Este procedemento será o utilizado polos titulares de establecementos de hostalería para solicitar a realización de cambios nas autorizacións de instalación e localización relativos aos datos da persoa titular do establecemento ou á denominación do establecemento. Para isto deberá presentarse a mesma documentación que se esixe para outorgar unha autorización de instalación e localización agás a fotocopia da solicitude de licenza municipal de apertura a nome da persoa titular do establecemento.

• Comunicación de modificación de autorización de instalación e localización (Anexo XL), acompañada da seguinte documentación:

  • No caso de cambio na titularidade do negocio:

    • De tratarse dunha persoa física: fotocopia do DNI da persoa titular do establecemento, ou número e sinatura de autorización para ser verificado pola Administración na base de datos do NIF do Ministerio de Interior, ou documento equivalente no caso de persoas estranxeiras.

      De tratarse dunha persoa xurídica: Fotocopia do Número de identificación fiscal, da escritura pública de constitución e do DNI da persoa representante ou autorización no cadro correspondente.

    • Fotocopia da solicitude do cambio de titularidade da licenza municipal de apertura a nome da nova persoa titular do establecemento.

    • Fotocopia do documento polo que se acredite a realización dunha actividade económica de hostalaría no local.

    • Documento acreditativo da titularidade ou dispoñibilidade do local.

    • Exemplar das autorizacións de instalación e localización en vigor.

    • Xustificante acreditativo do pagamento da taxa administrativa correspondente.

  • No caso de cambio na denominación comercial do establecemento:

    • Xustificante acreditativo do pagamento da taxa administrativa correspondente

• Inicio
• Solicitude (Anexo XL)