Orientámolo/a, paso a paso, para presentar unha solicitude no rexistro electrónico
PR805A - Inscrición no rexistro galego de axentes de cooperación para o desenvolvemento.
Aberto todo o ano Obxecto
O presente decreto ten por obxecto a sistematización, regulación e actualización das disposicións normativas en materia de cooperación para o desenvolvemento da Comunidade Autónoma de Galicia, de conformidade coa Constitución española e co Estatuto de autonomía de Galicia así como coa Lei 3/2003, do 19 de xuño, de cooperación para o desenvolvemento, en consonancia coas respectivas competencias dá Administración xeral do Estado e da Comunidade Autónoma de Galicia.
A quen vai dirixido?
Axentes de cooperación.
Requisitos
a) Non ter ánimo de lucro.
b) Que nos seus estatutos establézase entre os fins da entidade algún dos obxectivos e fins definidos no artigo 2 da Lei 3/2003.
Así mesmo, as entidades inscritas no rexistro non poderán manter unha relación xurídica de dependencia con ningunha administración pública ou entidades do sector público. Presumirase esta relación de dependencia cando nos seus órganos de goberno estean formados en máis dun 30 por 100 por persoas que actúen en representación de administracións públicas ou entidades do sector público.
A onde acudir
Xunta de Galicia
Consellería de Presidencia, Xustiza e Deportes
Dirección Xeral de Relacións Exteriores e coa Unión Europea
Subdirección Xeral de Cooperación Exterior
Rúa do Horreo, 61, 2º andar
15701 Santiago de Compostela (Coruña, A)
Email: cooperacion.exterior@xunta.gal
Órgano responsable
Subdirección Xeral de Cooperación Exterior
Normativa
Ámbito Autonómico
Decreto 29/2017, do 9 de marzo, de cooperación para o desenvolvemento (DOG nº 58 do 23 de marzo de 2017).
Prazo
Prazo de presentación: Aberto todo o ano
O presente decreto entrará en vigor aos vinte (20) días da súa publicación no Diario Oficial de Galicia e o prazo de presentación de solicitudes comezará o día 12 de abril de 2017.
Documentación para a presentación
-
Solicitude segundo o Anexo I.
-
Documento acreditativo do pago da taxa correspondente.
-
Copia do nomeamento da persoa representante legal da entidade.
-
Copia do nomeamento da persoa representante en Galicia.
-
Acordo de creación da entidade se é a primeira inscrición en calquera rexistro das Administracións públicas.
-
Estatutos da entidade ou documento que acredite a súa personalidade xurídica.
-
Acreditación de ter o seu domicilio social ou delegación en Galicia.
-
Certificación da representación legal en relación a aprobación, se é o caso, das contas anuais así como copia destas.
-
Certificado de inscrición no rexistro correspondente, se é o caso.
-
Declaración responsable que inclúa descrición das actividades da entidade e, se é o caso, axudas recibidas destinadas á cooperación internacional.
-
Memoria anual correspondente ao último ano de actividade, se é o caso, que inclúa, no caso das entidades empresariais, as accións realizadas pola empresa en materia ambiental, social ou laboral e de cooperación para o desenvolvemento.
-
A solicitude de inscrición no rexistro deberá presentarse por vía electrónica a través do formulario normalizado dispoñible na sede electrónica da Xunta de Galicia (https://sede.xunta.gal), de acordo co establecido na normativa reguladora do procedemento administrativo. Para a presentación das solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, de acordo co previsto na normativa reguladora do procedemento administrativo, incluído o sistema de usuario e clave Chave365 (https://sede.xunta.es/chave365).
-
A documentación complementaria presentarase por vía electrónica utilizando calquera procedemento de copia dixitalizada do documento orixinal. Neste caso, as copias dixitalizadas presentadas garantirán a fidelidade co orixinal baixo a responsabilidade da persoa solicitante ou representante. A Administración poderá requirir a exhibición do documento orixinal para o cotexo da copia electrónica presentada segundo o disposto na normativa reguladora do procedemento administrativo. As copias dos documentos gozarán da mesma validez e eficacia que os seus orixinais sempre que exista constancia de que sexan auténticas.
Resolución
Prazo de resolución: Tres meses
Sentido do silencio: Positivo
Procedementos e servizos relacionados
23/05/2024 00:00 - 24/06/2024 23:59 PR803D
Axudas aos axentes de cooperación para execución de proxectos de cooperación para o desenvolvemento no exterior.
28/06/2024 00:00 - 29/07/2024 23:59 PR804A
Axudas ás ONGD para execución de proxectos de educación para o desenvolvemento e a cidadanía global.
