Orientámolo/a, paso a paso, para presentar unha solicitude no rexistro electrónico
PR305D - Transmisión da autorización de instalación dun casino de xogos.
Aberto todo o ano Obxecto
Mediante este procedemento as empresas titulares dunha autorización de instalación dun casino de xogos poderán solicitar autorización do órgano competente en materia de xogo para traspasar a titularidade da súa autorización a outra empresa, non considerándose, a estes efectos, que existe transmisión da autorización nos supostos de reorganización empresarial de conformidade coa lexislación vixente.
A quen vai dirixido?
Empresas explotadoras de casinos de xogos.
Requisitos
1. Unicamente poderá instarse a tramitación deste procedemento no caso de que transcorresen polo menos cinco anos desde o outorgamento ou renovación da autorización que se pretende transmitir.
2. A sociedade a que se lle pretenda transmitir a autorización terá que cumprir os requisitos esixidos no regulamento de casinos de xogos para ser titular dunha autorización de instalación.
2. A sociedade a que se lle pretenda transmitir a autorización terá que cumprir os requisitos esixidos no regulamento de casinos de xogos para ser titular dunha autorización de instalación.
A onde acudir
Xunta de Galicia
Vicepresidencia Primeira e Consellería de Presidencia, Xustiza e Deportes
Dirección Xeral de Emerxencias e Interior
Subdirección Xeral de Xogo e Espectáculos Públicos
Servizo de Xogo
R/ Roma, 25-27 - Polígono de Fontiñas
15707 Santiago de Compostela (Coruña, A)
Teléfono: 981546410/ 981546442
Fax: 981546486
Email: xogosc@xunta.es
Órgano responsable
Servizo de Xogo
Normativa
Ámbito Autonómico
Lei 14/1985, de 23 de outubro, Reguladora dos Xogos e Apostas en Galicia (DOG nº 222 de 20 de novembro de 1985).
Lei 6/2014, do 26 de xuño, pola que se modifica a Lei 14/1985, do 23 de outubro, reguladora dos xogos e apostas en Galicia (DOG nº 124 do 2 de xullo de 2014).
Decreto 37/2016, do 17 de marzo, polo que se aproba o Regulamento de casinos de xogo da Comunidade Autónoma de Galicia (DOG nº 67 do 8 de abril de 2016).
Corrección de erros. Decreto 37/2016, do 17 de marzo, polo que se aproba o Regulamento de casinos de xogo da Comunidade Autónoma de Galicia (DOG nº 79 do 26 de abril de 2016).
Prazo
Prazo de presentación: Aberto todo o ano
Este decreto entrará en vigor aos vinte días da súa publicación no Diario Oficial de Galicia.
Documentación para a presentación
- Solicitude segundo o Anexo II do Decreto 37/2016, do 17 de marzo.
- Copia do DNI, NIE ou NIF da persoa solicitante, só no caso de que non autorice a súa consulta.
- No caso de que a adquirente sexa un proxecto de sociedade, acompañarase copia do DNI, NIE ou NIF da persoa/s socia/s promotora/s solicitante/s, no caso de que non se autorice a súa consulta (segundo modelo anexo IX) ou do documento equivalente no caso de persoas estranxeiras.
- Copia ou testemuño notarial da escritura de constitución da sociedade e dos seus estatutos, debidamente inscrita no Rexistro Mercantil ou, se e o caso, copia ou testemuño notarial desta e resgardo acreditativo da súa presentación no Rexistro Mercantil.
- Se e o caso, documento subscrito polas persoas socias da compañía que recolla o compromiso de elevar o capital social, como mínimo, ata alcanzar o importe legalmente esixido dentro dos 30 días hábiles seguintes a autorización de transmisión da autorización de instalación do casino de xogo.
- Para o suposto de que a adquirente non estea constituída como sociedade, unha escritura pública na que se recolla o compromiso das persoas socias promotoras de constituír a sociedade, proxecto da escritura e proxecto dos estatutos sociais.
- Relación das persoas socias e copia do seu DNI ou NIE, só no caso de que non autorice a súa consulta (segundo modelo anexo IX) ou documento equivalente no caso de persoas estranxeiras. Cando se trate de persoas xurídicas, copia da escritura pública de constitución e copia do seu NIF, só no caso de que non autorice a súa consulta (segundo modelo anexo IX) ou documento equivalente no caso de persoas estranxeiras.
- Certificado que acredite que as persoas socias non teñen antecedentes penais expedido polo Ministerio de Xustiza e declaración complementaria de conduta cidadá.
- Relación de persoas ás que se lle conferise o poder de representación da empresa e copia do DNI ou NIE, só no caso de que non autorice a súa consulta (segundo modelo anexo IX) ou documento equivalente no caso de persoas estranxeiras, así como prazo da súa permanencia no cargo e copia ou testemuño notarial da escritura en virtude da cal se lle outorga a capacidade de representación.
- No caso de que as persoas ás que se lle conferise o poder de representación fosen persoas xurídicas, ademais da copia ou testemuño notarial da escritura en virtude da cal se lle outorga a capacidade de representación, copia da escritura pública de constitución e do seu NIF, só no caso de que non autorice a súa consulta (segundo modelo anexo IX) ou documento equivalente en caso de persoas estranxeiras.
- Para o suposto de que a adquirinte non estea constituída como sociedade, copia ou testemuño notarial do poder que as persoas socias promotoras outorguen a favor da persoa asinante da solicitude.
- Certificados da Axencia Estatal da Administración Tributaria, da Axencia Tributaria de Galicia e da Tesourería Territorial da Seguridade Social de estar o día no cumprimento das súas obrigas tributarias e fronte á Seguridade Social respectivamente só no caso de que non autorice a súa consulta.
- No caso de ser propietario/a, certificación do Rexistro da Propiedade correspondente do inmoble onde estea instalado o casino de xogos ou, noutro caso, os documentos que acreditan a súa dispoñibilidade presente e/ou futura.
Anexos asociados
Resolución
Prazo de resolución: Un mes
Sentido do silencio: Positivo
Procedementos e servizos relacionados
Aberto todo o ano Aberto todo o ano Aberto todo o ano Aberto todo o ano Aberto todo o ano Aberto todo o ano