A autorización de instalación e localización é o documento administrativo, dilixenciado pola delegación provincial competente, en exemplar triplicado, mediante o cal se vincula, durante un período determinado, unha empresa operadora cun específico local autorizado, para a instalación de máquinas de xogo.

A autorización de instalación e localización do establecemento é necesaria pero non suficiente, por si mesma, para a efectiva instalación e explotación no establecemento de máquinas de xogo. Para iso será necesario, ademais, dispoñer da comunicación de localización regulada no artigo 56º deste regulamento debidamente dilixenciada.

Os casinos de xogo, os salóns recreativos e de xogo e as salas de bingo non precisarán a obtención da autorización de instalación e localización para a instalación daquelas máquinas de xogo que exploten directamente. As devanditas máquinas deberán contar coa preceptiva autorización de explotación e deberase de dilixenciar a comunicación de localización regulada no artigo 56º deste regulamento.

• Solicitude de autorización de instalación e localización, segundo modelo normalizacos PR327A

• Os datos do establecemento e da persoa titular.

• Os datos da empresa operadora titular da máquina ou máquinas que se van instalar.

• O número de máquinas que se van instalar.

• Data de autorización de instalación das máquinas nun establecemento concreto e o seu vencemento.

• A sinatura das persoas titulares do local e da empresa operadora debidamente cotexada, entendendo por tal aquela que veña xunto co DNI orixinal do asinante, ou debidamente compulsada.

• As persoas titulares dos establecementos de hostalaría deberán de achegar, ademais, os seguintes documentos:

  • Fotocopia do documento nacional de identidade da persoa titular, no caso de persoa física, o código de identificación fiscal e a escritura pública, se for persoa xurídica.

  • Fotocopia da solicitude de licenza municipal de apertura ao seu nome.

  • Copia do documento de alta do/da solicitante da declaración censual tributaria.

  • Documento acreditativo da titularidade ou dispoñibilidade do local.

• Xustificante de pago da tasa administrativa.