Se vostede quere levar a cabo un proxecto experimental en polígonos de viveiros, para explotación dunha nova especie, aplicación dunha nova técnica de cultivo, ou para a instalación dun novo tipo de artefacto, debe solicitar da Xunta de Galicia a correspondente autorización.

Persoas físicas ou en representación dunha persoa xurídica legalmente constituída.

Requírese non ter sanción firme en materia de protección de recursos marítimo-pesqueiros pendente de pagamento.

• Solicitude segundo o Anexo I.

• No suposto de cotitularidades, Anexo II.

• Abono da taxa administrativa.

• Copia da escritura acreditativa de la constitución de la sociedade inscrita no rexistro mercantil.

• Copia dos estatutos polos que se rexe.

• Proxecto descritivo da experiencia que se pretende realizar, redactado e asinado por técnico competente, incluíndo: 1) Memoria técnico-biolóxica específica da experiencia, na que se describan tanto a especie que se vai cultivar coma a técnica do cultivo. Analizaranse as características da especie (hábitat, distribución xeográfica, anatomía, fisioloxía, reproducción, alimentación, crecemento, patoloxía, mortandade, interese comercial, vías de comercialización da producción), e a súa adaptabilidade ó cultivo en viveiros (obtención e procedencia das crías e proxenitores, estructura de cultivo, manipulación, talle inicial, densidade, alimentación, crecemento, talle final, mortandade, calendario de producción). 2) Proxecto técnico específico do viveiro, no que se describirán detalladamente as características particulares do artefacto, mediante planos da planta, sección e alzada, así como esquema da súa distribución e dos elementos de flotabilidade, fondeo, cultivo e estructurais, con indicación dos materiais empregados.

• Cuadrícula(s) solicitada(s), con planos topográficos, de situación (distrito e polígono) e indicación das súas características fundamentais (profundidade, tipo de fondo, parámetros físicos e químicos).

• Estudio económico no que se analice a rendibilidade da explotación polo período solicitado.

• Plan de seguimento e controis da experiencia.

• Memoria da incidencia ambiental, xunto coas medidas correctoras suxeridas.

• Currículum do técnico director e do equipo de investigación previsto para levar a cabo a experiencia, coa súa cualificación profesional, así como a súa dedicación ó desenvolvemento do proxecto.

• Solicitude para a comercialización controlada dos productos obtidos como resultado das experiencias, de ser o caso.

• Outros datos de interese.

• Comprobación de datos.

Os documentos relacionados serán obxecto de consulta ás administracións públicas.No caso de que as persoas interesadas se opoñan a esta consulta, deberán indicalo e achegar unha copia dos documentos.

• DNI/NIE da persoa solicitante.

• DNI/NIE da persoa representante.

• NIF da entidade solicitante.

• Solicitude
• Solicitude (Anexo I)
• Nomeamento de representante (Anexo III)
• Pluralidade de persoas solicitantes (Anexo II)

Prazo de resolución: Catro meses

Sentido do silencio: Negativo