Cumprimento ás obrigas de información establecidas para os Sistemas Colectivos de Responsabilidade Ampliada do Produtor (SCRAP), de conformidade co artigo 53 da Lei 7/2022, do 8 de abril, de residuos e solos contaminados para unha economía circular.

A información achegada permitirá verificar o cumprimento das obrigas derivadas da autorización do sistema e facilitar as actuacións de seguimento, control e avaliación por parte da Administración competente.

Persoas físicas e xurídicas que optan por un sistema colectivo de responsabilidade ampliada do produtor.

Forma e lugar de presentación

As comunicacións presentaranse obrigatoriamente por medios electrónicos a través do formulario normalizado dispoñible na sede electrónica da Xunta de Galicia, https://sede.xunta.gal.

De conformidade co artigo 68.4 da Lei 39/2015, do 1 de outubro, do procedemento administrativo común das Administracións Públicas, se algunha das persoas interesadas presenta a súa solicitude presencialmente, requiriráselle para que a emende a través da súa presentación electrónica. Para estes efectos, considerarase como data de presentación da solicitude aquela na que fose realizada a emenda.

Para a presentación electrónica poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365).

Documentación para a presentación

1. As persoas interesadas deberán achegar a seguinte documentación complementaria :

• Informe anual co contido mínimo establecido na normativa vixente en función do fluxo de residuos de que se trate:

  • Aparellos eléctricos e electrónicos (RAEE)

    Informe anual da actividade do SCRAP (anexo XVIII do Real decreto 110/2015).

  • Pilas e acumuladores

    Informe anual da actividade do SCRAP ( art 18 Real decreto 106/2008 e art 16 Real decreto 710/2015 )

  • Envases

    Informe anual da actividade do SCRAP ( anexo VII do Real Decreto 1055/2022).

  • Pneumáticos ao final da súa vida útil

    Informe anual da actividade do SCRAP ( anexo IV Real Decreto 712/2025 )

  • Aceites industriais usados

    Informe anual da actividade do SCRAP ( anexo I Real decreto 679/2006 )

• Documentación acreditativa da representación legal da empresa con copia da escritura notarial da representación debidamente inscrita no Rexistro Mercantil ( só personas xurídicas)

2. A documentación complementaria deberá presentarse electronicamente. Se algunha das persoas interesadas presenta a documentación complementaria presencialmente, requiriráselle para que a emende a través da súa presentación electrónica. Para estes efectos, considerarase como data de presentación aquela na que fose realizada a emenda.

As persoas interesadas responsabilizaranse da veracidade dos documentos que presenten. Excepcionalmente, cando a relevancia do documento no procedemento o exixa ou existan dúbidas derivadas da calidade da copia, a Administración poderá solicitar de maneira motivada o cotexo das copias achegadas pola persoa interesada, para o que poderán requirir a exhibición do documento ou da información orixinal.

3. Sempre que se realice a presentación de documentos separadamente da comunicación deberase indicar o código e o órgano responsable do procedemento, o número de rexistro de entrada da solicitude e o número de expediente se se dispón del.

4. No caso de que algún dos documentos a presentar de forma electrónica superase os tamaños máximos establecidos ou tivera un formato non admitido pola sede electrónica da Xunta de Galicia, permitirase a presentación deste de forma presencial dentro dos prazos previstos e na forma indicada no número anterior. A información actualizada sobre o tamaño máximo e os formatos admitidos pode consultarse na sede electrónica da Xunta de Galicia.

Comprobación de datos

1. Para a tramitación deste procedemento consultaranse automaticamente os datos incluídos nos seguintes documentos en poder da Administración actuante ou elaborados polas Administracións públicas agás que a persoa interesada se opoña á súa consulta.

a) DNI/NIE da persoa física solicitante ou comunicante.

b) NIF da persoa xurídica solicitante ou comunicante.

c) DNI/NIE da persoa representante.

d) NIF da entidade representante.

No caso de que as persoas interesadas se opoñan á consulta, deberán indicalo no recadro correspondente habilitado no formulario correspondente e achegar os documentos.

2. Excepcionalmente, no caso de que algunha circunstancia imposibilite a obtención dos citados datos, poderáselles solicitar ás persoas interesadas a presentación dos documentos correspondentes.

Trámites administrativos posteriores á presentación

Todos os trámites administrativos que as persoas interesadas deban realizar despois da presentación , deberán efectuarse electronicamente accedendo á Carpeta cidadá da persoa interesada dispoñible na sede electrónica da Xunta de Galicia.