadas á presentación electrónica tamén poderán realizarse os ditos trámites presencialmente en calquera dos lugares e rexistros establecidos na normativa reguladora do procedemento administrativo común.
A Xunta de Galicia pon á disposición da cidadanía unha serie de catálogos que serven de guía e recollen de forma clara e por orde cronolóxica todos os trámites administrativos exixibles e as actuacións necesarias para a implantación das iniciativas empresariais.
Pode obter máis información sobre esta figura na Oficina Galicia Empresa.
Acceda ao catálogo relacionado coa súa iniciativa premendo sobre esta ligazón.
Outras convocatorias ou publicacións
Procedementos e servizos relacionados
Aberto todo o ano SA441A
Traslado mortuorio.
Aberto todo o ano SA441B
Exposición de cadáveres do grupo III en lugares públicos
