A presente orde ten por obxecto regular o Rexistro de Entidades Colaboradoras de Pesca Fluvial e o Rexistro de Embarcacións e Artefactos Boiantes de Pesca Fluvial, en aplicación do establecido nos artigos 18 e 39 do Decreto 130/1997, do 14 de maio, polo que se aproba o Regulamento de ordenación da pesca fluvial e dos ecosistemas acuáticos continentais, e a tramitación na Comunidade Autónoma de Galicia de procedementos previstos na normativa autonómica, así como habilitar a súa presentación na sede electrónica da Xunta de Galicia.

Por outra banda cumpre establecer o seguinte procedemento:

• Autorizacións especiais de pesca fluvial para a captura de especies piscícolas e invertebrados (procedemento MT807G).

As solicitudes de autorizacións especiais para a captura e transporte de especies piscícolas ou de invertebrados presentaranse ante a dirección xeral competente en materia de pesca fluvial segundo o modelo que figura no anexo IV desta orde (procedemento MT807G).

• Solicitude segundo o Anexo IV, acompañada da seguinte documentación:

  • Memoria na que se describe a natureza dos traballos e metodoloxía de captura e mais un cronograma de execución.

  • Copia do contrato ou acreditación da relación existente entre a entidade que executa o estudo e a entidade que o promove.

  • Anexo V (tantas follas como sexa necesario), no caso de pluralidade de persoas solicitantes.

  • Copia do contrato ou acreditación da relación existente entre a/s persoa/s solicitante/s e a entidade que promove o estudo.

  • Copia da memoria do estudo ou proxecto de investigación.

• Documentación acreditativa fidedigna por calquera medio valido en dereito, no caso de representación.

• Comprobación de datos.

Os documentos relacionados serán obxecto de consulta ás Administracións públicas. No caso de que as persoas interesadas opóñanse a esta consulta, deberán indicalo e achegar unha copia dos documentos:

• DNI/NIE da persoa solicitante.

• DNI/NIE da persoa representante.

• NIF da entidade solicitante.

• NIF da persoa representante.

• Fase de solicitude
• Pluralidade de persoas solicitantes (Anexo V)
• Solicitude (Anexo IV)

Prazo de resolución:

Un mes

Sentido do silencio:

Negativo