Orientámolo/a, paso a paso, para presentar unha solicitude no rexistro electrónico
PR954A - Convenios coas federacións deportivas galegas para a realización de programas de promoción e desenvolvemento.
Aberto todo o ano Obxecto
O obxecto da presente resolución é establecer o procedemento co código PR954A para presentación de documentación requirida nos convenios de colaboración entre a Secretaría Xeral para o Deporte e as federacións deportivas galegas para a realización dos programas de promoción e desenvolvemento das súas modalidades deportivas.
A quen vai dirixido?
Federacións deportivas galegas.
Requisitos
Os/as solicitantes deberán figurar inscritos no Rexistro de Entidades Deportivas de Galicia como federación deportiva galega, de acordo co establecido na sección 3ª do capítulo II, do título IV, da Lei 3/2012, do 2 de abril, do deporte de Galicia.
A onde acudir
Xunta de Galicia
Vicepresidencia Primeira e Consellería de Presidencia, Xustiza e Deportes
Secretaría Xeral para o Deporte
Rúa de Madrid, 2-4, 2º andar (Fontiñas)
15781 Santiago de Compostela (Coruña, A)
Teléfono: 881996362
Fax: 881996368
Email: programas.deportes@xunta.gal
Órgano responsable
Secretaría Xeral para o Deporte
Normativa
Ámbito Autonómico
Resolución do 26 de xaneiro de 2018, da Secretaría Xeral para o Deporte, pola que se establece o formulario de presentación de documentación do procedemento dos convenios de colaboración coas federacións deportivas galegas para a realización dos programas de promoción e desenvolvemento das súas modalidades deportivas (DOG nº 28 do 8 de febreiro de 2018).
Prazo
Prazo de presentación: Aberto todo o ano
Esta resolución entrará en vigor o día seguinte ao da súa publicación no Diario Oficial de Galicia.
Documentación para a presentación
- As solicitudes presentaranse obrigatoriamente por medios electrónicos a través do formulario normalizado PR954A dispoñible na sede electrónica da Xunta de Galicia, https://sede.xunta.gal
Se algunha das persoas interesadas entrega a súa solicitude presencialmente, requiriráselle para que a emende a través da súa presentación electrónica. Para estes efectos, considerarase como data de presentación da solicitude aquela na que fose realizada a emenda.
Para a presentación das solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.es/chave365).
- Documentación necesaria para a tramitación do procedemento.
Para a sinatura dos convenios obxecto desta resolución as persoas representantes das federacións deportivas galegas deberán presentar o anexo I, documento de solicitude, establecido para o procedemento PR954A dispoñible na sede electrónica da Xunta de Galicia, https://sede.xunta.gal
- Comprobación de datos no procedemento administrativo.
1. Non será necesario achegar os documentos que xa foran presentados anteriormente. Para estes efectos, a persoa interesada deberá indicar en que momento e ante que órgano administrativo presentou os citados documentos. Presumirase que esta consulta é autorizada polas persoas interesadas, salvo que conste no procedemento a súa oposición expresa.
Nos supostos de imposibilidade material de obter o documento, o órgano competente poderá requirirlle á persoa interesada a súa presentación, ou, no seu defecto, a acreditación por outros medios dos requisitos a que se refire o documento, con anterioridade á formulación da proposta de resolución.
2. A documentación complementaria deberá presentarse electronicamente. As persoas interesadas responsabilizaranse da veracidade dos documentos que presenten. Excepcionalmente, a Administración poderá requirir a exhibición do documento orixinal para o cotexo da copia electrónica presentada.
Se algunha das persoas interesadas entrega a documentación complementaria presencialmente, requiriráselle para que a emende a través da súa presentación electrónica. Para estes efectos, considerarase como data de presentación aquela na que fose realizada a emenda.
3. Sempre que se realice a presentación de documentos separadamente da solicitude, deberase indicar o código e o órgano responsable do procedemento, o número de rexistro de entrada da solicitude e o número de expediente se se dispón del.
4. No caso de que algún dos documentos que se vaian presentar de forma electrónica superase os tamaños máximos establecidos ou tivese un formato non admitido pola sede electrónica da Xunta de Galicia, permitirase a presentación deste de forma presencial dentro dos prazos previstos e na forma indicada no parágrafo anterior. A información actualizada sobre o tamaño máximo e os formatos admitidos pode consultarse na sede electrónica da Xunta de Galicia.
- Comprobación de datos.
1. Para a tramitación deste procedemento consultaranse automaticamente os datos incluídos nos seguintes documentos elaborados polas administracións públicas:
- a) DNI o NIE da persoa representante.
- b) NIF da entidade.
- c) Certificado de estar ao día do cumprimento das obrigas tributarias coa AEAT.
- d) Certificado de estar ao día do cumprimento das obrigas fronte á Seguridade Social.
- e) Certificado de non ter pendente de pagamento ningunha outra débeda coa Administración pública da Comunidade Autónoma.
2. No caso de que as persoas interesadas se opoñan a esta consulta, deberán indicalo no recadro correspondente habilitado no formulario de inicio e achegar os documentos.
3. Excepcionalmente, no caso de que algunha circunstancia imposibilitase a obtención dos citados datos, poderase solicitar ás persoas interesadas a presentación dos documentos correspondentes.
Outras convocatorias ou publicacións
Procedementos e servizos relacionados
Aberto todo o ano 14/07/2023 00:00 - 14/08/2023 23:59 27/07/2018 00:00 - 27/08/2018 23:59