Orientámolo/a, paso a paso, para presentar unha solicitude no rexistro electrónico
PR203A - Inscrición no rexistro de colexios profesionais e consellos galegos de colexios profesionais.
Aberto todo o ano Obxecto
Os colexios profesionais radicados na Comunidade Autónoma deberan inscribirse no Rexistro de Colexios Profesionais dependente da Dirección Xeral de Xustiza, presentando para iso solicitude normalizada, así como documentación requirida en cada caso.
Os asentos no Rexistro serán de tres clases:
- De ingreso, nos que se hara constar a denominación, sede e ámbito, fins estatutarios e persoas que integran os órganos de goberno.
- Complementarios, referidos ás modificacións estatutarias, renovacións nos órganos de goberno, cambios de domicilio social, sedes e delegación, incorporacións de novos colexios, así como calquera acto xurídico ou dato con repercusións xurídicas aos que conveña darlles publicidade.
- De baixa: disolución do consello.
A quen vai dirixido?
Colexios profesionais radicados na Comunidade Autónoma.
A onde acudir
Xunta de Galicia
Vicepresidencia Segunda e Consellería de Presidencia, Xustiza e Deportes
Secretaría Xeral Técnica da Consellería de Presidencia, Xustiza e Deportes
Edificio Administrativo San Caetano, s/n
15781 Santiago de Compostela (Coruña, A)
Órgano responsable
Secretaría Xeral Técnica da Consellería de Presidencia, Xustiza e Deportes
Normativa
Ámbito Autonómico
Orde do 2 de xullo de 2014 pola que se adaptan e incorporan á sede electrónica da Xunta de Galicia os procedementos administrativos de prazo aberto da Presidencia da Xunta de Galicia e da Vicepresidencia e Consellería de Presidencia, Administracións Públicas e Xustiza (DOG nº 132 do 14 de xullo de 2014).
Decreto 336/1996, do 13 de setembro, sobre asunción de funcións e servicios transferidos á Comunidade Autónoma de Galicia en materia de asociacións e espectáculos públicos, respectivamente, polos reais decretos 1639/1996 e 1640/1996, ámbolos dous do 5 de xullo, e a súa asignación á Consellería de Xustiza, Interior e Relacións Laborais (DOG nº 182 do 17 de setembro de 1996).
Decreto 161/1997, do 5 de xuño, polo que se regulan os consellos galegos de colexios profesionais e se crea o Rexistro de Colexios Profesionais e os seus Consellos (DOG nº 126 do 2 de xullo de 1997).
Orde do 18 de marzo de 1998 pola que se regula o rexistro de colexios profesionais e de consellos galegos de colexios profesionais da Comunidade Autónoma de Galicia (DOG nº 68 do 9 de abril de 1998).
Lei 11/2001, do 18 de setembro, de colexios profesionais da Comunidade Autónoma de Galicia (DOG nº 189 do 28 de setembro de 2001).
Ámbito Estatal
Lei 2/1974, do 13 de febreiro, sobre Colexios Profesionais (BOE nº 40 do 15 de febreiro de 1974).
Lei 2/2007, do 15 de marzo, de sociedades profesionais (BOE nº 65, de 16 de marzo de 2007).
Real Decreto 1000/2010, de 5 de agosto, sobre visado colexial obrigatorio (BOE nº 190, de 6 de agosto de 2010).
Prazo
Prazo de presentación: Aberto todo o ano
Información de taxas
Este procedemento está suxeito ao pago dunha taxa. A continuación móstrase a listaxe de taxas aplicables:
- Inscrición inicial no rexistro ( fundacións, colexios, consellos, delegacións) (Código taxa: 30.46.01)
- Inscrición de modificación de estatutos (Código taxa: 30.46.02)
- Inscrición de modificación do órgano de goberno (ceses, nomeamentos, substitucións, aceptacións) (Código taxa: 30.46.03)
- Outros actos sometidos a inscrición (Código taxa: 30.46.10)
- Inscrición de fusión, escisión e extinción (Código taxa: 30.46.05)
- Obtención de informacións ou certificacións do rexistro (Código taxa: 30.46.11)
- Expedición de listaxes de entidades inscritas (Código taxa: 30.46.12)
- Expedición de copia de estatutos (Código taxa: 30.46.14)
- Anotacións de calquera clase nos expedientes ou subministración de datos non incluídos nos apartados anteriores (Código taxa: 30.46.13)
Pode realizar o pago destas taxas na Oficina Virtual Tributaria.
Documentación para a presentación
- En todas as solicitudes de inscrición e de expedición de certificacións rexistrais deberán presentar:
- Documento acreditativo da representación (no seu caso).
- Xustificante de pagamento da taxa correspondente.
- E segundo o tipo de solicitude, a seguinte documentación:
- INSCRICIÓN INICIAL:
- Norma pola que se constituíu o colexio ou consello de colexios.
- Estatutos.
- Certificación da composición da xunta de goberno.
- APROBACIÓN DOS ESTATUTOS:
- Certificación do acordo adoptado pola asemblea xeral competente.
- Estatutos modificados, asinados polo representante legal.
- Certificación de aprobación polo Consello Xeral.
- INSCRICIÓN DA XUNTA DE GOBERNO:
- Certificación do acordo adoptado polo órgano competente
- FUSIÓN DE COLEXIOS:
- Certificación expedida polo órgano ou órganos competentes.
- Norma ou resolución acreditativa da fusión.
- DISOLUCIÓN E BAIXA REXISTRAL:
- Certificación expedida polo/a secretario/a co visto e prace do/a presidente/a, do acordo adoptado polo órgano competente, e/ou documento xustificativo da inscrición que se solicita.
- Xustificante da liquidación no seu caso.
- APERTURA/PECHE DE DELEGACIÓN:
- Certificación expedida polo/a secretario/a co visto e prace do/a presidente/a, acreditativa do acordo adoptado polo órgano competente, no que se indique a denominación, domicilio da delegación e representante ou representantes.
- SOLICITUDE DE CERTIFICACIÓNS OU INFORMACIÓN REXISTRAL:
- Solicitude indicando os datos ou actos dos que se solicita certificación ou información do rexistro.
-
PRESENTACIÓN DE SOLICITUDES
- As solicitudes presentaranse obrigatoriamente por medios electrónicos a través do formulario normalizado dispoñible na sede electrónica da Xunta de Galicia, https://sede.xunta.gal. De conformidade co artigo 68.4 da Lei 39/2015, do 1 de outubro, do procedemento administrativo común das Administracións Públicas, se algunha das persoas interesadas presenta a súa solicitude presencialmente, requiriráselle para que a emende a través da súa presentación electrónica. Para estes efectos, considerarase como data de presentación da solicitude aquela na que fose realizada a emenda. Para a presentación electrónica poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 ( https://sede.xunta.gal/chave365 ) .
-
Os documentos orixinais requiridos para a tramitación deste procedemento deberán ser: documentos orixinais asinados dixitalmente ou copias electrónicas auténticas* dos documentos asinados en papel , non sendo válidos documentos escaneados.
-
* Copias electrónicas auténticas
De non dispoñer de documentos asinados dixitalmente, con carácter previo á presentación electrónica da súa solicitude, pode dixitalizar o documento/s asinado/s manualmente e obter unha copia auténtica.
Nas oficinas de atención á cidadanía e do rexistro xeral da Xunta de Galicia (A Coruña, Lugo, Ourense, Pontevedra, Vigo, Ferrol e Santiago de Compostela) poderá obter unha copia electrónica auténtica da documentación orixinal en papel, previo pago da correspondente taxa.
-
Sinatura de documentos
Para a sinatura dixital de documentos poderanse utilizar, entre outros, o seguinte sistema de sinatura:
• Autofirma : permite a execución de operacións de firma de ficheiros locais en entornos de escritorio. Poderá descargar o cliente de autorfirma, en caso de non dispor del, dende o enlace: https://sede.xunta.gal/axuda/necesita-axuda/axuda-tecnica/autofirma?langId=es_ES.
Resolución
Prazo de resolución: Tres meses
Sentido do silencio: Positivo
Procedementos e servizos relacionados
16/01/2019 00:00 - 12/02/2019 23:59 
Aberto todo o ano Aberto todo o ano Aberto todo o ano Aberto todo o ano