Este procedemento será o utilizado polas empresas titulares dun modelo previamente homologado e inscrito na sección VI do Rexistro de Modelos da Comunidade Autónoma de Galicia para introducir no dito modelo calquera modificación que afecte ao software do funcionamento do sistema.

Para tramitar este tipo de modificacións esixiráselle ás empresas solicitantes o cumprimento de todos os trámites e requisitos previstos neste regulamento para o procedemento de homologación e inscrición.

• Solicitude normalizada segundo o Anexo III, acompañada da seguinte documentación:

  • Memoria de funcionamento do sistema.

  • Informe do laboratorio de ensaio sobre o funcionamento do aparello.

  • Fotografía 15x10 cms. nítida e en cor dos elementos do sistema.

  • Exemplar da memoria do programa de interconexión.

  • Declaración de conformidade CE ou certificado de conformidade CE, segundo os casos.

  • Xustificante acreditativo do pago dla taxa administrativa correspondente.

• As solicitudes deberán presentarse preferiblemente por vía electrónica a traves do formulario normalizado dispoñible na sede electrónica da Xunta de Galicia, https://sede.xunta.es, de acordo co establecido nos artigos 27 da Lei 11/2007, do 22 de xuño, de acceso dos cidadáns aos servizos públicos, e 24 do Decreto 198/2010, do 2 de decembro, polo que se regula o desenvolvemento da Administración electrónica na Xunta de Galicia e nas entidades dela dependentes. Para a presentación das solicitudes será necesario o documento nacional de identidade electrónico ou calquera dos certificados electrónicos recoñecidos pola sede da Xunta de Galicia.

  Tamen se poderán presentar as solicitudes en soporte papel en calquera dos lugares e rexistros establecidos no artigo 38.4 da Lei 30/1992, do 26 de novembro, de rexime xurídico das administracións públicas e do procedemento administrativo común, utilizando o formulario normalizado dispoñible na sede electrónica da Xunta de Galicia.

  A documentación complementaria poderase presentar de acordo co disposto polo artigo 35.2 da Lei 11/2007, do 22 de xuño, de acceso dos cidadáns aos servizos públicos, e 22.3 do Decreto 198/2010, polo que se regula o desenvolvemento da Administración electrónica na Xunta de Galicia e nas entidades dela dependentes.

  Sempre que se realice a presentación de documentos separadamente da solicitude, a persoa interesada deberá mencionar o código e o órgano responsable do procedemento, o número de expediente e o número ou código único de rexistro.

• Fase de solicitude
• Solicitude (Anexo III)

Prazo de resolución: Cinco meses

Sentido do silencio: Negativo