Este procedemento será o utilizado por todas aquelas empresas previamente inscritas na Sección I (empresas fabricantes e importadoras) e II (empresas comercializadoras e distribuidoras) do Rexistro de Empresas de Máquinas de Xogo para dar de alta novos modelos de sistemas de interconexión de máquinas B, B especial ou C na Sección VI do Rexistro de Modelos da Comunidade Autónoma de Galicia.

Este procedemento será utilizado única e exclusivamente para a homologación e a inscrición de modelos de sistemas de interconexión de máquinas entre establecementos, é dicir, non será o que se empregue para a homologación e inscrición de sistemas de interconexión de máquinas instaladas nun só local.

As empresas fabricantes, importadoras, comercializadoras ou distribuidoras previamente inscritas no Rexistro de Empresas de Máquinas de Xogo da Comunidade Autónoma de Galicia.

Para a homologación de sistemas de interconexión entre os establecementos de xogo autorizados (salóns, bingos ou casinos) deberá acreditarse que o sistema garante o cumprimento dos seguintes requisitos:

a) Que recolle perfectamente a información dos establecementos que se interconecten no tocante á dotación económica achegada por cada un deles ao sistema e ao pagamento de premios e que reflicte, en todo momento, os establecementos que están interconectados.

b) Que a comunicación é constante e a tempo real de maneira que, de forma inmediata, se reflicta no sistema de control e xestión calquera evento no desenvolvemento do xogo.

c) Que o momento de realización dos sorteos e o outorgamento dos premios se realiza de modo aleatorio ou pseudoaleatorio, e garantíndose a confidencialidade tanto do momento no que se producen os sorteos como do outorgamento dos premios, de modo que sexa imposible o seu coñecemento polo titular da explotación ou por terceiros.

d) Que o premio acumulado non supoña unha minoración da porcentaxe de devolución de cada unha das máquinas interconectadas.

e) Que o premio máximo non supera, no caso das máquinas C a suma de premios máximos que poidan outorgarse no total de máquinas habitualmente interconectadas. Tratándose de máquinas B, o dito premio non poderá superar o límite de 3.000 euros.

Así mesmo, tanto no caso das máquinas B como no das máquinas C, deberá acreditarse que o dito premio máximo vén configurado de fábrica e garantirse que non poderá ser alterado pola empresa operadora.

f) Que non se paga dúas veces o mesmo premio e que non queda ningún premio sen pagar por culpa dun fallo no sistema de maneira que cando se dea un premio non se poida reiniciar o xogo ata que o establecemento onde se teña outorgado ese premio confirme o pagamento deste.

g) Que conta coas medidas de seguridade necesarias para o seu correcto funcionamento no caso de que se produzan avarías.

h) Que o sistema é inviolable e que incorpora un dispositivo de seguridade que garanta a integridade da memoria de xogo no momento en que se intente a súa manipulación. Así mesmo, deberá garantirse que queden trazas de calquera intento de manipulación do sistema.

i) Que se conte con visualizadores conectados á rede de cada local de xogo que informarán os usuarios.

j) Que as máquinas interconectadas ao sistema interactuarán directamente coa persoa xogadora sen que poidan ter incorporado ningún elemento adicional que faga depender exclusivamente delas o desenvolvemento do xogo.

k) Que todos os establecementos interconectados recibirán información acerca de onde tocou o premio e que teñan acceso a un historial dos premios outorgados polo sistema.

l) Que o sistema recolla e conserve o histórico total de información sobre os seguintes extremos que, ademais, deberán ser imposibles de borrar ou modificar

• Homologación de sistemas de interconexión de máquinas ( 30.07.19)

Pode realizar o pago destas taxas na sede electrónica como un dos pasos da tramitación en liña.

• Solicitude segundo o Anexo II.

• Memoria de funcionamento do sistema

• Informe do laboratorio de ensaio sobre o funcionamento do aparello

• Fotografía 15x10 cm. nítida en cor dos elementos do sistema

• Un exemplar da memoria do programa de interconexión

• Declaración de conformidade CE ou certificado de conformidade CE, segundo os casos.

• Xustificante acreditativo do pagamento da taxa administrativa correspondente.

• Inicio
• Solicitude (Anexo II)