Orientámolo/a, paso a paso, para presentar unha solicitude no rexistro electrónico
PR486C - Distribución do fondo adicional ao fondo de cooperación local destinado a concellos para participación en comunidades enerxéticas.
Convocatoria 2023
Prazo pechado: 05/05/2023 00:00 - 05/06/2023 23:59
Prazo pechado: 05/05/2023 00:00 - 05/06/2023 23:59Obxecto
A distribución da dotación do fondo adicional ao Fondo de Cooperación Local prevista na alínea i) do artigo 59.catro da Lei 6/2022, do 27 de decembro, de orzamentos xerais da Comunidade Autónoma de Galicia para 2023 (DOG núm. 248, do 30 de decembro), destinada a concellos de Galicia, para o financiamento da súa participación en proxectos de creación e desenvolvemento de comunidades enerxéticas que contribúan á integración das enerxías renovables na actividade local e incrementen a participación destas no consumo final de electricidade, da calefacción e do transporte.
A quen vai dirixido?
Concellos de Galicia.
Requisitos
Poderán ser destinatarios da dotación do fondo adicional ao Fondo de Cooperación Local a que fai referencia esta orde os concellos de Galicia que cumpran os seguintes requisitos:
a) Ter remitida a conta xeral do exercicio 2021 ao Consello de Contas de Galicia.
b) Que vaian promover ou participar nunha comunidade de enerxías renovables, nos termos establecidos no artigo 6.1.j) da Lei 24/2013, do 26 de decembro, do sector eléctrico.
A onde acudir
Xunta de Galicia
Vicepresidencia Primeira e Consellería de Presidencia, Xustiza e Deportes
Dirección Xeral de Administración Local
Rúa Madrid, nº 2-4, 2º andar
15781 Santiago de Compostela (Coruña, A)
Teléfono: 981546211
Email: administracionlocal@xunta.gal
Órgano responsable
Dirección Xeral de Administración Local
Normativa
Ámbito Autonómico
Orde do 19 de abril de 2023 pola que se establecen os criterios de distribución do fondo adicional ao Fondo de Cooperación Local destinado aos concellos de Galicia para a participación en proxectos técnicos de creación e desenvolvemento de comunidades enerxéticas, previsto no artigo 59.catro da Lei de orzamentos xerais da Comunidade Autónoma de Galicia para 2023 (DOG nº 85 do 4 de maio de 2023).
Prazo
Prazo de presentación: PECHADO
05/05/2023 00:00 - 05/06/2023 23:59
O prazo de presentación de solicitudes será dun mes, contado a partir do día seguinte ao da publicación desta orde no Diario Oficial de Galicia. Entenderase como último día do prazo o correspondente ao mesmo ordinal do día da publicación. Se o último día do prazo é inhábil, entenderase prorrogado ao primeiro día hábil seguinte e, se no mes de vencemento non hai día equivalente ao da publicación, entenderase que o prazo expira o último día do mes.
Documentación para a presentación
Solicitudes .
1. Para poder recibir a achega regulada nesta orde, os concellos interesados presentarán unha solicitude dirixida á Dirección Xeral de Administración Local, segundo o modelo que figura como anexo a esta orde.
2. Cada concello só poderá presentar unha única solicitude. Cando o órgano tramitador observe que un concello presenta máis dunha solicitude porallo de manifesto para que, no prazo máximo de dez días, poida desistir da solicitude ou solicitudes necesarias para dar cumprimento ao establecido neste artigo.
De non se ter recibido comunicación da desistencia dentro do prazo establecido, inadmitiranse todas as solicitudes presentadas polo concello.
3. As solicitudes presentaranse obrigatoriamente por medios electrónicos a través do formulario normalizado dispoñible na sede electrónica da Xunta de Galicia: https://sede.xunta.gal
4. De conformidade co artigo 68.4 da Lei 39/2015, do 1 de outubro, do procedemento administrativo común das administracións públicas, se algunha das persoas interesadas presenta a súa solicitude presencialmente, será requirida para que a emende a través da súa presentación electrónica. Para estes efectos, considerarase como data de presentación da solicitude aquela en que sexa realizada a emenda.
5. Para a presentación electrónica poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365).
Documentación que acompaña a solicitude .
1. Os concellos interesados deberán presentar co anexo de solicitude, debidamente cuberto, a seguinte documentación:
a) Certificado da persoa secretaria do concello en que faga constar o acordo do órgano competente da entidade local polo cal se solicita a achega ao abeiro desta orde e se aceptan as condicións de financiamento e demais requisitos establecidos nela para o proxecto técnico de creación e desenvolvemento dunha comunidade enerxética.
Este acordo deberá estar adoptado antes do vencemento do prazo de presentación de solicitudes e nel constará expresamente que se aceptan as condicións de financiamento e demais requisitos establecidos na orde.
b) Unha memoria explicativa do proxecto de comunidade enerxética.
c) O orzamento detallado das actuacións financiables.
2. A documentación complementaria deberá presentarse electronicamente. Se algunha das persoas interesadas achega a documentación complementaria presencialmente, será requirida para que a emende a través da súa presentación electrónica. Para estes efectos, considerarase como data de presentación aquela en que sexa realizada a emenda.
3. As persoas interesadas responsabilizaranse da veracidade dos documentos que presenten. Excepcionalmente, cando a relevancia dun documento no procedemento o exixa ou existan dúbidas derivadas da calidade da copia, a Administración poderá solicitar de maneira motivada o cotexo das copias achegadas pola persoa interesada, para o que poderá requirir a exhibición do documento en cuestión ou da información orixinal.
4. Sempre que se realice a presentación de documentos separadamente da solicitude, deberase indicar o código e o órgano responsable do procedemento, o número de rexistro de entrada da solicitude e o número de expediente, se se dispón del.
5. No caso de que algún dos documentos que se presente de forma electrónica supere os tamaños máximos establecidos ou teña un formato non admitido pola sede electrónica da Xunta de Galicia, permitirase a presentación deste de forma presencial dentro dos prazos previstos e na forma indicada no parágrafo anterior. A información actualizada sobre o tamaño máximo e os formatos admitidos pode consultarse na sede electrónica da Xunta de Galicia.
Trámites administrativos posteriores á presentación de solicitudes .
Todos os trámites administrativos que as persoas interesadas deban realizar tras a presentación da solicitude deberán ser efectuados electronicamente accedendo á Carpeta cidadá da persoa interesada, dispoñible na sede electrónica da Xunta de Galicia.
Resolución
Prazo de resolución:
Tres meses
Sentido do silencio:
Negativo
Procedementos e servizos relacionados
28/01/2023 00:00 - 27/02/2023 23:59 20/01/2023 00:00 - 20/02/2023 23:59 18/02/2023 00:00 - 17/03/2023 23:59 18/01/2023 00:00 - 17/02/2023 23:59 28/06/2016 00:00 - 27/07/2016 23:59