a) Establecer no territorio da Comunidade Autónoma de Galicia determinadas normas aplicables para a protección dos animais utilizados en experimentación e outros fins científicos, incluíndo a docencia, en harmonía coa normativa estatal e comunitaria.

b) Ditar as normas para a formación das persoas que traballan nos centros de cría, subministradores ou usuarios de animais que son utilizados para a experimentación e outros fins científicos, incluída a docencia, de acordo co disposto no Real decreto 1201/2005, sobre protección dos animais utilizados para a experimentación e outros fins científicos.

c) Crear o Rexistro dos centros de cría, de subministradores e usuarios de animais de experimentación.

d) Crear a Comisión Galega de Benestar dos Animais de Experimentación.

Inscribiranse no rexistro todos os centros de cría, os centros subministradores e os centros usuarios situados dentro do ámbito territorial da Comunidade Autónoma de Galicia. O rexistro estrutúrase nas seccións seguintes, en función das actividades que desenvolvan os centros inscritos:

a) Centros de cría.

b) Centros subministradores.

c) Centros usuarios.

No caso de que un centro estea integrado por unidades separadas fisicamente e con funcionamento e organización independente, cada unha destas figurará inscrita con carácter de centro diferente, aínda que poderán dispor do mesmo comité ético de benestar animal ao que se refire o capítulo V deste decreto.

Os centros de cría que realicen unicamente a subministración dos animais criados nas súas instalacións inscribiranse como centros de cría.

No caso de centros de cría que ademais de fornecer os animais criados nas súas instalacións, fornezan animais procedentes doutros centros de cría, doutros centros subministradores ou doutras orixes, figurarán no rexistro como centro de cría e centro subministrador.

Para efectos de inscrición no rexistro cando os centros usuarios críen animais para seren utilizados nas súas instalacións, só deberán de inscribirse como centros usuarios, aínda que se deberán axustar tamén ás normas establecidas para os centros de cría.

• Actuacións en materia de protección de animais utilizados para experimentación e outros fins científicos, incluída a docencia: ( 31.07.29)

Pode realizar o pago destas taxas na sede electrónica como un dos pasos da tramitación en liña.

• Solicitude (Anexo I).

• Copia do DNI da persoa representante do centro, só no caso de non autorizar a súa consulta no Sistema de verificación de datos de identidade.

• Documentación que acredite a representatividade do centro.

• Memoria descritiva das características do centro e das actividades que se van desenvolver.

• Planos ou esbozos de situación e distribución das construcións, instalacións e dependencias do centro.

• Superficie dos locais destinados ao aloxamento dos animais e especies que se van aloxar, indicando a súa capacidade.

• Programa hixienico-sanitario, subscrito por un veterinario, que prevexa todas as medidas de control establecidas pola normativa vixente, incluíndo a eliminación de residuos e subprodutos animais.

• Memoria en que se indiquen os aspectos fundamentais dos procedementos que se prevexa realizar, coa indicación das especies e o número de animais que estea previsto utilizar.

• Relación do persoal especializado ao cal se refire o artigo 24º do Decreto 296/2008, con especificación da súa formación e titulación, e das responsabilidades de cada un en materia de benestar e de saúde animal.

• Composición do Comite etico de experimentación animal no caso de que se trate dun centro usuario.

• Outros documentos.

• Fase de solicitude
• Solicitude (Anexo I)

Prazo de resolución: Tres meses

Sentido do silencio: Positivo